مەملەكەت مەرەكەسى، ورتاڭعى كۇز مەرەكەسى دەمالىسى مەزگىلىندە شينجياڭنىڭ جالپى ساياحاتشى تاسىمال مولشەرى 2 ميلليون 405 مىڭ ءبىر ءجۇز ادام رەتكە جەتتى

    ءتىلشىنىڭ 9-قازان شينجياڭ ۇيعۇر اۆتونوميالى رايوندىق قاتىناس تاسىمال مەڭگەرمەسىنەن ۇعىسۋىنشا، مەملەكەت مەرەكەسى، ورتاڭعى كۇز مەرەكەسى دەمالىس مەزگىلىندە، شينجياڭنىڭ جولاۋشى تاسىمال جالپى مولشەرى 2 ميلليون 405 مىڭ ءبىر جۇزگە جەتكەن؛ جالپى ۇيىمداسقان تاسىمال تيجاراتىنا ىستەتىلەتىن اۆتوكولىك 242 مىڭ رەت بولعان. بۇندا، مايعا بەرىلگەن ساياحاتشى تاسىمال اۆتوكولىگى 2727 رەت، ۇستەمە اۆتوكولىك 387 رەت بولعان.

    بۇدان سىرت، 2017-جىلعى مەملەكەت مەرەكەسى، ورتاڭعى كۇز مەرەكەسى دەمالىس مەزگىلىندە (1-قازان ساعات 0 دەن 8-قازان ساعات 24 كە دەيىن)، شينجياڭدا كەشىرىم ەتىلگەن جەتى ادامدىق شاعىن اۆتوكولىكتەردىڭ جالپى سانى 3 ميلليون 694 مىڭ رەت بولىپ، كەشىرىم ەتىلگەن سوما 79 ميلليون 530 مىڭ يۋان بولعان.

    مەرەكە دەمالىس مەزگىلىندە، سىرتقا شىعىپ تۋىسشىلاعان اۆتوكولىكتەردىڭ سانى قاۋىرت ارتتى، ءارقايسى اقى الۋ پۋنكتى شاعىن اۆتوكولىكتەرگە ارناۋلى اقى الۋ قۇرىلعىلارىن ورناتىپ، اقى الىناتىن اۆتوكولىكتەر مەن اقى الىنبايتىن اۆتوكولىكتەردىڭ ءتارتىپتى قاتىناۋىنا جەتەكشىلىك ەتتى. اۆتونوميالى رايوندىق قاتىناس تاسىمال مەڭگەرمەسى مەن قوعام حاۋىپسىزدىك قاتىناس ساقشىلارى، اۋا رايى تاراۋلارى مەن سەلبەسىپ، ماڭىزدى تاس جول قاتىناس بولەگىنە باقىلاۋ جۇرگىزىپ، تاس جول بويىنداعى LED قۇبىلمالى تاقتاسى، قاتىناس راديو مەدياسى قاتارلى مەديالاردان پايدالانىپ، مەملەكەت مەرەكەسى، ورتاڭعى كۇز مەرەكەسى دەمالىس مەزگىلىندەگى قاتىناس ينفورماتسيالارىن دەركەزىندە جاريالاپ، اقى الىنبايتىن اۆتوكولىكتەردىڭ ىركىلىسسىز قاتىناۋ قىزمەتىنە كەپىلدىك ەتتى.

    ۇعىسۋعا قاراعاندا، مەملەكەت مەرەكەسى، ورتاڭعى كۇز مەرەكەسى دەمالىس مەزگىلىندەگى شينجياڭ تاس جول قاتىناس احۋالى جاقسى، جولاۋشى تاسىمال حاۋىپسىزدىك جاۋاپكەرشىلىك شىرعالاڭى مەن جول بولەگى قىزمەت كورسەتۋ ساپاسى داۋ-شارى تۋىلمادى.

جاۋاپتى رەداكتور:سايراش تۇرارجان قىزى