ىشكى ولكەلەردەگى 15 جوعارى مەكتەپتىڭ شينجياڭ مەديتسينا ۋنيۆەرسيتەتىنە باعىتتامالى كومەك بەرۋ قىزمەتى جونىندەگى ءماجىلىسى اشىلدى

    ىشكى ولكەلەردەگى 15 جوعارى مەكتەپتىڭ شينجياڭ مەديتسينا ۋنيۆەرسيتەتىنە باعىتتامالى كومەك بەرۋ قىزمەتى جونىندەگى ءماجىلىس 20 - قىركۇيەك تۇستەن بۇرىن اشىلدى. شينجياڭ ۇيعۇر اۆتونوميالى رايوندىق پارتكوم شۋجيىنىڭ ورىنباسارى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى جانە ءسوز سويلەدى.

    لي پىڭشين شينجياڭ مەديتسينا ۋنيۆەرسيتەتىنە باعىتتامالى كومەك بەرەتىن ىشكى ولكەلەردەگى 15 جوعارى مەكتەپتىڭ جاۋاپتى جولداستارىنا شينجياڭنىڭ جاعدايى مەن ەكونوميكالىق، قوعامدىق دامۋ احۋالىن تانىستىردى. ول بىلاي دەدى: شينجياڭ ۇيعۇر اۆتونوميالى رايوندىق پارتكوم بۇكىل رايونداعى ءار ۇلت كادر - جۇرتشىلىعىن ىنتىماقتاستىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە باس شۋجي شي جينپيڭنىڭ ماڭىزدى جەلىلەس سوزدەرىنىڭ رۋحىن ىشكەرىلەي دايەكتى تياناقتاندىرىپ، باس نىسانانى ارقاۋ ەتىپ، «كەشەندى شارالاردى» ويداعىداي اتقارىپ، ورنىقتىلىق، دامۋ ىستەرىن بار كۇشپەن ىلگەرىلەتىپ، قوعامدىق جالپى جاعدايدىڭ جالپىلىق ورنىقتىلىعىن ساقتادى، ەكونوميكا، قوعام اقاۋسىز دامىپ، ءار ۇلت بۇقاراسىنىڭ تۇرمىسى ۇزدىكسىز جاقسارىپ، ۇلتتار ىنتىماعى ۇزدىكسىز بەكەمدەلدى. بۇل ناتيجەلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، بۇكىل شينجياڭداعى ءار ۇلت حالقىنىڭ ءبىر نيەتپەن كۇش قوسىپ، ىنتىماقتاسا كۇرەس جۇرگىزۋىنىڭ جەمىسى، بۇل ناتيجەنى ىشكەرىدەگى ولكە - قالالاردىڭ، ىشكى ولكەلەردەگى جوعارى مەكتەپتەردىڭ قالتقىسىز كومەگىنەن جانە قۋاتتى قولداۋىنان بولە قاراۋعا بولمايدى. ۇزاق ۋاقىتتان بەرى، باعىتتامالى كومەك بەرەتىن 15 جوعارى مەكتەپتىڭ ماماندارى، وقىمىستىلارى وسكەلەڭ ساياسي سانالىلىقپەن، شينجياڭعا كومەك بەرۋ قىزمەتىنە سۇيىسپەنشىلىكپەن، جاۋاپكەرشىلىكپەن، بورىشتىلىقپەن دەن قويا ات سالىسىپ، شينجياڭ جوعارى مەكتەپ وقۋ - اعارتۋىنىڭ دامۋىن، اسىرەسە، شينجياڭ مەديتسينا ۋنيۆەرسيتەتىنىڭ دامۋىن ىلگەرىلەتۋ ءۇشىن بەلسەندى ۇلەس قوستى. لي پىڭشين اۆتونوميالى رايوندىق پارتكوم، ۇكىمەت اتىنان باعىتتامالى كومەك بەرەتىن 15 جوعارى مەكتەپتىڭ پارمەندى قولداۋى مەن قالتقىسىز كومەگىنە شىن جۇرەكتەن العىس ايتتى.

    باعىتتامالى كومەك بەرەتىن قاتىستى جوعارى مەكتەپتەر شينجياڭ مەديتسينا ۋنيۆەرسيتەتىمەن 8 نىسان جونىندە سەلبەستىك كەلىسىمىن جاساسىپ، زات الماسۋ اۋرۋلارىنىڭ كلينيكالىق بولىمشەسىنە ۋيۆەسكا بەرۋ مۇراسىمىن وتكىزدى.

    اۆتونوميالى رايوندىق پارتكومنىڭ تۇراقتى مۇشەسى، شينجياڭ ۇيعۇر اۆتونوميالى رايونى ءتوراعاسىنىڭ ورىنباسارى ەركىن تۇنياز «تيانشان وقىمىستىلارىنا»، «ەكى مەكتەپكە قاتار پروفەسسور بولعاندارعا» تاعايىنداۋ كۋالىگىن تاراتتى.

جاۋاپتى رەداكتور:سايراش تۇرارجان قىزى