قۇربان ايت مەرەكەسى مەزگىلىندە جالپى 6 ميلليون 17 مىڭ ادام رەت ساياحاتشىنى قابىلدادى

2

4-قىركۇيەكتە، ساياحاتشىلار دابانچىڭ رايونى تۇزدى كول كورىنىس رايونىن ساياحاتتاۋدا

    ءجۇزىم، المۇرت ءۇزۋ ... قۇربان ايت مەرەكەسى دەمالىس مەزگىلىندە شينجياڭنىڭ جەمىس-جيدەك ونىمدەرى ءبىرتۇتاس پىسۋ مەزگىلىنە جەتىپ، ساياحاتشىلار قالاشىقتاردى، ديقاندار ساياجاي شاتتىعى قاتارلى جەرلەرگە بارىپ، جەمىس-جيدەك ءۇزىپ، ساياحاتتادى.

    5-قىركۇيەكتە، اۆتونوميالى رايوندىق ساياحات دامۋ كوميتەتى جاريالاعان ساندىق مالىمەتىنەن مىنالاردى كورىپ الۋعا بولادى: شينجياڭ قۇربان ايت مەرەكەسى مەزگىلىندە ەل ىشىنەن قابىلداعان ساياحاتشىلاردىڭ سانى 6 ميلليون 17 مىڭ ادام رەت بولىپ، مۇنىڭ ىشىندە تۇنەمەلى ساياحاتشىلار 2 ميلليون 726 مىڭ ادام رەت، ءبىر كۇندىك ساياحاتشىلاردىڭ سانى 3 ميلليون 291 مىڭ ادام رەت بولىپ، ەل ىشىندەگى ساياحاتشىلاردىڭ جالپى تۇتىنۋ مولشەرى 8 ميليارد 420 ميلليون يۋانعا جەتكەن.

    مۇنىڭ ىشىندە، ءۇرىمجى قالاسىندا 1-قىركۇيەكتەن 5-قىركۇيەككە دەيىنگى قابىلدانعان ساياحاتشىلاردىڭ سانى 1 ميلليون 729 مىڭ ادام-رەت بولىپ، ساياحاتشىلاردان 2 ميليارد 345 ميلليون يۋان كىرىس كىرگەن.

    اۆتونوميالى رايوندىق ساياحات دامۋ كوميتەتى قاتىستى جاۋاپتى ادامنىڭ تانىستىرۋىنا قاراعاندا، قۇربان ايت مەرەكەسى مەزگىلىندە، شينجياڭدا جەمىس-جيدەك پىسۋ مەزگىلى بولعاندىقتان، ساياحاتشىلار ءۇي ىشىمەن ساياحاتقا شىعىپ، بىرلىكتە مادەنيەتتى سەزىنىپ، ساياحات قىزمەت وتەۋدەن يگىلىكتەنىپ، دەمالۋ قاتارلى كوپ ءتۇرلى ساياحات يقۋاتتارى بار قالاشىق، ديقاندار ساياجاي شاتتىعى قاتارلى قۇرىلعىلارى تولىق ورىندارعا بارىپ ساياحاتتاپ قايتتى.

جاۋاپتى رەداكتور:سايراش تۇرارجان قىزى