شينجياڭدا جوعارى مەكتەپتەردەگى تولىق كۋرس دەڭگەيىندەگى وقۋ – اعارتۋعا رەفورما جۇرگىزۋ جوباسى جاريالاندى

اۆتونوميالى رايون دارەجەلى ءتۇيىندى كاسىپتەردەن 50 كاسىپ كوركەيتىلەدى، اۆتونوميالى رايون دارەجەلى تاجىريبەلىك وقىتۋعا ۇلگى ورتالىقتارىنان 50 ورتالىق قۇرىلادى

    حالىق تورابى، 31 – تامىز، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭدا «13 – بەسجىلدىق» مەزگىلىندە اۆتونوميالى رايون دارەجەلى ءتۇيىندى كاسىپتەردەن 50 كاسىپ كوركەيتىلەدى، اۆتونوميالى رايون دارەجەلى تاجىريبەلىك وقىتۋعا ۇلگى ورتالىقتارىنان 50 ورتالىق قۇرىلادى.

    ءتىلشىنىڭ 30 – تامىزدا اۆتونوميالى رايوندىق وقۋ – اعارتۋ مەڭگەرمەسىنەن ۇعىسۋىنشا، «شينجياڭ ۇيعۇر اۆتونوميالى رايونىنداعى جوعارى مەكتەپتەردە تولىق كۋرس دەڭگەيىندەگى وقۋ – اعارتۋعا رەفورما جۇرگىزۋ ينجەنەرياسىن اتقارۋ جوباسى» (تومەندە «جوبا» دەپ قىسقارتىلىپ الىنادى) رەسمي ورتاعا قويىلدى.

    «جوبادا» مىنالار ورتاعا قويىلعان: «13 – بەسجىلدىق» مەزگىلىندە، اۆتونوميالى رايون دارەجەلى ءتۇيىندى كاسىپتەردەن 50 كاسىپ كوركەيتىلەدى، وقىتىلاتىن پاندەر ءبىرشاما از، وقىتۋ ونىمدىلىگى جوعارى، تاجىريبەنى ورتاقتاسۋ اۋماعى كەڭ ۇلگى ورتالىقتارىن كوركەيتۋگە ءتۇيىندى تۇردە قولداۋ كورسەتىلىپ، اۆتونوميالى رايون دارەجەلى تاجىريبەلىك وقىتۋعا ۇلگى ورتالىقتارىنان (ينجەنەريالىك تاربيەلەۋ ورتالىعى) 50 ورتالىقتى قۇرۋعا كۇش سالىنادى. تاجىريبەلىك وقىتۋعا ۇلگى ورتالىعىنان مەملەكەت دارەجەلى 2 ~ 3 ورتالىقتى قاتارعا قوسىپ، شينجياڭداعى جوعارى مەكتەپتەردىڭ نەگىزگى ءپان تۇرلەرىن نەگىزىنەن تولىق قامتيدى؛ مەملەكەت دارەجەلى تاجىريبەلىك وقىتۋعا ۇلگى ورتالىقتارىن شينجياڭداعى جوعارى مەكتەپتەرگە اشىق ۇستاۋدى ىلگەرىلەتىپ، تاجىريبەلىك وقىتۋ مەن ءامالياتتىق وقىتۋ جاعىنداعى ساپالى بايلىق قاينارىن ىشكەرىلەي توعىستىرۋدى جانە جان-جاقتىلى ورتاق يگىلىكتەنۋدى جەبەيدى.

جاۋاپتى رەداكتور:سايراش تۇرارجان قىزى