وقۋ – اعارتۋ مينيسترلىگى مىندەتتى وقۋ – اعارتۋ كەزەڭىندە انا ءتىلى، تاريح سىندى ساباقتاردى وقىتۋدا ءسوزسىز بەلگىلەنگەن وقۋلىقتاردى پايدالانۋ كەرەك ەكەنىن تالاپ ەتتى

    ءتىلشىنىڭ 4 – شىلدەدە وقۋ – اعارتۋ مينيسترلىگىنەن ۇعىسۋىنشا، مىندەتتى وقۋ – اعارتۋ كەزەڭىندەگى ءمورال جانە زاڭمەن باسقارۋ، انا ءتىلى، تاريح جانە باستاۋىشتىق عىلىم وقۋلىقتارىنا قاتىستى قىزمەتتەردى ويداعىداي ىستەۋ ءۇشىن، وقۋ – اعارتۋ مينيسترلىگى جۋىردا ۇقتىرۋ شىعارىپ، قاتىستى ساباقتاردى وقىتقاندا ءسوزسىز «2017 – جىلعى مىندەتتى وقۋ – اعارتۋ كەزەڭىندەگى ءمورال جانە زاڭمەن باسقارۋ، انا ءتىلى، تاريح جانە باستاۋىشتىق عىلىم ساباقتارىندا پايدالانىلاتىن وقۋلىقتار تىزىمىندە» جاريالانعان وقۋلىقتاردى پايدالانۋ كەرەك دەگەن تالاپ قويدى.

    بۇل تالاپتار 2017 – جىلى ءبىرىنشى جىلدىقتىڭ باستاۋىشتىق عىلىم ساباعىنان باستاپ قويىلاتىن بولىپ وزگەرتىلدى، ۇقتىرۋدا مىنالار اتاپ كورسەتىلگەن: وقۋلىق قۇراستىراتىن ءارقايسى باسپا ورىندارى جاڭا ساباق ولشەمى بويىنشا، قازىر پايدالانىپ جۇرگەن باستاۋىشتىق عىلىم ساباعىنىڭ وقۋلىعىنا وزگەرىس ەنگىزۋى ءارى ءبىرىنشى، ەكىنشى جىلدىق وقۋلىقتارىن قۇراستىرۋى كەرەك. تەكسەرۋ - بەكىتۋدەن وتكەن وقۋلىقتار 2017 – جىلى باستاۋىشتىڭ ءبىرىنشى جىلدىعىنان باستاپ پايدالانىلادى، ءۇشىنشى جىلدىقتان التىنشى جىلدىققا دەيىن قازىر پايدالانىپ جۇرگەن وقۋلىقتار جالعاستى پايدالانىلادى.

    ۇقتىرۋدا مىنالار انىق تالاپ ەتىلگەن: بارلىق وقۋلىقتاردا ساباقتان سىرت پىسىقتاۋعا ارنالعان ءارقانداي توراپ ءادىرىسى، ەكىلىك كود قاتارلى ينفورماتسيالار بولماۋى كەرەك ءارى جەر – جەر ءبىرتۇتاس ورنالاستىرۋ جاساپ، وقۋ باستالاردان بۇرىن وقۋلىقتى جەتكىزىپ بولۋعا كەپىلدىك ەتۋى كەرەك.

جاۋاپتى رەداكتور:سايراش تۇرارجان قىزى