«ورتالىق باسقاراتىن 31 جوعارى مەكتەپتىڭ پارتكومدارىن شارلاپ تەكسەرۋ جاعدايى جونىندەگى ارنايى باياندامانى» قارادى

ج ك پ ورتالىق كوميتەتىنىڭ ساياسي بيۋروسى ءماجىلىس اشتى 

ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

   ج ك پ ورتالىق كوميتەتىنىڭ ساياسي بيۋروسى 28 - ماۋسىمدا ءماجىلىس اشىپ، «ورتالىق باسقاراتىن 31 جوعارى مەكتەپتىڭ پارتكومدارىن شارلاپ تەكسەرۋ جاعدايى جونىندەگى ارنايى باياندامانى» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

    ءماجىلىس بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شارلاپ تەكسەرۋ قىزمەتىنە وسكەلەڭ ءمان بەرىپ، شارلاپ تەكسەرۋ امالياتىنا، نازارياسىنا، تۇزىمىنە جاڭالىق ەنگىزۋدى جاپپاي ىلگەرىلەتتى. شارلاپ تەكسەرۋ سەمسەرى 5 جىلدان بەرى شىڭدالىپ، قۇدىرەتىن اناعۇرلىم ايگىلەپ، پارتيا ىشىندەگى باقىلاۋدى تۇزىمدەندىرۋدىڭ ماڭىزدى جەمىسىنە اينالدى، بۇل پارتيانى جاپپاي قاتاڭ جونگە سالۋدى ىلگەرىلەتۋدە اسا ماڭىزدى مانگە يە.

    ءماجىلىس مىنانى باسا دارىپتەدى: ج ك پ 18 - كەزەكتى ورتالىق كوميتەتىنىڭ شارلاپ تەكسەرۋ قىزمەتىن جان - جاقتىلى قورىتىندىلاپ، ۇيىمدىق ءتۇزىم مەن ءادىس - ءتاسىلدى اناعۇرلىم جاڭالاپ، شارلاپ تەكسەرۋ قىزمەتىنىڭ ىشكەرىلەي دامۋىن جەبەۋ كەرەك.

    ءماجىلىس مىنانى اتاپ كورسەتتى: ەلىمىزدەگى جوعارى مەكتەپتەر سوتسياليزم ىستەرىنىڭ قۇرىلىسشىلارى مەن ءىزباسارلارىن تاربيەلەۋدەي ماڭىزدى مىندەتتى ارقالاپ وتىر، ماركسيزمدى بەكەمدەۋدىڭ جانە ونى دامىتۋدىڭ ماڭىزدى بازاسى. ورتالىق باسقاراتىن 31 جوعارى مەكتەپتىڭ جالپى بەتتىك ساياسي اقاۋسىزدىعىن شارلاپ تەكسەرۋ پارتيانىڭ جوعارى مەكتەپتەرگە باسشىلىعىن كۇشەيتىپ، جوعارى مەكتەپتەردىڭ پارتيانى باسقارۋ، پارتيانى جونگە سالۋ، ءبىلىم بەرۋ، مەكتەپتى جونگە سالۋ قىزمەتتەرىن جەبەپ، تۇبىرىنەن وڭاۋ مەن ۇستىنەن وڭاۋ رولىن اتقاردى.

    ءماجىلىس مىنانى باسا دارىپتەدى: جۇڭگوشا ەرەكشەلىككە يە سوتسياليستىك جوعارى دارەجەلى وقىتۋدى ويداعىداي جۇرگىزۋدە، پارتيانىڭ جوعارى مەكتەپ قىزمەتى جونىندەگى باسشىلىعىنا تۋى ايقىن تۇردە، ءسوز جوق، تاباندى بولۋ كەرەك. جوعارى مەكتەپ پارتكومدارى «4 تانىمدى» كۇشەيتىپ، پارتيانى باسقارۋ، پارتيانى جونگە سالۋ، ءبىلىم بەرۋ، مەكتەپتى جونگە سالۋ سۋبيەكتتىك جاۋاپكەرشىلىگىن تياناقتاندىرىپ، «4 سەنىمدى» بەكەمدەپ، پارتيانىڭ وقۋ - اعارتۋ باعىت - ساياساتىن دايەكتىلەندىرىپ، ءبىلىم بەرۋدىڭ سوتسياليستىك باعىتىنان جازباي، ءمورال ارقىلى ادام تاربيەلەۋدى ءتۇبىرلى مىندەت ەتىپ، ءىس جۇزىندىك ارەكەت ارقىلى پارتيا ورتالىق كوميتەتىنىڭ بەدەلى مەن شوعىرلى ءبىر تۇتاس باسشىلىعىن قورعاۋى كەرەك. جوعارى مەكتەپتەردىڭ پارتيا قۇرىلىسى قىزمەتىنىڭ ەرەكشەلىگى مەن قاعيداسىن ىشكەرىلەي زەرتتەپ، ءتۇزىلىس مەحانيزمى مەن ءادىس - تاسىلگە جاڭالىق ەنگىزىپ، پارتكوم ءبىر تۇتاس باسشىلىق ەتەتىن، تاراۋلار ءار جاقتان تەگىس يگەرىپ، بىرگە باسقاراتىن قىزمەت جۇلگەسىنىڭ قالىپتاسۋىن ىلگەرىلەتىپ، پارتيا قۇرىلىسى قىزمەتىنىڭ باعىتتامالىلىعى مەن ونىمدىلىگىن جوعارىلاتىپ، نەگىزگى ساتى پارتيا ۇيىمدارىنىڭ جاۋىنگەر قامالدىق رولى مەن پارتيا مۇشەلەرىنىڭ اۆانگاردتىق ۇلگىلىك رولىن ءونىمدى ساۋلەلەندىرۋ كەرەك. شارلاپ تەكسەرۋدى، رەتتەۋ - تۇزەتۋدى وراي ەتىپ، پارتيانىڭ ىشكى ساياسي تۇرمىسىن قاتايتىپ، جوعارى مەكتەپتەردىڭ باسشىلىق القا قۇرىلىسىن كۇشەيتىپ، پاكتىككە تونگەن حاۋىپ - قاتەردەن شىنايى ساقتانىپ، ءبىلىم بەرىپ، ادام تاربيەلەۋدىڭ ستيلى پاك، سالتى دۇرىس ورتاسىن قالىپتاستىرۋ كەرەك. ماسەلەنى نىشان ەتۋدەن جازباي، جوعارى مەكتەپتەردىڭ رەفورماسىن تەرەڭدەتۋدى پارتيانى جاپپاي قاتاڭ جونگە سالۋمەن ۇشتاستىرىپ، جاۋاپكەرشىلىكتى ايقىنداپ، ءتۇزىمدى كەمەلدەندىرىپ، ولقىلىقتاردى تولىقتاپ، جوعارى دارەجەلى وقىتۋ ىستەرىنىڭ باستان - اياق دۇرىس باعىتتا اقاۋسىز دامۋىنا كەپىلدىك ەتىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋدى دارىندىلارمەن قامتاماسىز ەتۋ جانە اقىل - پاراسات جاعىنان قولداۋ كەرەك.

    ءماجىلىس تاعى باسقا ىستەردى اقىلداستى.

جاۋاپتى رەداكتور:نۇرجان مينۋار قىزى