اعىلشىن ءتىلىنىڭ 4 – دارەجەلى سوقىرلار جازۋى ەمتيحان قاعازىن دايىنداۋ قىزمەتى تامامدالايىن دەدى

    بىرنەشە كۇننىڭ الدىنداعى «كوزى كورمەيتىن قىز وقۋشىنىڭ وقۋ – اعارتۋ مينيسترلىگىنە ارىز ايتۋىنا» قاراتا 16 – مامىردا وقۋ – اعارتۋ مينيسترلىگى ەمتيحان ورتالىعىنىڭ رەسمي جاعى جاۋاپ قايتارىپ بىلاي دەدى: جۇڭگو مۇگەدەكتەر بىرلەستىگىنىڭ زور كۇشپەن قولداۋىندا 2017 – جىلى ماۋسىمدا مەملەكەتتىك جوعارى مەكتەپتەر اعىلشىن ءتىلى 4 - دارەجە ەمتيحانىندا (CET) كوزى كورمەيتىندەردى سوقىرلار جازۋى ەمتيحان قاعازىمەن قامداۋداعى ءتۇرلى ازىرلىك قىزمەتى تامامدالادى، وسىلايشا كوزى كورمەيتىن ەمتيحان تاپسىرۋشىلاردىڭ CET ەمتيحانىنا قاتىناسۋ تىلەگى ورىندالاتىن بولادى.

    ۇعىسۋعا قاراعاندا، بىلتىر قىركۇيەكتە چاڭچۇن ۋنيۆەرسيتەتى ەرەكشە اعارتۋ ينستيتۋتىندا ينە شانشىپ، ۋقالاپ ەمدەۋ كاسىبى بويىنشا 4 – كۋرستا وقيتىن كوزى كورمەيتىن قىز وقۋشى شياۋچيان (بالاما ەسىم) جەلتوقساندا الاتىناتىن CET ەمتيحانىنا تىزىمدەلگەن ءارى سول جەردەگى وقۋ – اعارتۋ تاراۋىنا سوقىرلار جازۋىمەن باسىلعان ەمتيحان قاعازىن پايدالانۋدى ءوتىنىش ەتكەن، الايدا ونىڭ بۇل ءوتىنىشى بەكىتىلمەگەن؛ بيىل ناۋرىزدا الىنعان 4 – دارەجە، 6 – دارەجە ەمتيحانىنا تىزىمدەلۋ بارىسىندا شياۋچياننىڭ وتىنىشىنەن تاعى دا ناتيجە شىقپاعان. 10 – مامىردا شياۋچيان ادۆوكاتقا جۇكتەۋ ارقىلى بەيجيڭ قالالىق 1 – ورتا حالىق سوتىنا اكىمشىلىك ارىز – شاعىم بەرىپ، وقۋ – اعارتۋ مينيسترلىگىنەن كوزى كورمەيتىندەردىڭ CET ەمتيحانىنا قاتىناسۋىنا ءتيىمدى شارا قولدانۋىن تالاپ ەتكەن، سوت مەكەمەسى وسى ارىز – شاعىمدى سول كۇنى ءبىر جاقتى ەتكەن.

جاۋاپتى رەداكتور:سايراش تۇرارجان قىزى