شينجياڭ بۇكىل ەلىمىز كولەمىنەن 22972 وقىتۋشى قابىلدايدى

    شينجياڭ ۇيعۇر اۆتونوميالى رايونى 2017 – جىلى قوعامنان اشىق 22972 وقىتۋشى قابىلداماقشى، مۇندا وقۋعا ءتۇسۋ الدىنداعى وقىتۋعا 9291 وقىتۋشى، 7705 باستاۋىش مەكتەپ وقىتۋشىسى، 2186 ورتالاۋ مەكتەپ وقىتۋشىسى، 3790 ادەتتەگى ورتا مەكتەپ وقىتۋشىسىن قابىلدايدى.

    شينجياڭ ۇيعۇر اۆتونوميالى رايوندىق وقۋ – اعارتۋ مەڭگەرمەسى باستىعىنىڭ ورىنباسارى حۋ جۇنحاي «شينجياڭ تاڭعى گازەتىنىڭ» تىلشىسىنە بىلاي دەدى: بيىل وقىتۋشى قابىلداۋ قىزمەتى توراپتا تىزىمدەلۋ، تولىمدىلىق تەكسەرۋ، جازباشا ەمتيحان، بەتپە – بەت ەمتيحان، دەنساۋلىق تەكسەرۋى، ساياسي تەكسەرۋ، تەڭشەۋ، اشىق جاريالاۋ، قىزمەتكە شىعۋ الدىنداعى تاربيەلەۋ جانە قىزمەتكە شىعۋ رەسميەتتەرىن ءبىتىرۋ قاتارلى باسقىشتاردى قامتيدى. تىزىمدەلۋ ۋاقىتى: 15 – مامىر ساعات 16:00دان 21 – مامىر ساعات 18:00گە دەيىن (بەيجيڭ ۋاقىتى). تولىمدىلىق تەكسەرۋ ۋاقىتى: 22 – مامىردان 26 – مامىرعا دەيىن. جازباشا ەمتيحان ۋاقىتى: 18 – ماۋسىم كۇنى بولادى، 4 – شىلدە كۇنى جازباشا ەمتيحان ناتيجەسى جاريالانادى. بەتپە – بەت ەمتيحان، دەنساۋلىق تەكسەرۋى، ساياسي تەكسەرۋ، قىزمەتكە شىعۋ الدىنداعى تاربيەلەۋ قاتارلى باسقىشتاردىڭ ۋاقىتتارىن ٵرقايسى ايماق – وبلىس، قالالار ٶز جاعدايلارىنا قاراي بەلگىلەيدى. جالپى قابىلداۋ قىزمەتى تامىز ايىنىڭ اياعىندا تولىعىمەن اياقتالادى.

جاۋاپتى رەداكتور:سايراش تۇرارجان قىزى