اۆتونوميالى رايوندىق وركەنيەت كەڭسەسى اۋىل - قىستاق مەكتەپتەرىندەگى وسپىرىمدەر سارايىن باس نىسانانى ىلگەرىلەتۋدەگى حالىق تىلەگى ينجەنەرياسى ەتىپ قۇرۋدى تالاپ ەتتى

    5 - مامىردا اۆتونوميالى رايوندىق وركەنيەت كەڭسەسى قۇمىل قالاسىندا اشقان ورتالىق لاتاريا الەۋمەتتىك يگىلىك قورىمەن اۋىل - قىستاق مەكتەپتەرىندەگى وسپىرىمدەر سارايى قۇرىلىسىنا قولداۋ كورسەتۋ جونىندەگى كۋرستا جەر - جەردەن اۋىل - قىستاق مەكتەپتەرىندەگى وسپىرىمدەر سارايىن اۋىل - قىستاقتارداعى ازامات جاسىنا تولماعانداردى باقىتقا كەنەلتەتىن، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىلگەرىلەتەتىن حالىق تىلەگى ينجەنەرياسى ەتىپ قۇرۋدى تالاپ ەتتى.

    2017 - جىلعى نىسان بويىنشا تاربيەلەۋگە قاتىناسقان مەكتەپتەردىڭ باستىقتارى قۇمىل قالاسى يجوۋ رايوندىق 8 - ورتا مەكتەپ پەن 9 - ورتا مەكتەپكە بارىپ وسپىرىمدەر سارايىن كوزدەن كەشىردى. كۇشار اۋدانى چىمان قالاشىعى ورتا مەكتەبى سياقتى ورىندار اۋىل - قىستاق مەكتەپتەرىندەگى وسپىرىمدەر سارايىن قايتكەندە جەرگىلىكتى ورىننىڭ ءىس جۇزىندىك جاعدايىنا قاراي، ويداعىداي باسقارۋعا جانە يگىلىككە جاراتۋعا بولادى دەگەن سياقتى ماسەلەلەر جونىندە پىكىر اۋىستىردى. پوسكام اۋدانى سورتتى تۇقىم الاڭى سەنترلى باستاۋىش مەكتەبى سياقتى ورىندار بيىلعى نىساندى بەلسەندىلىكپەن ويداعىداي جۇرگىزۋ جونىندە ءسوز سويلەدى.

    اۋىل - قىستاق مەكتەپتەرىندەگى وسپىرىمدەر سارايى قۇرىلىسى قارجى از جۇمسالاتىن، كەڭ كولەمدە جالپىلاستىرۋعا بولاتىن، تەز ءونىم بەرەتىن ينجەنەريا، ۇكىمەتتىڭ اۋىل - قىستاقتارداعى ازامات جاسىنا تولماعاندارعا ىستەگەن بۇل يگى ءىسى ازامات جاسىنا تولماعانداردىڭ يدەيا - ءمورال قۇرىلىسىنداعى جارقىراعان ماركاعا اينالدى. 2011 - جىلدان قازىرگە دەيىن، ورتالىقتىڭ ارناۋلى نىسانداعى لاتاريا الەۋمەتتىك يگىلىك قورىنان رايونىمىزعا جيىنى 130 ميلليون يۋان قارجى ءبولىنىپ، 445 اۋىل - قىستاق وسپىرىمدەر سارايى سالىنىپ، شينجياڭنىڭ اۋىل - قىستاقتارىنداعى ءبىر ميلليونعا جۋىق ءوسپىرىم يگىلىككە كەنەلدى.

    اماليات اۋىل - قىستاق مەكتەپتەرىندەگى وسپىرىمدەر سارايى شينجياڭداعى ءار ۇلت جاستارى مەن ورەندەردىڭ بىرگە ويناپ، بىرگە ۇيرەنىپ، بىرگە ەسەيىپ - ەرجەتەتىن باقشاسى؛ شاتتىققا تولى ورتادا اقىل - ويدى جەتىلدىرەتىن، ءتۇرلى ونەر ۇيرەنۋ ارقىلى قابىلەتتى سومدايتىن، ءمورال ارقىلى ادام تاربيەلەيتىن تاماشا دانەكەر؛ ارالاسۋدىڭ، ىشتەسۋدىڭ، توعىسۋدىڭ تاماشا تۇعىرى ەكەندىگىن دالەلدەدى.

جاۋاپتى رەداكتور:سايراش تۇرارجان قىزى