شىحىزى – نارات ارالىعىنا ساياحات ۇشاق جولى اشىلادى

    شىحىزى – نارات ارالىعىنا ساياحات ۇشاق جولى اشىلادى، بارىپ – قايتۋ بەلەت باعاسى 880 يۋان، ەكى كۇندىك ساياحات اقىسى 1500 يۋان بولادى.

    ءتىلشىنىڭ 5 – مامىر شىحىزى ساياحات مەكەمەسى مەن شىحىزى حۋايۋان اۋەجايىنان ۇعىسۋىنشا، قاتىنايتىن گوۋاڭ 350 تۇرپاتتى 11 ادامدىق ۇشاق، ۇشۋ ارالىعى 266 مىڭ مەتر، بارىپ - كەلۋ بەلەت باعاسى 880 يۋان بولىپ، ادام سانى بەستەن اسسا، قاتىناي بەرەدى.

    شىحىزى قالالىق ساياحات مەكەمەسىنىڭ باستىعى ۋاڭ جيانلين بىلاي دەدى: بۇل شىحىزدا تۇڭعىش رەت اشىلعان تومەن كەڭىستىكتە ۇشاتىن ساياحات ۇشاق جولى، بۇرىن جولاۋشىلار اۆتوكولىكپەن 12 ساعاتتا جەتەتىن، ەندى ۇشاققا وتىرسا 50 مينۋتتا عانا جەتىپ الادى. بولاشاقتا مۇنداي اۋە جولدارى جالعاستى اشىلاتىن بولادى.

جاۋاپتى رەداكتور:سايراش تۇرارجان قىزى