جوعارى وقۋ - اعارتۋ ىستەرىنىڭ دامۋىنىڭ جاڭا جاعدايىن قۇلشىنا اشۋ كەرەك

    رايونىمىزداعى جوعارى مەكتەپتەر جوعارى مەكتەپتەردىڭ يدەيالىق - ساياسي قىزمەتى جونىندەگى اۆتونوميالى رايوندىق ءماجىلىستىڭ رۋحىن دايەكتىلەندىردى، تياناقتاندىردى

    جوعارى مەكتەپتەردىڭ يدەيالىق - ساياسي قىزمەتى جونىندەگى اۆتونوميالى رايوندىق ءماجىلىس اشىلعان سوڭ، رايونىمىزداعى جوعارى مەكتەپتەر جيىن اشۋ، ارناۋلى تاقىرىپتا ۇيرەنۋ، گرۋپپالار تالقىسىن وتكىزۋ سياقتى فورمالار ارقىلى، ءماجىلىس رۋحىن دەر كەزىندە جەتكىزدى، ۇيرەندى، دايەكتىلەندىردى. جوعارى مەكتەپتەردىڭ جاۋاپتىلارى اۆتونوميالى رايوننىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جوعارى مەكتەپتەردىڭ يدەيالىق - ساياسي قىزمەتى جونىندەگى اۆتونوميالى رايوندىق ءماجىلىستىڭ رۋحىن ويداعىداي دايەكتىلەندىرىپ، تياناقتاندىرىپ، جوعارى وقۋ - اعارتۋ ىستەرىنىڭ دامۋىنىڭ جاڭا جاعدايىن اشۋعا قۇلشىناتىندىقتارىن ءبىلدىرىستى.

    11 - ، 12 - ءساۋىر كۇندەرى، شينجياڭ ۋنيۆەرسيتەتى باسقارما دارەجەلى كادرلار ءماجىلىسىن، وقىتۋشى، جۇمىسشى - قىزمەتكەرلەر جينالىسىن ىلگەرىندى - كەيىندى اشىپ، اۆتونوميالى رايوندىق پارتكومنىڭ شۋجيى چىن چۋانگونىڭ جوعارى مەكتەپتەردىڭ يدەيالىق - ساياسي قىزمەتى جونىندەگى اۆتونوميالى رايوندىق ماجىلىستە سويلەگەن ءسوزىنىڭ رۋحىن جەتكىزدى، ۇيرەندى. شينجياڭ ۋنيۆەرسيتەتى پارتكومىنىڭ شۋجيى جوۋ شۇييۇڭ بۇكىل مەكتەپتەگى ءاربىر ورىننان ءماجىلىس رۋحىن ۇيرەنۋدى، دايەكتىلەندىرۋدى ماڭىزدى قىزمەت رەتىندە ۇستاپ، ءاربىر وقىتۋشى - وقۋشىعا، قىزمەتكەرلەرگە جەتكىزىپ، ءماجىلىس رۋحىن مەكتەپتىڭ بارلىق قىزمەتىندە شىن مانىندە دايەكتىلەندىرۋدى، تياناقتاندىرۋدى تالاپ ەتتى. سونىمەن قاتار مەكتەپتەگى وقىتۋشىلار مەن جۇمىسشى - قىزمەتكەرلەر «قانداي شارا قولدانىپ مەكتەپتىڭ يدەيالىق - ساياسي قىزمەتىندەگى ولقىلىقتاردى تولىقتاۋعا بولادى»، «بارلىق قىزمەتكەردىڭ، جالپى بارىستا، جان - جاقتى ادام تاربيەلەۋ ءىسىن تياناقتاندىرۋدى كۇشەيتۋ»، «قايتكەندە تاربيەلەۋشىلەردى الدىمەن تاربيەلەۋگە بولادى» سياقتى جاقتاردا شوعىرلى تالقى جۇرگىزدى. الداعى ۋاقىتتا شينجياڭ ۋنيۆەرسيتەتى ساباق الدىنداعى 10 مينۋت، كلاس جيىنى، نەگىزگى تاقىرىپتاعى وداق كۇنى سياقتىلاردان پايدالانىپ، وقۋشىلارعا ءماجىلىس رۋحىن ۇگىتتەپ، جاندى دا جالىندى فورمالار ارقىلى وقۋشىلارعا يدەيالىق - ساياسي تاربيە جۇرگىزەدى.

    12 - ساۋىردە، شينجياڭ اۋىل شارۋاشىلىعى ۋنيۆەرسيتەتى پارتكومىنىڭ نازاريا ۇيرەنۋ وزەكتى گرۋپپاسى ءماجىلىس اشىپ، جوعارى مەكتەپتەردىڭ يدەيالىق - ساياسي قىزمەتى جونىندەگى اۆتونوميالى رايوندىق ءماجىلىستىڭ رۋحىن جەتكىزدى، ۇيرەندى، وزەكتى گرۋپپاداعى بارلىق مۇشەلەردىڭ باسقالاردان بۇرىن ۇيرەنىپ، ۇيرەنۋ رايىن الدىمەن قالىپتاستىرىپ، جوعارى ارقىلى تومەنگە جەتەكشىلىك ەتىپ، ءماجىلىس رۋحىن ىشكەرىلەگەن تۇردە ويداعىداي ۇيرەنۋىن، ۇگىتتەۋىن، ءتۇسىندىرۋىن، تياناقتاندىرۋىن تالاپ ەتتى. شينجياڭ اۋىل شارۋاشىلىعى ۋنيۆەرسيتەتى پارتكومىنىڭ شۋجيى حۋاڭ جيانكۇن بىلاي دەدى: مەكتەبىمىز ءماجىلىس رۋحىمەن ۇشتاستىرىپ، «شينجياڭ اۋىل شارۋاشىلىعى ۋنيۆەرسيتەتىنىڭ جاڭا جاعدايداعى يدەيالىق - ساياسي قىزمەتتى كۇشەيتۋ جانە جاقسارتۋ جونىندەگى اتقارۋ پىكىرىن» تەز ارادا بەلگىلەپ، مەكتەپتىڭ يدەيالىق - ساياسي قىزمەتىنىڭ تىعىلىقتى ورىستەتىلۋىن جەبەيدى، مەكتەپتەگى بارلىق وقىتۋشى، جۇمىسشى - قىزمەتكەرلەر جاۋاپكەرشىلىك سەزىم مەن بورىشتىلىق سەزىمدى اناعۇرلىم ارتتىرىپ، كۇش - قۋات پەن اقىل - پاراساتتى ءماجىلىس العا قويعان ءتۇرلى مىندەتتەرگە جۇمىلدىرىپ، مەكتەپتى ساياسيدا تاباندى، بەتالىسى دۇرىس، جۇرەگى پارتيا دەپ سوعاتىن، ستيلى پاك، سالتى دۇرىس، دارىندىلار كوپتەپ شىعاتىن، پارتيا قۇرىلىسى نىعايعان نەگىزگى شەپ ەتىپ قۇرىپ شىعۋعا قۇلشىنىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ءتىپتى زور ۇلەستەر قوسادى.

جاۋاپتى رەداكتور:سايراش تۇرارجان قىزى