شينجياڭ ۇيعۇر اۆتونوميالى رايونى 4000 ادامدى شينجياڭدى سۇيەمەلدەيتىن ولكە – قالالارعا تاربيەلەۋگە جىبەرەدى

    بيىل شينجياڭ ۇيعۇر اۆتونوميالى رايونى ادەتتەگى جوعارى مەكتەپتەردەن وقۋ بىتىرگەن 4000 ستۋدەنتتى شينجياڭدى سۇيەمەلدەيتىن ولكە – قالالارعا جىبەرىپ تاربيەلەمەكشى، مۇندا نەگىزىنەن 2012 – جىلدان بەرى ٵلى كاسىپتەنبەگەن، تولىق كۇندىك ادەتتەگى جوعارى مەكتەپتەردەن وقۋ بىتىرگەن شينجياڭ نوپوسىنداعى ستۋدەنتتەر نەگىز ەتىلەدى، تاسقورعان تاجىك اۆتونوميالى اۋدانىنىڭ تالابى تولىق كۇندىك ادەتتەگى جوعارى مەكتەپكە جاتپايتىن مەكتەپتەردى بىتىرگەن ستۋدەتتەردى دە قامتىعان.

    ءتىلشىنىڭ 28 – اقپاندا شينجياڭ ۇيعۇر اۆتونوميالى رايوندىق ەڭبەككۇش بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، تولىمدىلىق تەكسەرۋى، ەمتيحان قاتارلى باسقىشتاردان سوڭ، تاربيەلەۋگە قاتىناساتىن بولىپ تۇراقتاندىرىلعاندار ءسوزسىز قىزمەتكەر قابىلداۋشى ورىنمەن توقتامعا قول قويادى، اقىسىز تاربيەلەۋ تەكسەرۋىندە تولىمدى بولعان سوڭ تىكەلەي قىزمەتكە شىعادى.

    بيىل شينجياڭ ۇيعۇر اۆتونوميالى رايونىنىڭ تاربيەلەۋ جوسپارىندا كاسىپورىن، ءىسورىندارىنا 2500 ورىن، ٶزى كاسىپ جاراتۋشىلارعا 1500 ورىن ازىرلەپ وتىر، قىزىعۋشىلار مەن تالاپقا تولىمدى بولعان ستۋدەنتتەر كەز كەلگەن ۋاقىتتا جەرگىلىكتى ەڭبەككۇش بايلىعى جانە قوعامدىق قامتاماسىزداندىرۋ ورىندارىنىڭ ينفورماتسياسىنا نازار اۋدارىپ ءجۇرۋى كەرەك.

جاۋاپتى رەداكتور:سايراش تۇرارجان قىزى