كەدەيلەردىڭ كاسىپتىك وقۋ – اعارتۋ ارقىلى تاعدىرىن وزگەرتۋىنە وراي جاراتۋىمىز كەرەك

جۋ يۇڭشين (جۇڭگو دەموكراتيانى ىلگەرىلەتۋ قوعامى ورتالىق كوميتەتى ءتوراعاسىنىڭ ورىنباسارى)

    بىلتىر ءساۋىر ايىندا حۋنانداعى ءبىر قىستاققا تەكسەرۋگە بارعانىمدا، ءبىر كەدەي وتباسىنا جولىقتىم، ولار ۇلىن سىرت جەرگە شاشتارازدىق ۇيرەنۋگە جىبەرىپتى. ءبىراق، شاشتارازدىق ۇيرەنەتىن 3 جىلدا ونىڭ ەشقانداي كىرىسى بولمايدى ەكەن، ۇيرەنىپ بولعان سوڭ اۋىلىنا قايتىپ شاشتارازحانا اشقانىمەن، كاسىپ كوزىن اشۋى ءساتتى بولۋىنىڭ، كىرىس كىرگىزە الۋىنىڭ ءوزى ناعايبىل ەكەن. سوندا ماعان: ەگەر بۇل بالا ورتا دارەجەلى كاسىپتىك مەكتەپتەن بەلگىلى ءبىر كاسىپتى ۇيرەنىپ، سوسىن ءبىر قىزمەت تاپسا، بۇل ونىڭ بۇرىنعى تالعامىنان گورى ۇيلەسىمدى بولار ەدى دەگەن وي كەلدى.

    بۇل مەنىڭ تەكسەرۋ بارىسىندا كوزىممەن كورگەنىم، ساياسي كەڭەس مۇشەسى رەتىندە ٴبىر جىلدان بەرى وسى ماسەلەگە باسا نازار اۋداردىم.

    دەموكراتيالىق پارتيا – توپتاردىڭ جىلدىق زور تەكسەرۋى ــ ج ك پ ورتالىق كوميتەتىنىڭ تاپسىرۋى بويىنشا ەكونوميكا مەن قوعام دامۋىنداعى ءىرى ماسەلەلەر تۋرالى ورىستەتكەن ءتۇيىندى تەكسەرۋ قىزمەتى. بىلتىر 10 ولكەدە تەكسەرۋ – زەرتتەۋ جۇرگىزگەننەن كەيىن، دەموكراتيانى ىلگەرىلەتۋ قوعامى اۋىل – قىستاقتارداعى كەدەيلەردى سۇيەمەلدەۋگە ساياتىن قامداۋ جاعىنداعى رەفورماعا باسا نازار اۋداردى، مۇندا «ورتا دارەجەلى كاسىپتىك وقۋ – اعارتۋدىڭ اۋىل – قىستاقتا كەدەيلىكتەن قۇتىلۋدىڭ قامال الۋ قىزمەتىندە اتقاراتىن رولىن قايتكەندە ساۋلەلەندىرۋگە بولادى» دەگەن ماسەلەنى ءتۇيىندى ماسەلەلەردىڭ ءبىرى رەتىندە قارادى.

    تەكسەرۋ بارىسىندا، دەموكراتيانى ىلگەرىلەتۋ قوعامىنىڭ ورتالىق كوميتەتى كاسىپتىك وقۋ – اعارتۋدىڭ اۋىل – قىستاقتا كەدەيلىكتەن قۇتىلۋدان قامال الۋ قىزمەتىندە توتەنشە ماڭىزدى رول اتقاراتىنىن، ءتىپتى كاسىپتىك وقۋ – اعارتۋ كەدەيلىكتىڭ ۇرپاقتان – ۇرپاققا جالعاسۋىنىڭ تامىرىنا بالتا شابا الاتىنىن تانىپ جەتتى.


جاۋاپتى رەداكتور:سايراش تۇرارجان قىزى