جۇڭگو دۇنيە ءجۇزى بويىنشا شەتەلگە شىعىپ وقيتىن وقۋشىلارى ەڭ كوپ ەلگە جانە ازياداعى شەتەلگە شىعىپ وقۋشىلاردىڭ ەڭ ۇلكەن نىسانالى ەلىنە اينالدى

    وقۋ – اعارتۋ مينيسترلىگى بۇگىن اقپار جاريالاۋ ءماجىلىسىن اشىپ، 18 – قۇرىلتايدان بەرگى شەتەلگە شىعىپ، جۇڭگوعا كەلىپ وقيتىن وقۋشىلار قىزمەتىنە قاتىستى جاعدايدى تانىستىردى. ساندى مالىمەتتە كورسەتىلۋىنشە، 2016 – جىلى شەتەلگە شىعىپ وقۋشىلاردىڭ دا، جۇڭگوعا كەلىپ وقۋشىلاردىڭ دا سانى ارتقان، جۇڭگو دۇنيە ءجۇزى بويىنشا شەتەلگە شىعىپ وقيتىن وقۋشىلارى ەڭ كوپ ەلگە جانە ازياداعى شەتەلگە شىعىپ وقۋشىلاردىڭ ەڭ ۇلكەن نىسانالى ەلىنە اينالعان.

    جاريالانعان ساندى مالىمەتكە نەگىزدەلگەندە، 2016 – جىلى ەلىمىزدەن شەتەلگە شىعىپ وقىعان وقۋشىلاردىڭ جالپى سانى 544 مىڭ 500 ادام بولعان، ءار تۇردەن شەتەلگە شىعىپ وقىپ ەلگە ورالعانداردىڭ جالپى سانى 432 مىڭ 500 ادام بولعان، وسىنداعى سالىستىرما 2012 – جىلعى 1:1.46 ندايدان 2016 – جىلى 1:1.26 ندايعا تومەندەگەن. تولىقسىز ساناققا نەگىزدەلگەندە، شەتەلگە شىعىپ وقىعان وقۋشىلاردىڭ %80 ى ەلگە ورالۋعا تالعام جاساعان.

    وڭىرلىك تارالۋى جاعىنان ەلىمىزدىڭ شەتەلگە شىعىپ وقيتىن وقۋشىلارىنىڭ نىسانالى ەلدەرى سالىستىرمالى شوعىرلى بولعان. 2016 – جىلى شەتەلگە شىعىپ وقىعان وقۋشىلاردىڭ %90 ىنە جۋىعى ا ق ش، ۇلى بريتانيا، اۆستراليا سياقتى 10 ەلگە بارعان. وقۋ تاريحى جاعىنان قاراعاندا، 2016 – جىلى ەلىمىزدەن شەتەلگە شىعىپ وقىعان وقۋشىلاردىڭ تولىق كۋرستان جوعارى وقۋ تاريحىمەن وقيتىندارى %70 تى ۇستاعان.

جاۋاپتى رەداكتور:سايراش تۇرارجان قىزى