ەكى تاراۋ: ەڭ كەشىككەندە 2025 – جىلى مەكتەپتەردەگى ءتىل – جازۋ قىزمەتى ولشەمگە جەتۋى كەرەك

    جۋىردا وقۋ – اعارتۋ مينسترلىگى مەن مەملەكەتتىك ءتىل – جازۋ قىزمەتى كوميتەتى مەكتەپتەردەگى ءتىل – جازۋ قىزمەتىن اناعۇرلىم كۇشەيتۋ تۋرالى پىكىرىن تاراتتى. پىكىردە بىلاي دەلىنگەن: شارت – جاعدايى بار جەرلەردە 2020 – جىلدان بۇرىن بارلىق مەكتەپتەردە ءتىل – جازۋ قىزمەتىن ولشەمگە جەتكىزۋ كەرەك؛ قازىرشە شارت – جاعدايى پىسىپ – جەتىلمەگەن جەرلەردە ولشەمگە جەتۋ ۋاقىتىن ۇيلەسىمدى كەشەۋىلدەتۋگە بولادى، بارلىق مەكتەپتەر ەڭ كەشىككەندە 2025 – جىلدان بۇرىن ولشەمگە جەتۋ قىزمەتىن ورىنداپ بولۋى كەرەك، 2020 – جىلدان بۇرىن جارىمىنان استامىن ورىنداپ بولۋى كەرەك.

    پىكىردە مىناداي اتاپ كورسەتىلگەن: ءتىل – جازۋدى قولدانۋ قابىلەتىن تاربيەلەۋدى بالا كەزىنەن باستاۋ كەرەك، اۋىز ەكى تىلدە جانە جازباشا تىلدە تاماشا بايانداۋ ورەسى مەن ءتىل – جازۋدى جان – جاقتىلى قولدانۋ قابىلەتى حالىقتىڭ ساپاسىن قۇرايتىن ماڭىزدى فاكتور، جەكەنىڭ ءوسىپ – جەتىلۋى مەن دارىندى بولۋى بارىسىندا ورنىن وگەيسىتۋگە بولمايتىن رولعا يە.

    پىكىردە مىنالار انىق كورسەتىلگەن: مەكتەپتەردەگى ءتىل – جازۋ قىزمەتىنىڭ جالپى نىساناسى ــ بۇكىل قوعامدا ءتىل – جازۋدى ارناعا ءتۇسىرۋدىڭ ۇلگى نۇسقاسىن جاساپ، وقۋشىلاردىڭ ءتىل – جازۋدى قولدانۋ قابىلەتىن جەتىلدىرۋىمىز؛ وقۋشىلاردىڭ مەملەكەتتىڭ ورتاق ءتىل – جازۋىن وزدىگىنەن ولشەم بويىنشا قولدانۋ تانىمى مەن جۇڭحۋانىڭ تاڭداۋلى مادەنيەتىنە وزدىگىنەن مۇراگەرلىك ەتۋ جانە ونى ساۋلەلەندىرۋ تانىمىن جوعارىلاتۋىمىز كەرەك.

جاۋاپتى رەداكتور:سايراش تۇرارجان قىزى