وقۋ – اعارتۋ مينيسترلىگى: جۇمىسكەرلەردىڭ بىرگە جۇرگەن بالالارىنىڭ وقۋعا تۇسۋىندە قونىستانۋ كۋالىگىن ولشەم ەتۋ ساياساتى جاسالادى

    وقۋ – اعارتۋ مينيسترلىگى توراپ بەكەتىنىڭ حابارىنا قاراعاندا، وقۋ – اعارتۋ مينيسترلىگى تاياۋدا «وقۋ – اعارتۋ مينيسترلىگىنىڭ 2017 – جىلعى قىزمەتتەگى ماڭىزدى تۇيىندەرىن» باسىپ تاراتۋ جونىندەگى ۇقتىرۋدى جاريالاعان، ۇقتىرۋدا مىنالار دارىپتەلگەن: وقۋعا ءتۇسۋ ورايىنىڭ ادىلدىگى جەبەلەدى، جۇمىسكەرلەردىڭ بىرگە جۇرگەن بالالارىنىڭ وقۋعا تۇسۋىندە قونىستانۋ كۋالىگىن ولشەم ەتۋ ساياساتى جاسالادى، جەر – جەردىڭ مىندەتتى وقۋ – اعارتۋ ساتىسىنداعى وقۋشىلاردى جاقىن ماڭايداعى مەكتەپكە كىرگىزۋ قىزمەتىنە جەتەكشىلىك ەتىلەدى، قالاعا كىرگەن جۇمىسكەرلەرمەن ەرىپ جۇرگەن بالالاردى سول جەردە جوعارىلاپ وقۋ ەمتيحانىنا قاتىناستىرۋ ساياساتى تياناقتاندىرىلادى جانە كەمەلدەندىرىلەدى، قاتىستى ولكە، قالالاردىڭ، اسىرەسە ەرەكشە ءىرى قالالاردىڭ ناپوس ءتۇزىم رەفورماسىنا جانە ءوز جەرىنىڭ ناقتى جاعدايىنا ۇشتاستىرىپ، جۇمىسكەرلەردىڭ بىرگە جۇرگەن بالالارىن سول جەردە جوعارى مەكتەپكە ءتۇسىپ وقۋ ەمتيحانىنا قاتىناستىرۋ ساياساتىن ىشكەرىلەي كەمەلدەندىرۋىنە قۋزاۋشىلىق ەتىلەدى.

    «وقۋ – اعارتۋ مينيسترلىگىنىڭ 2017 – جىلعى قىزمەتتەگى ماڭىزدى تۇيىندەرى» مىناداي التى جاقتى قامتيدى: جوعارى مەكتەپتەدىڭ يدەيالىق – ساياسي قىزمەت ءماجىلىسىنىڭ رۋحىن جاپپاي دايەكتى تياناقتاندىرىپ، وقۋ – اعارتۋ جۇيەسىندەگى پارتيا قۇرىلىسىن شىنايى كۇشەيتۋ؛ ءتۇزىلىس، مەحانيزم رەفورماسىن جاپپاي تەرەڭدەتىپ، وقۋ – اعارتۋدى دامىتۋ قۋاتىن ۇزدىكسىز نىعايتۋ؛ قۇرىلىمدى جاقسارتۋدى تەزدەتىپ، ءار دارەجەلى ءار تۇردەگى وقۋ – اعارتۋدىڭ سايكەستى دامۋىن جەبەۋ؛ ادامدى مورالمەن تاربيەلەۋ ءتۇبىرلى مىندەتىن باستان – اياق دايەكتىلەندىرىپ، وقۋ – اعارتۋ ساپاسىن كۇش سالا جوعارىلاتۋ؛ وقۋ – اعارتۋدىڭ ادىلدىگىن كۇش سالا جەبەپ، قالالار مەن اۋىلدار، وڭىرلەر، مەكتەپتەر، توپتار ارا پارىقتى شىنايى ازايتۋ؛ وقۋ – اعارتۋدىڭ قامتاماسىزداندىرۋ ورەسىن جاپپاي جوعارىلاتىپ، وقۋ – اعارتۋ جۇيەسىنىڭ جاراسىمدىلىعىن، ورنىقتىلىعىن قورعاۋ.

جاۋاپتى رەداكتور:سايراش تۇرارجان قىزى