قىس ماۋسىمىنداعى ماحاببات جىرى تيانشان بوعدا كولى كورىنىس رايونىندا

    14-اقپان تاڭەرتەڭ، 25 جۇپ جاس پەن جۇبايلار وتىرعان ءبىر اۆتوكولىك بوعدا كولى كورىنىس رايونىنا قاراي جولعا شىقتى. تيانشان بوعدا باسقارما كوميتەتى باس بولىپ وتكىزگەن «ماحابباتقا تولى بوعدا، قىس ماۋسىمىنداعى ماحاببات داستانىن جازۋدى» نەگىزگى تاقىرىپ ەتكەن ساياحات قيمىلى ەدى.

    كەتىپ بارا جاتقان جولدا، كولىكتەگى جاستار ءۇرىمجى قالا رايونىنداعى تۇسكەن تۇمانداردى كورىپ، بوعدا كورىنىس رايونىنىڭ اۋا رايى دا جاقسى بولماس پا ەكەن دەپ الاڭداپ قالعان ەدى. ءبىراق، وسى كولىكتىڭ باسى كورىنىس رايونعا كەلىپ تىرەلگەندە، كوپشىلىك ءبىر اۋىزدان: كۇننىڭ كوزى جادىراپ تۇر ەكەن،-دەستى.

    تيانشان بوعدا كورىنىس رايونى باسقارما كوميتەتى ۇگىت - تاربيە باسقارماسىنىڭ باستىعى ليۋ ليكۇن تانىستىرا بىلاي دەدى: ءبىز بۇل تۇردەگى قيمىلدى وسى بوعدا كورىنىس رايونىندا ءبىرىنشى رەت وتكىزىپ وتىرمىز. اتالعان قيمىلدى ‹ماحابباتقا تولى بوعدا، قىس ماۋسىمىنداعى ماحاببات داستانىن جازۋدى›نەگىزگى تاقىرىپ ەتتىك. وسى اتالعان قيمىلدىڭ قامتىعان مازمۇندارى بولسا جاياۋ ءجۇرۋ، مۇز ۇستىندەگى ايداعار كەمە، مەيىرگە تولى بوعدا، ماحاببات ءۇشىن شىڭعا شىعۋ قاتارلى جەلىلەس قيمىلدار بولدى. بۇندا نەگىزىنەن ماحابباتتاسقان جاستاردىڭ، جاڭادان نەكەلەنگەن ەر-ايەلدەردىڭ قيمىل بارىسىندا تۇرمىستاعى ءوزارا ءبىر-بىرىنە سۇيەنىش بولۋدىڭ ماڭىزدىلعىن سەزىندىرۋ. سونىمەن ءبىر ۋاقىتتا، ولارعا قار-مۇز قۇرسانعان كوركەم بوعدا كولىن سەزىندىرۋ،-دەدى.

جاۋاپتى رەداكتور:سايراش تۇرارجان قىزى