شينجياڭنىڭ 2017 – جىلعى ماگيستر اسپيرانتتىققا قابىلداۋ ەمتيحانىنىڭ العاشقى ەمتيحان ناتيجەسى 15 – اقپان جاريالانادى

    ءتىلشىنىڭ 13 – اقپان شينجياڭ ۇيعۇر اۆتونوميالى رايوندىق وقۋشى قابىلداۋ كەڭسەسىنەن ۇعىسۋىنا قاراعاندا، شينجياڭنىڭ 2017 – جىلعى ماگيستر اسپيرانتتىققا قابىلداۋ ەمتيحانىنىڭ العاشقى ەمتيحان ناتيجەسى 15 – اقپان بەيجيڭ ۋاقىتى ساعات 18دە شينجياڭ وقۋشى قابىلداۋ تورابى، شينجياڭ وقۋ – اعارتۋ مەڭگەرمەسىنىڭ تورابى ارقىلى جاريالانادى. كەزەكتى وقۋشى قابىلداۋدا شينجياڭنىڭ ىشىندەگى وقۋشى قابىلداۋ ورىندارىنا تىزىمدەلگەن وقۋشىلاردىڭ شينجياڭ وقۋشى قابىلداۋ تورابى، شينجياڭ وقۋ – اعارتۋ مەڭگەرمەسىنىڭ تورابىنا شىعىپ، ەسكەرتپەلەر بويىنشا ناتيجەسىن تەكسەرۋىنە نەمەسە ٶزى تىزىمدەلگەن ورىنعا حابارلاسۋ ارقىلى ٶزىنىڭ ەمتيحان ناتيجەسىن تەكسەرۋىنە بولادى.

    شينجياڭ وقۋشى قابىلداۋ تورابى: http://www.xjzk.gov.cn/ شينجياڭ وقۋ – اعارتۋ مەڭگەرمەسىنىڭ تورابى: http://www.xjedu.gov.cn/

    ەمتيحان بەرۋشى ٶز ەمتيحان ناتيجەسىنە كۇماندى بولسا ،ٶزى تىزىمدەلگەن وقۋشى قابىلداۋ ورنىنا جازباشا ٶتىنىش جازۋ ارقىلى ناتيجەسىن سالىستىرىپ كورۋىنە بولادى. ەمتيحان ناتيجەسىن سالىستىرىپ كورۋ ۋاقىتى: 20 – اقپاننان 22 – اقپان ساعات 16عا دەيىن. ەمتيحان ناتيجەسىن سالىستىرىپ كورۋشى ٶزى تىزىمدەلگەن وقۋشى قابىلداۋ ورنىنا جازباشا وتىنىشپەن بىرگە، ازاماتتىق كۋالىگىنىڭ، ەمتيحانعا قاتىناسۋ كۋالىگىنىڭ كوبەيتىلگەن نۇسقاسىن تاپسىرۋى كەرەك (ناقتى تالاپتارى وقۋشى قابىلداۋشى ورنىنىڭ قۇلاقتاندىرۋىن نەگىز ەتەدى).

جاۋاپتى رەداكتور:سايراش تۇرارجان قىزى