ىشكى موڭعۇلدا تۇڭعىش كەزەكتى ساياحات دامىتۋ جينالىسى اشىلدى

    8-اقپاندا، ىشكى موڭعۇل اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى ۇيىمداستىرعان، ىشكى موڭعۇل ساياحات مەكەمەسى، حۋلۇنبۇير قالالىق پارتكوم، قالالىق ۇكىمەت ۇستىنە الىپ وتكىزگەن تۇڭعىش كەزەكتى بۇكىل رايوندىق ساياحاتتى دامىتۋ جينالىسى حۋلۇنبۇيردا اشىلدى. وسى رەتكى جينالىس ەكى كۇندىك ۋاقىتپەن اشىلادى.

    وسى مەزگىلدە، جينالىسقا قاتىناسقان قوناقتار موشىنبارحۋچي قار-مۇز ساياحات رايونىن، قىس ماۋسىمى سەميالىق قوناق قابىلداۋ ورنى، ساياحات ايالداما جوبا ورنى، مەملەكەتتىك 5A دارەجەلى كورىنىس رايونى جۇڭگو-رەسەي شەكارا ساياحات رايونى، ساياحات مادەنيەت تۇرلەرى نىسانى قاتارلى ورىنداردى تاماشالايدى. ءارى جالپى ءماجىلىس اشىپ، سەلبەسكەن قالا ساياحات دامىتۋ اۋىس-كۇيىس احۋالدارىن مالىمدەيدى.

    ىشكى موڭعۇل وتانىمىزدىڭ سولتۇستىگىنە ورنالاسقان، شىعىس پەن باتىسىنىڭ ارالىعى 2400 كيلومەتر، 29 بويلىقتى ەندەي ءوتىپ، ورمان-توعاي، جايلاۋ، ءشول-جازيرالى كەڭ القاپ، قار-مۇزدى نەگىزگى وزەك ەتكەن ەكولوگيالىق جاراتىلىستىق كورىنىس رايونىن قالىپتاستىرادى.

    جۋىقتاعى جىلداردان بەرى، ىشكى موڭعۇل اۆتونوميالى رايوندىق پارتكوم مەن ۇكىمەت ساياحات كاسىبىن دامىتۋعا وسكەلەڭ ءمان بەرىپ كەلەدى ءارى «بۇكىل وڭىرلىك ساياحاتتى دامىتۋ، ءتورت ماۋسىمدىق ساياحات، ‹ساياحات+› ستراتەگياسىن اتقارىپ، بۇكىل فاكتورلىق، بۇكىل ءونىم جالعاسقان ساياحات دامىتۋ فورماسى» سىندى دامۋ تالابىن ورتاعا قويعان ەدى.

جاۋاپتى رەداكتور:سايراش تۇرارجان قىزى