اۆتونوميالى رايون بەلگىلەمەگە قايشى مەكتەپ اشۋ، وقۋشى قابىلداۋ ارەكەتتەرىن تەكسەرىپ ءبىر جاقتى ەتەدى

    ءتىلشىنىڭ اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، «اۆتونوميالى رايوننىڭ وقۋ - اعارتۋدى زاڭ بويىنشا باسقارۋ قىزمەتىن جالپى بەتتىك ىلگەرىلەتۋدى اتقارۋ جوباسى (2016 - 2020)» جۋىقتا رەسمي جاريالانعان، «جوبادا» اۆتونوميالى رايونداعى بارلىق مەكتەپتەردىڭ 2020 - جىلعا دەيىن مەكتەپتەردى زاڭ بويىنشا باسقارۋ قىزمەتىنىڭ نەگىزگى تالابىنا جەتكىزىلەتىندىگى، مەكتەپتەردى زاڭ بويىنشا باسقارۋداعى ۇلگىلى مەكتەپتى 500گە جەتكىزۋ كەرەكتىگى اتاپ كورسەتىلگەن.

    «جوبادا» تاعى بىرلەسىپ زاڭ اتقارۋ ارەكەتىن ورىستەتىپ، بەلگىلەمەگە قايشى مەكتەپ باسقارۋ، بەلگىلەمەگە قايشى وقۋشى قابىلداۋ، وقۋشىلاردىڭ ۇقىق - مۇددەسىنە قاتىستى، وقىتۋشىلاردىڭ احىلاعىنا قايشىلىق جاساۋ سياقتى ارەكەتتەردى ۋاعىندا تەكسەرىپ ءبىر جاقتى ەتۋ كەرەكتىگى كورسەتىلگەن. مۇنان تىس، مەكتەپ ىشىندە ساباقتاستارىن جابىرلەگەن جانە زورەكەرلىك ىستەگەن ورتا، باستاۋىش مەكتەپ وقۋشىلارىنىڭ، ءسوزسىز، زاڭ - بەلگىلەمە بويىنشا جازالاناتىندىعى، ارەكەتىن وزگەرتپەگەن، ساباقتاسىن كوپ رەت جابىرلەگەن، زورەكەرلىك ىستەگەن وقۋشىلاردىڭ ارحيۆىنە ارەكەتى جازىلاتىندىعى، قىلمىس قالىپتاستىرعان وقۋشىلار قاتىستى زاڭ - ەرەجە بويىنشا ءبىر جاقتى ەتىلەتىندىگى، ولاردىڭ اتا - اناسىنا نەمەسە زاڭدى يەلەرىنە قاتاڭ باسقارۋدى ەسكەرتۋ بۇيرىعى بەرىلەتىندىگى بەلگىلەنگەن.

جاۋاپتى رەداكتور:سايراش تۇرارجان قىزى