جوعارى مەكتەپتەردىڭ «وقۋ جاردەم قاراجاتىن» «وقۋ سيلىق اقشاسىنا» وزگەرتۋى قاتاڭ شەكتەلەدى

    جۋىقتا وقۋ - اعارتۋ مينيسترلىگى «جوعارى مەكتەپتەردەگى وتباسىندا قيىنشىلىعى اۋىر وقۋشىلاردى تۇراقتاندىرۋ قىزمەتىن اناعۇرلىم كۇشەيتۋ جانە كەمەلدەندىرۋ تۋرالى ۇقتىرۋدى» جاريالادى.

    «ۇقتىرۋدا» جوعارى مەكتەپتەردىڭ «وقۋ جاردەم قاراجاتىن» «وقۋ سيلىق اقشاسىنا» وزگەرتۋ نەمەسە «وقۋ جاردەم قاراجاتىن» «وقۋ سيلىق اقشاسىنىڭ» ورنىنا پايدالانۋ ارەكەتتەرىنىڭ قاتاڭ شەكتەلەتىندىگى كورسەتىلدى.

    «ۇقتىرۋدا» جەر - جەردەگى جوعارى مەكتەپتەردىڭ وتباسىندا قيىنشىلىعى اۋىر وقۋشىلاردى تۇراقتاندىرۋ قىزمەتىنىڭ ماڭىزدىلىعىن تولىق ءتۇسىنىپ، وتباسىندا قيىنشىلىعى اۋىر وقۋشىلاردىڭ وتباسى ەكونوميكالىق جاعدايى، سول جەردىڭ ەكونوميكالىق، قوعامدىق دامۋ دەڭگەيى، قالا تۇرعىندارىنىڭ ەڭ تومەنگى تۇرمىسىن قامتاماسىزداندىرۋ ولشەمى جانە قازىنا جاعدايى، مەكتەپ تۇرعان قالانىڭ باعا ولشەمى، مەكتەپتىڭ اقى الۋ ولشەمى سياقتى سەبەپتەردىڭ نەگىز ەتىلۋى كەرەكتىگى؛ باسقا ەكونوميكاعا جاتپايتىن فاكتورلاردى قوسىپ الماۋ كەرەكتىگى؛ «وقۋ جاردەم قاراجاتىنىڭ» دارەجە بويىنشا ناقتى قيىنشىلىعى بار وقۋشىلارعا بەيىمدەلۋىنە كەپىلدىك ەتۋ، سونداي - اق ارحيۆ تۇرعىزىلىپ، كارتچكا تاراتىلعان ەكونوميكالىق قيىنشىلىعى اۋىر وتباسىنداعى وقۋشىلارعا، اۋىل - قىستاقتارداعى ەڭ تومەنگى تۇرمىسى قامتاماسىزداندىرىلاتىن وبيەكتى ەتىلگەن وتباسىنداعى وقۋشىلارعا، اۋىل - قىستاقتارداعى قۇتقارۋ جانە باعۋ كولەمىنە ەنگىزىلگەن قيىنشىلىعى اۋىر وتباسىنداعى وقۋشىلارعا، جەتىم، مۇگەدەك وقۋشىلار، قاھارمانداردىڭ پەرزەنتتەرى جانە تابيعي اپات سەبەبىنەن ەرەكشە ەكونوميكالىق قيىنشىلىققا ۇشىراعان وتباسىنداعى وقۋشىلارعا بەيىمدەلۋگە كەپىلدىك ەتۋ كەرەكتىگى تالاپ ەتىلدى.

    «ۇقتىرۋدا» تاعى جەر - جەردەن، تاراۋلاردان جوعارى مەكتەپتەردە «وقۋ جاردەم قاراجاتىن» تاراتۋعا قاتىستى ۇگىتتى كۇشەيتىپ، «وقۋ جاردەم قاراجاتىن» تاراتۋ قىزمەتىنىڭ ءادىل جۇرگىزىلۋىنە كەپىلدىك ەتۋ، سونداي - اق وقۋشىلاردىڭ جانە بۇقارانىڭ باقىلاۋىن ءار ۋاقىت قابىلداپ، «وقۋ كومەك قاراجاتىنا» ءوتىنىش ەتۋشىلەردىڭ جانە پايدالانۋشىلاردىڭ ينفورماتسيالارىن اشىق ۇستاپ، كوز بوياۋشىلىق ىستەگەندەردى قاتاڭ ءبىر جاقتى ەتۋ تالاپ ەتىلدى.

جاۋاپتى رەداكتور:سايراش تۇرارجان قىزى