قار-مۇز ساياحات كاسىبى جىل باسىندا-اق جاقسى باستاماعا يە بولدى

30-قاڭتار، ساياحاتشىلار جىبەك جولى حالىقارالىق دەمالىس رايونى شاڭعى الاڭى ىشىندە تاماشا كورىنستەردى تاماشالاۋدا 

    جاڭا عانا وتكەن شاعاننىڭ التىن اپتالىعى مەزگىلىنەن بەرى، «بايعازى بەرۋ» اۋقىمى ءالى باسىلمادى. شينجياڭ ساياحات كاسىبى دە ءبىر شاما كوپ «بايعازىعا» يە بولدى. 3-اقپان، اۆتونوميالى رايوندىق ساياحات مەكەمەسىنىڭ حابارىنا قاراعاندا، 2017-جىلعى شاعان مەرەكەسىنىڭ التىن اپتالىعىندا، رايونىمىزدا دەمالىس مەزگىلىندەگى ساياحات كوڭىل اشۋ تۇرلەرى باي مازمۇنعا تولى بولعاندىقتان، بۇكىل رايونداعى قابىلداعان ساياحاتشىلاردىڭ جالپى مولشەرى كوپ جانە ساياحاتتان كىرگەن كىرىسى مول بولۋ سىندى تاريحتاعى قوس جاڭالىق جاراتىلىپتى.

    ساناققا قاراعاندا، بۇكىل شينجياڭداعى جالپى قابىلداعان ەل ءىشى ساياحاتشىلاردىڭ سانى 1 ميلليون 514 مىڭ بولىپ، وتكەن جىلداعى ۇقساس مەزگىلدەگىمەن سالىستىرعاندا %20.06 ارتقان. ەل ءىشى ساياحاتشىلاردىڭ جالپى تۇتىنعان مولشەرى 1 ميليارد 610 ميلليون يۋان بولىپ، وتكەن جىلداعى ۇقساس مەزگىلدەگىمەن سالىستىرعاندا %21.9 ارتىپ، ساياحات كاسىبى 2017-جىلدىڭ باسىندا-اق تاماشا باستاما باستاپتى.

جاۋاپتى رەداكتور:نۇرجان مينۋار قىزى