شي جينپيڭ «95تەن كەيىنگى» ستۋدەنتتەر تۋرالى العاش رەت وي تولعادى

    وتكەن جىلدىڭ 7 - جەلتوقسانىندا، باس شۋجي شي جينپيڭ جوعارى مەكتەپتەردىڭ يدەيالىق - ساياسي قىزمەتى جونىندەگى مەملەكەتتىك ماجىلىستە ءسوز سويلەپ، جوعارى مەكتەپتەردىڭ ءتالىم - تاربيە جۇمىستارىنا نۇسقاۋ بەردى. سوزدە يدەيالىق - ساياسي قىزمەتتىڭ جوعارى مەكتەپتەر قانداي ادام تاربيەلەيدى، ادامدى قالاي جانە كىم ءۇشىن تاربيەلەيدى دەگەن ءتۇبىرلى ماسەلەمەن قاتىستى ەكەندىگى اشىپ كورسەتىلدى.

    سول كۇنى شي جينپيڭ «95تەن كەيىنگى» ستۋدەنتتەر تۋرالى العاش رەت وي تولعاپ، بىلاي دەدى: قازىرگى جوعارى مەكتەپ ستۋدەنتتەرىنىڭ باسىم كوپشىلىگى «95تەن كەيىنگىلەر»، جاڭا عاسىردا ءومىر ەسىگىن اشقان جاس وركەندەر دە الداعى 2 جىلدا جوعارى مەكتەپتىڭ تابالدىرىعىنان اتتايدى. ولار − جالىندى، ىزدەنگىش، ءورشىل، كوز اياسى كەڭ، اشىق ويلى، وزىنە سەنىمدى، سۇيكىمدى، سۇيەنەرلىك، سۇيىنەرلىك بۋىن. قازىرگى جوعارى مەكتەپ ستۋدەنتتەرىنە پارتيا مەن حالىق تولىق سەنىم، زور ءۇمىت ارتادى.

    «حالىق گازەتى» شي جينپيڭنىڭ كەلەلى جينالىستاعى ماڭىزدى سوزىنەن ءۇزىندى بەرىپ، جاس بۋىننىڭ وقۋىنا ۇسىندى.

    وقۋ - اعارتۋ كۇشەيسە، مەملەكەت تە كۇشەيەدى

    جوعارى وقۋ - اعارتۋدىڭ دامۋ دەڭگەيى − مەملەكەتتىڭ دامۋ دەڭگەيى مەن دامۋ مۇمكىندىكتەرىنىڭ ماڭىزدى كورسەتكىشى. جۇڭحۋا ۇلتىنىڭ ۇلى گۇلدەنۋىن ىسكە اسىرۋدا وقۋ - اعارتۋدىڭ مارتەبەسى مەن رولىنا ەلەۋسىز قاراۋعا بولمايدى. ءبىزدىڭ جوعارى وقۋ - اعارتۋعا قاجەتىمىز بۇعان دەيىنگى ءارقانداي كەزەڭدەگىدەن دە ءزارۋ، عىلىم - ءبىلىم مەن ساڭلاق دارىندىلارعا مۇقتاجدىعىمىز بۇعان دەيىنگى ءارقانداي كەزەڭدەگىدەن دە كۇشتى بولىپ وتىر. پارتيا ورتالىق كوميتەتى ەلىمىزدىڭ جوعارى وقۋ - اعارتۋىنىڭ دامۋ دەڭگەيىن كوتەرىپ، مەملەكەتتىڭ وزەكتى باسەكەلىك قابىلەتىن نىعايتۋ ءۇشىن، دۇنيە ءجۇزى بويىنشا ماڭداي الدى ۋنيۆەرسيتەتتەر قۇرىپ، الدىڭعى قاتارلى پاندەر اشۋدى جەدەلدەتۋ جونىندە ستراتەگيالىق شەشىم قابىلدادى.

    ونەگە كورسەتۋ، ادام تاربيەلەۋ − جوعارى مەكتەپتەردىڭ تۇعىرى

    تەك الدىڭعى قاتارلى دارىندىلار دايىنداي بىلگەن جوعارى مەكتەپتەر عانا دۇنيە ءجۇزى بويىنشا ماڭداي الدى ۋنيۆەرسيتەتتەردىڭ قاتارىنا قوسىلا الادى. ەلدەگى جوعارى مەكتەپتەردى ويداعىداي باسقارىپ، الەمدەگى ماڭداي الدى ۋنيۆەرسيتەتتەرمەن تەڭەستىرۋ ءۇشىن، ءسوز جوق، دارىندى دايىنداۋ قابىلەتىن جاپپاي جوعارىلاتۋ دەگەن وزەكتى مىقتاپ يگەرۋ ءارى سول ارقىلى جوعارى مەكتەپتەردىڭ وزگە قىزمەتتەرىن دە ىلگەرىلەتۋ قاجەت.

    جۇڭگولىق ەرەكشەلىككە يە سوتسياليستىك جوعارى مەكتەپتەردى ويداعىداي باسقارۋ قاجەت

    ەلىمىزدىڭ تاريحى، مادەنيەتى، مەملەكەت جاعدايى وزگەشە، دەمەك، ءسوز جوق، جوعارى وقۋ - اعارتۋدى دامىتۋدىڭ وزىمىزگە ءتان جولمەن ءجۇرىپ، جۇڭگولىق ەرەكشەلىككە يە سوتسياليستىك جوعارى مەكتەپتەردى تياناقتى دامىتۋىمىز قاجەت. ءبىز جۇڭگوعا تامىر تارتىپ، جۇڭگو مەن شەتەلدەردىڭ تاجىريبەلەرىن توعىستىرىپ، ءداۋىردى تياناق ەتىپ، بولاشاقتى بەتكە الىپ، ءوز جولىمىزدان اۋىتقىماۋعا ءتيىسپىز. جۇڭگونىڭ بايتاق دالاسىنا تامىر تارتۋ مەن الەمدىك ماڭداي الدى ۋنيۆەرسيتەتتەر اشۋ ءبىر - بىرىمەن ۇيلەس، تەك جۇڭگوعا تامىر تارتقاندا عانا، دۇنيە جۇزىنە ءتىپتى جاقسى جول تارتا الامىز.

    قازىرگى جوعارى مەكتەپ ستۋدەنتتەرىنە تولىق سەنىم، زور ءۇمىت ارتامىز

    ءار بۋىنداعى جاستاردىڭ ءوز مۇمكىندىگى بولادى. قازىرگى جوعارى مەكتەپ ستۋدەنتتەرىنىڭ باسىم كوپشىلىگى «95 تەن كەيىنگىلەر»، جاڭا عاسىردا ءومىر ەسىگىن اشقان جاس وركەندەر دە الداعى 2 جىلدا جوعارى مەكتەپتىڭ تابالدىرىعىنان اتتايدى. ولار − جالىندى، ىزدەنگىش، ءورشىل، كوز اياسى كەڭ، اشىق ويلى، وزىنە سەنىمدى، سۇيكىمدى، سۇيەنەرلىك، سۇيىنەرلىك بۋىن. قازىرگى جوعارى مەكتەپ ستۋدەنتتەرىنە پارتيا مەن حالىق تولىق سەنىم، مول ءۇمىت ارتادى.

    ماركسيزم − جوعارى مەكتەپتەردىڭ تاڭباباستى قاسيەتى

    تاريح پەن حالىقتىڭ تاڭداۋى ارقىلى ماركسيزم ءبىزدىڭ پارتيامىز بەن مەملەكەتىمىزدىڭ تۇبەگەيلى جەتەكشى يدەياسى، جوعارى مەكتەپتەرىمىزدىڭ تاڭباباستى قاسيەتى بولىپ وتىر. بەلدى بەكەم بۋىپ، تۇرعىسى بەرىك، نەگىزى مىقتى، تاجىريبەسى مول ماركسيزم وقىمىستىلارىن جەتىلدىرۋ، اسىرەسە، جاس ماركسشىلدەردىڭ ەلەۋلى توبىن دايىنداۋ قاجەت. ماركسيزمدى جەتەكشى ەتە وتىرىپ، عىلمي ويلاردىڭ، عىلمي اعىمداردىڭ پىكىر الىسۋى مەن بايلانىس جاساۋىن جانە ءتۇرلى يدەيا مەن مادەنيەتتەن كەڭ - مول ۇلگى الۋدى دارىپتەپ، بارشا گۇل شەشەك اتىپ، جالپى جارىسا ءۇن قاتقان، جاڭالىق پەن دامۋعا جول اشىلعان جاندى جاعداي قالىپتاستىرۋ كەرەك.

    سوتسياليستىك وزەكتى قۇن كوزقاراسىن جوعارى مەكتەپتەردىڭ وقىتۋ، تاربيەلەۋ ىستەرىنىڭ تۇتاس بارىسىمەن ساباقتاستىرۋ كەرەك

    ءبىز مەكتەپ تاربيەسىندە ادام تاربيەسىن نەگىز ەتۋدى، ءمورال، اقىل - وي، دەنە، ەستەتيكا تاربيەسىنەن ءمورال تاربيەسىنە باسا ماڭىز بەرۋدى قۋاتتايمىز، اتاپ ايتقاندا، جوعارى مەكتەپتەر ۇزدىك جاستاردى قاناتتاندىراتىن التىن ۇيا بولۋعا ءتيىس. سوتسياليستىك وزەكتى قۇن كوزقاراسىن جوعارى مەكتەپتەردىڭ وقىتۋ، تاربيەلەۋ ىستەرىنىڭ تۇتاس بارىسىمەن ساباقتاستىرىپ، ءبىلىم تاربيەسىنە، ۇستازدىق ءمورال ورناتۋعا سوتسياليستىك وزەكتى قۇن كوزقاراسى ارقىلى جەتەكشىلىك جاساپ، جۇڭحۋانىڭ تاڭداۋلى ءداستۇرلى مادەنيەتى، توڭكەرىستىك مادەنيەت جانە سوتسياليستىك وزىق مادەنيەت، پارتيا تاريحى، مەملەكەت تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى جونىندەگى ءتالىم - تاربيەنى نىعايتىپ، قالىڭ وقىتۋشى - وقۋشىلاردى سوتسياليستىك وزەكتى قۇن كوزقاراسىنىڭ تاباندى سەنۋشىلەرى، بەلسەندى ءناسيحاتتاۋشىلارى، ۇلگىلى ورىنداۋشىلارى بولۋعا جەتەكتەۋ كەرەك.

جاۋاپتى رەداكتور:سايراش تۇرارجان قىزى