اۆتونوميالى رايوندىق 12 - كەزەكتى حالىق قۇرىلتايىنىڭ 5 - ءماجىلىسى 109 كەڭەستىك جوبا تاپسىرىپ الدى

    11 - قاڭتار كۇنى ساعات 12 گە (بەيجيڭ ۋاقىتى) دەيىن، اۆتونوميالى رايوندىق 12 - كەزەكتى حالىق قۇرىلتايىنىڭ 5 - ماجىلىسىنە قاتىسقان ءار ۇلت ۋاكىلدەرى ماجىلىسكە جالپى 109 كەڭەستىك جوبا تاپسىردى.

    12 - قاڭتار تۇستەن بۇرىن، اۆتونوميالى رايوندىق 12 - كەزەكتى حالىق قۇرىلتايى 5 - ءماجىلىسنىڭ كەڭەستىك جوبالاردى تەكسەرۋ القاسىنىڭ قاراۋىمەن، لي حۇيجۋان سياقتى 14 ۋاكىل ورتاعا قويعان اۆتونوميالى رايوننىڭ قوس ءتىل وقىتۋى ەرەجەسىن بەلگىلەۋ جونىندەگى كەڭەستىك جوبا؛

    پىڭ گوچۇن سياقتى 20 ۋاكىل ورتاعا قويعان ءۇرىمجى - سانجى جەڭىل رەليستىك جول قۇرىلىسىن جەدەلدەتۋ جونىندەگى كەڭەستىك جوبا؛ يىن يۇيلين سياقتى 11 ۋاكىل ورتاعا قالالار مەن اۋىلداردىڭ كاسىپتەندىرۋگە قىزمەت كورسەتۋىن تەڭگەرۋدى ىلگەرىلەتۋ جونىندەگى كەڭەستىك جوبا؛ گۇلگينا نياز سياقتى 10 ۋاكىل ورتاعا قويعان قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ ءۇشىن قوعامدىق ۇيىمداردىڭ زاڭ اتقارۋدى تەكسەرۋ قىزمەتىن اناعۇرلىم كۇشەيتۋ جونىندەگى كەڭەستىك جوبا سىندى 8 كەڭەستىك جوبانى ءماجىلىستىڭ كەڭەستىك جوباسى ەتۋدى ۇيعاردى. جيىندا ۋاكىلدەردىڭ كەڭەستىك جوبالارىن تەكسەرۋ بايانداماسىن اۆتونوميالى رايوندىق 12 - كەزەكتى حالىق قۇرىلتايى 5 - ءماجىلىسى ءتوراعالار القاسىنىڭ 4 - جيىنىنىڭ قاراپ ماقۇلداۋىنا ۇسىنۋ ۇيعارىلدى.

    قاتىستى بەلگىلەمەگە سايكەس، ءماجىلىستىڭ وسى 8 كەڭەستىك جوباسىن ءماجىلىستىڭ ءتوراعالار القاسى اۆتونوميالى رايوندىق حالىق قۇرىلتايىنىڭ تۇراقتى كوميتەتىنە تاپسىرادى، تۇراقتى كوميتەتتىڭ قاتىستى جۇمىس قۇرىلىمدارى اقىلداسىپ، ءبىرجايلى ەتۋگە تاپسىرۋ پىكىرىن شىعارعاننان كەيىن، مەڭگەرۋشىلەر جيىنىنىڭ ۇيعارۋى بويىنشا، اۆتونوميالى رايوننىڭ قاتىستى تاراۋلارىنىڭ ءبىرجايلى ەتۋىنە تاپسىرادى. قالعان 101 كەڭەستىك جوبانى ۇسىنىس، سىن، پىكىر ەتىپ وزگەرتەدى.

جاۋاپتى رەداكتور:سايراش تۇرارجان قىزى