جوعارى ولشەم مەن قاتاڭ تالاپقا تاباندى بولىپ، پارتيا قۇرىلتايىنىڭ رۋحىن جاقسى تياناقتاندىرامىز

    − التاي ايماقتىق پارتكومنىڭ شۋجيى دىڭ جاڭ - ۋمەن سۇحبات

    «ج ك پ اۆتونوميالى رايوندىق 9 - قۇرىلتايى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋدىڭ تاماشا سۇلباسىن بەينەلەپ بەردى. ول تىڭ باستاما دا، شينجياڭ ىستەرى دامۋىنىڭ تىڭ جاعدايىن اشۋدىڭ جارناماسى جانە جۇمىلدىرۋ جارلىعى. كەزەكتە ءبىزدى كۇتىپ تۇرعان كەلەلى ساياسي مىندەت − پارتيا قۇرىلتايىنىڭ رۋحىن دايەكتى تياناقتاندىرىپ، باس نىسانانىڭ جەتەكشىلىگىندە <بەستە ۇلگى كورسەتۋ رايونى> قۇرىلىسىن تەزدەتىپ، كوركەم، جاراسىمدى، باقىتتى التايدىڭ تىڭ داستانىن جازىپ، شينجياڭنىڭ قوعام ورنىقتىلىعى مەن باياندى تىنىشتىعىنا قۇلشىنا ۇلەس قوسۋ»، - دەدى 25 - قاراشادا التاي ايماقتىق پارتكومنىڭ شۋجيى دىڭ جاڭ - ۋ سۇحباتىمىزدى قابىلداعاندا.

    دىڭ جاڭ - ۋ بىلاي دەدى: مەملەكەتتىك قوعامدىق جونگە سالۋعا جاڭالىق ەنگىزۋدەن ۇلگى كورسەتۋ رايونىن قۇرۋدى توڭىرەكتەي وتىرىپ، قوعام اماندىعىن جان - جاقتى وڭاۋدى ىشكەرىلەي ىلگەرىلەتەمىز. لاڭكەستىككە قارسى تۇرۋ، ورنىقتىلىقتى قورعاۋ قىزمەتتەرىن ماڭداي الدى ورىنعا قويۋدان جازباي، ورنىقتىلىقتى قورعاۋدا قاعىس قالاتىن ءوڭىر، قاعىس قالاتىن مەكەمە - ورىن، قاعىس قالاتىن ادام بولمايدى دەگەن يدەيانى مىقتاپ ورناتىپ، اۆتونوميالى رايوننىڭ ورنىقتىلىقتى قورعاۋداعى 9 ءتۇرلى شاراسىن مۇقيات تياناقتاندىرىپ، زورلىقتى كۇش لاڭكەستىك دەلو (وقيعا) بولعىزباۋدىڭ تومەنگى شەگىن باتىل ساقتايمىز. تىنىش التاي قۇرۋ ناتيجەسىن ۇزبەي بەكەمدەپ، پارتكوم جەتەكشى بولاتىن، ۇكىمەت ىلگەرىلەتەتىن، بارلىق ادام ات سالىساتىن قوعامدىق جونگە سالۋ جالپى جاعدايىن قالىپتاستىرىپ، قىلمىستىق ىستەر دەلوسىنىڭ، قوعام اماندىعى دەلوسىنىڭ ازايۋىنا كەپىلدىك ەتىپ، ءار 10 مىڭ ادامدىق سالىستىرما بويىنشا دەلو تۋىلۋ مولشەرىن ءۇرتىس تومەنگى ورىندا ساقتاپ، قوعامدى جونگە سالۋدى اناعۇرلىم تارتىپكە تۇسىرەمىز. زاڭمەن باسقارىلاتىن التاي قۇرىلىسىن تىڭعىلىقتى ورىستەتىپ، زاڭ - ءتۇزىمدى «التىعا جەتكىزۋ» قىزمەتىن ىشكەرىلەي ورىستەتىپ، زاڭ بويىنشا ءىس بىتىرەتىن، ءادىليانى ادىلدىكپەن جۇرگىزەتىن، جالپى حالىق زاڭعا بويسۇناتىن تاماشا جاعداي قالىپتاستىرۋدى ىلگەرىلەتەمىز. ارىز - ارمان قىزمەتىن كۇشەيتىپ، ارىز - ارماندى ءتۇپ قاينارىنان جونگە سالۋ شارالارىن كەمەلدەندىرىپ، قايشىلىق، داۋ - شارلاردى ءونىمدى شەشىپ، قايشىلىقتى ماسەلەلەردى نەگىزگى ساتىدا شەشىپ، جورگەگىندە جويامىز.

    «ۇلتتار ىنتىماعى، العاباسارلىعىندا مەملەكەتتىك ۇلگىلى رايون قۇرۋعا تالپىنىپ، ۇلتتار ىنتىماعى، العاباسارلىعى ىستەرىنىڭ جاڭالىق اشا دامۋىن ىلگەرىلەتەمىز. ءبىز پارتيانىڭ ۇلت ساياساتىن مۇقيات دايەكتىلەندىرىپ، ۇلتتار ىنتىماعى ۇگىت - تاربيەسىن اناعۇرلىم تەرەڭدەتىپ، جۇڭحۋا ۇلتىنىڭ ورتاق تۇلعا تانىمى مەن <بەس ورتاق تانىمدى> كۇشەيتىپ، ۇلتتار ىنتىماعى، العاباسارلىعىندا تاڭداۋلى ورىن قۇرۋ قيمىلىن كەڭىنەن ورىستەتىپ، <ۇلتتار ىنتىماعىنىڭ بەرەكەلى شاڭىراعى> قيمىلىنىڭ تۇزىمدەنۋىن، ۇدايىلانۋىن، باياندى بولۋىن ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ۇلتتاردىڭ ءبىر وتباسىنىڭ ادامىنداي سەتىنەمەس سۇيىسپەنشىلىك ورناتقان، ءبىر جاعادان باس، ءبىر جەڭنەن قول شىعارىپ، بالىق پەن سۋداي ەتەنە وتكەن تاماشا ورتاسىن قالىپتاستىرىپ، ۇلتتار ىنتىماعى، العاباسارلىعى ىستەرىنىڭ بۇكىل شينجياڭ بويىنشا باستان - اياق الدىڭعى قاتاردا بولۋىنا كەپىلدىك ەتەمىز».

    دىڭ جاڭ - ۋ بىلاي دەدى: شينجياڭدا ءدىن جاراسىمدىلىعىندا ۇلگى كورسەتۋ رايونىن قۇرۋدى ارقاۋ ەتىپ، ءدىن ىستەرىنە قاراتىلعان تاربيەنى، باسقارۋدى، قىزمەت كورسەتۋدى جان - جاقتى كۇشەيتەمىز. التاي ايماعى پارتيانىڭ ءدىن ساياساتىن مۇقيات دايەكتىلەندىرىپ، «ءورشۋدىڭ الدىن الۋ، كەۋلەپ كىرۋگە قارسى تۇرۋ، جاراسىمدىلىقتى جەبەۋ» سىندى 3 ءتۇيىندى قىزمەتتى كورنەكتى تۇردە يگەرىپ، ءدىني ۇشقارى يدەيالاردىڭ كەۋلەپ كىرۋىن باتىل تەجەيدى؛ مەشىتتەر مەن ءدىني قيمىلدارعا قاراتىلعان تاربيەنى، قىزمەت كورسەتۋدى، باسقارۋدى زاڭ بويىنشا كۇشەيتىپ، ءدىندى سوتسياليستىك قوعامعا سايكەستىرۋدى بەلسەنە جەبەپ، ايماقتىڭ ءدىن سالاسىنىڭ ۇزاق ۋاقىت بەرەكەلى، جاراستىعىنىڭ تاماشا بەينەسىن ءۇرتىس بەكەمدەيدى.

    «التاي ايماعى ەكولوگيالىق يقۋاتتى ءوڭىر بويىنشا ۇلگى كورسەتۋ رايونىن قۇرۋدى ارقاۋ ەتىپ، جاسىل، باياندى دامۋ جولىنان اۋىقتىمايدى. تاماشا ەكولوگيالىق ورتا − التايدىڭ ەڭ باعالى بايلىعى، سونداي - اق حالىق تۇرمىسىنىڭ ەڭ ۇلكەن باقىتى. التاي ايماعى ەكولوگيالىق ورتانى ماڭداي الدى ورىنعا قويۋعا باستان - اياق تاباندى بولىپ، ەكولوگيالىق ورتانى قورعاۋدى ۇزبەي كۇشەيتىپ، ەكولوگيانى قورعاۋ بويىنشا تولەم بەرۋ مەحانيزمىن تياناقتاندىرۋدى بەلسەنە ىلگەرىلەتىپ، تابيعي ورمان، تابيعي جايلىم، سۋلى - باتپاقتى جەرلەر مەن كولدەردى قورعاۋ جانە قالپىنا كەلتىرۋ سياقتى كەلەلى ەكولوگيالىق ينجەنەريا قۇرىلىستارىن جەدەل اتقارىپ، بەتالدى اشۋ، الباتى قازۋ ارەكەتتەرىنە سوققى بەرۋدى، جەردى زاڭسىز اشۋدى تەجەۋدى ۇزبەي مىقتاپ يگەرىپ، التايدىڭ كوك اسپانىن، جاسىل القابىن، تۇنىق سۋىن ماڭگى ساقتايدى. ەكولوگيادان كاسىپ اشۋدان، ونىمدىلىككە قول جەتكىزۋدەن جازباي، ەكونوميكانىڭ بۇرىلىس جاساپ، دارەجەسىن جوعارىلاتۋىن بەلسەنە ىلگەرىلەتىپ، ساياحات كاسىبىن ءتۇيىن ەتكەن وسى زامانعى قىزمەت كورسەتۋ كاسىبى، جاسىل، ورگانيكالى ازىق - تۇلىك وڭدەۋ ونەركاسىبى، تازا ەنەرگيا سىندى 3 ۇلكەن كاسىپ سالاسىن جەدەل جەتىلدىرىپ، التايدى <دۇنيە جۇزىلىك بايىرعى شاڭعى مەكەنى>، جۇڭگوداعى ءوز اۆتوكولىگىمەن ساياحاتتاۋداعى جانە جوعارى ورەدە ساياحاتتاۋداعى نىسانالى جەر، اۆتونوميالى رايوننىڭ جاسىل، ورگانيكالى ازىق - تۇلىك ءوندىرۋ، وڭدەۋ بازاسى، اۆتونوميالى رايوننىڭ 10 ميلليون كيلوۆاتتىق تازا ەنەرگيا بازاسى ەتىپ قۇرۋعا كۇش سالادى».

    دىڭ جاڭ - ۋ بىلاي دەدى: «شەكارا اتتاعان ەكونوميكالىق سەلبەستىك بويىنشا ۇلگى كورسەتۋ رايونىن قۇرۋدى ارقاۋ ەتىپ، سىرتقا ەسىك اشۋدا جاڭا جاعداي جاراتامىز. التاي 4 كەدەنى بولۋداي ەرەكشە باسىمدىلىعىن ساۋلەلەندىرىپ، ەسىك اشۋدى ەڭ ۇلكەن قوزعاۋشى كۇش ەتۋدەن جازباي، جىبەك جولى ەكونوميكالىق بەلدەۋى ستراتەگيالىق ورايىن مىقتاپ يگەرىپ، جۇڭگو - رەسەي - قازاقستان - موڭعۇليا <ءتورت ەل، التى جاق> التاي تاۋى توڭىرەگىندەگى وڭىرلىك ەكونوميكالىق سەلبەستىك جۇلگەسى مەحانيزمىنە سۇيەنىپ، التاي تاۋى توڭىرەگىندەگى ەكونوميكا شەڭبەرىنىڭ ەل اتتاعان سەلبەستىگى بويىنشا ۇلگى كورسەتۋ رايونى (التاي - بەيتۇن ەرەكشە رايونى) مەن شەكارا اتتاعان ساياحات سەلبەستىك رايونى قۇرىلىسن جەدەلدەتىپ، جەمەنەي شەكارا ەكونوميكا سەلبەستىك ءوڭىرى، شىڭگىل شەكارا ەكونوميكالىق سەلبەستىك ءوڭىرى قۇرىلىسىن مىقتاپ يگەرىپ، اقتۇبەك وتكەلىن ىسكە قوسۋعا تالپىنىپ، قىزىلتاۋ اۋزى كەدەنىن 3 - ەلگە ەرتەرەك ەسىك اشۋىن ىلگەرىلەتىپ، التاي اۋەجايىن كەڭەيتىپ سالۋ قۇرىلىسىن تەزدەتىپ، جۇڭگو - رەسەي جىكپەلەن كەدەنى، ەرتىس وزەنىندە سۋ تاسىمالىن قالپىنا كەلتىرۋ، تەمىر جول ۇلكەن ارناسى سياقتى كەلەلى نىسانداردىڭ الدىڭعى مەرزىمدىك قىزمەتتەرىن ىلگەرىلەتىپ، شەكارا سىرتىنان بايلىق ەنگىزۋ، ەكونوميكا - ساۋدا سەلبەستىگى، شەكارا اتتاپ ساياحاتتاۋ سياقتى جاقتاردان جان - جاقتى قامال الادى».

جاۋاپتى رەداكتور:سايراش تۇرارجان قىزى