پارتيا قۇرىلتايىنىڭ رۋحىن دايەكتىلەندىرىپ، كورىكتى شىحىزى قۇرامىز

    «ج ك پ اۆتونوميالى رايوندىق 9 - قۇرىلتايىندا قوعام ورنىقتىلىعى مەن باياندى تىنىشتىق باس نىساناسى بەرىك ارقاۋ ەتىلىپ، شينجياڭ قىزمەتىنىڭ الداعى 5 جىلداعى جەتەكشى يدەياسى، نەگىزگى تالاپتارى، نىسانالىق مىندەتتەرى ايقىندالىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، شينجياڭنىڭ ءتىپتى جاقسى، ءتىپتى تەز دامۋىن ىسكە اسىرۋدىڭ دابىلى قاعىلدى».

    1 - جەلتوقسان كۇنى شىحىزى قالالىق پارتكومنىڭ شۋجيى زوۋ يۋەبين تىلشىلىگىمىزدى قابىلداعاندا بىلاي دەدى: ءبىز «ءتورت تانىمدى»، اسىرەسە، ۇيتقى تانىمى مەن ساپ تۇزەۋ تانىمىن ونان سايىن كۇشەيتىپ، يدەيا، ساياسي، ارەكەت جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن ايرىقشا ءبىر اۋىزدى بولىپ، ج ك پ اۆتونوميالى رايوندىق 9 - قۇرىلتايىنىڭ رۋحىن جاپپاي، ءدال تياناقتاندىرىپ، ءتىپتى، زور بايلام، ءتىپتى، جوعارى ولشەم، ءتىپتى، ناقتى شارا، ءتىپتى، قاتاڭ تالاپ، ءتىپتى، شاپشاڭ ارەكەتپەن ونان دا جاراسىمدى، كورىكتى شىحىزى قۇرامىز.

    زوۋ يۋەبين بىلاي دەدى: شىحىزى ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى كەزەكتەگى جانە الداعى ءبىر مەزگىلدەگى ماڭىزدى ساياسي مىندەت رەتىندە قاراپ، قۇلاقتاندىرۋ شىعارىپ، پارتيا قۇرىلتايىنىڭ رۋحىن ءار دارەجەلى پارتكومداردىڭ وزەكتى ۇيرەنۋ گرۋپپالارىنىڭ ۇيرەنۋىنە، پارتيالى كادرلاردى كەزەكپەن تاربيەلەۋگە، ءتۇرلى ۇگىت - لەكسيا مازمۇندارىنا ەنگىزىپ، پارتيا قۇرىلتايى رۋحىنىڭ جۇرت جۇرەگىنەن تەرەڭ ورىن الۋىنا كەپىلدىك ەتۋدى ايقىن تالاپ ەتتى.

    قازىرگە دەيىن، شىحىزى قالالىق پارتكومنىڭ وزەكتى ۇيرەنۋ گرۋپپاسى ج ك پ اۆتونوميالى رايوندىق 9 - قۇرىلتايىنىڭ رۋحىن 3 مارتە ارناۋلى جەتكىزىپ جانە ۇيرەنىپ، شينجياڭنىڭ الداعى 5 جىلداعى قىزمەتتەرى تۋرالى پارتيا قۇرىلتايىندا العا قويىلعان نەگىزگى تالاپتاردى تەرەڭ يگەردى. شىحىزى ج ك پ اۆتونوميالى رايوندىق 9 - قۇرىلتايىنىڭ رۋحىن ۇگىتتەيتىن ۇيىرمە دە ۇيىمداستىردى، بۇل ۇيىرمە قازىر پولك - الاڭداردا، روتا - اترەتتەردە، كوشە باسقارمالارى مەن الەۋمەتتىك اۋماقتاردا، كاسىپورىندار مەن مەكتەپتەردە كەڭ كولەمدە ۇگىت - ءناسيحات جۇرگىزۋدە. شىحىزىدا ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، ۇگىتتەۋدىڭ ورلەۋى كوتەرىلدى جانە الدا تاعى دا تىڭ بەلەسكە كوتەرىلمەك. زوۋ يۋەبين بىلاي دەدى: شىحىزىنىڭ جاراسىمدىلىعى مەن ورنىقتىلىعى − قالىڭ قىزمەتشىلەردىڭ بۇقارانىڭ ەڭ زور باقىتى، شىحىزىنىڭ دامۋىنداعى ەڭ ۇلكەن ارتىقشىلىق. ورنىقتىلىقتى ارقاۋ ەتىپ، دامۋدى كوزدەۋ، دامۋ ارقىلى ورنىقتىلىقتى جەبەۋ قاجەت.

    ءبىز ج ك پ اۆتونوميالى رايوندىق 9 - قۇرىلتايىندا العا قويىلعان الداعى 5 جىلداعى كۇرەس نىساناسىن باتىل تياناقتاندىرىپ، قازىرگى دامۋ ورايىن ەسەلەپ قاستەرلەپ، ءداۋىردىڭ دامۋ اۋقىمى مەن شىحىزى قالاسىنىڭ ناقتى الار ورنىنا عىلمي تۇجىرىم جاساپ، «نەگىزگى جەلىنى مىقتاپ يگەرىپ»، ۇرىمجىگە قوسالقى ورتالىق قالا قۇرۋعا كۇشىمىزدى شوعىرلاندىرامىز. «تاۋى انىق، سۋى تۇنىق، قالاسى سۇلۋ، ورتاسى جاسىل» بولۋ ەرەكشەلىگىن كورنەكتىلەندىرىپ، شىحىزىنىڭ «ءبىر تاۋ، ەكى وزەن، ءۇش رايون، ءتورت سۋ، بەس جول» جاسىل ەكولوگيالىق جۇيەسىن بار كۇشپەن قالىپتاستىرامىز. قالانىڭ باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتىپ، ءار 10 مىڭ ادامعا بىردەن كورشىلەر ورتالىعى تۋرا كەلۋ تالابى بويىنشا، تۇرعىندارعا «ءبىر پۋنكتتىك» قىزمەت كورسەتىپ، «ءبىر قىستاققا ءبىر شارا» بەلگىلەپ، «قالاداعى قىستاقتاردىڭ» بەت - بەينەسىن تۇبەگەيلى وزگەرتەمىز.

    كاسىپ سالالارىنىڭ جەتەكشىلىك رولىن ساۋلەلەندىرىپ، قالا، ونەركاسىپ باقشاسى، پولك - الاڭداردىڭ توعىسپالى دامۋىن ءبىر تۇتاس جوبالاپ، قالانىڭ قوزعاۋشىلىق رولىن ساۋلەلەندىرىپ، توڭىرەكتەگى پولك - الاڭ، اۋىل - قالاشىقتارعا ىقپال ەتىپ، 1 - كاسىپتىڭ 2 - ، 3 - كاسىپتەرمەن ۇشتاسۋىن ىلگەرىلەتىپ، «ءبىر پولك، ءبىر ءونىم، ءبىر ەرەكشەلىك» تالابى بويىنشا وزگەشە شاعىن قالاشىقتار قۇرامىز. «جاسىل جەلەك جامىلعان قالا» تالابى بويىنشا، قىر كەلبەتىن كورنەكتىلەندىرىپ، اسكەري تىڭ يگەرۋ ەرەكشەلىگىن ساۋلەلەندىرىپ، قالانى تابيعاتپەن ەتەنە بايلانىستىرىپ، تۇرعىنداردىڭ جاسىل تاۋ، كوك وزەنگە كوز تويدىرىپ، اۋىلدى ەسكە ساقتاۋىنا مۇمكىندىك جاسايمىز.

    «ادامدى نەگىز ەتۋ» ۇستانىمى بويىنشا يدەيانى ونان سايىن ازات ەتىپ، ءداۋىر قادامىنا ءجىتى ىلەسىپ، قالانىڭ جۇمساق - قاتتى بولشەكتەر قۇرىلىسىن جەدەلدەتىپ، قالا فۋنكتسياسى ونان سايىن كەمەلدى، گۋمانيتارلىق ورتاسى ونان سايىن كوركەم، تارتىمدى دا جانعا جاقىن كورىكتى مەكەن قۇرۋعا قۇلشىنامىز. اسكەري تىڭ يگەرۋ مادەنيەتى مەن جاسىل، كوركەم بولۋ ەرەكشەلىگىن ساۋلەلەندىرىپ، «جاس قالاعا» مول ومىرشەڭدىك قۋات بەرەمىز. «ءبىر بەلدەۋ، ءبىر جول» قۇرىلىسىن باسشىلىققا الىپ، شىعىس پەن باتىسقا بىردەي ەسىك اشۋدى ىلگەرىلەتەمىز. «ءۇرىمجى - سانجى − شىحىزى» قالا شوعىرىنا بەلسەنە ات سالىسىپ، «شىحىزى - ساۋان - ماناس» جارتى ساعاتتىق ەكونوميكالىق شەڭبەرىن قالىپتاستىرۋعا كۇش سالىپ، قونىستانۋعا، كاسىپتەنۋگە، ساياحاتتاۋعا، ءبىلىم الۋعا ىڭعايلى وسى زامانعى قالانىڭ ىقپال ەتۋ، جەتەكتەۋ رولىن تولىق ساۋلەلەندىرىپ، ادام، زات، قارجىنى شىحىزىعا اعىلۋعا تارتىپ، جاڭاشىل، سايكەستى، جاسىل، اشىق، بىرگە يگىلىككە كەنەلەتىن شىحىزى قۇرىپ، تەبىندى، ءۇرتىس، تەڭ، قامتىمدى دامۋعا قوزعاۋشى كۇش ازىرلەپ، جاسىل، كورىكتى شىحىزى قۇرۋعا كۇش سالامىز.

    زوۋ يۋەبين مىنالاردى ءبىلدىردى: نىسانا ايقىندالدى، دابىل قاعىلدى، تەتىك ارەكەتتە. شىحىزى ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، دايەكتىلەندىرۋدى كەزەكتەگى ءتۇرلى قىزمەتپەن ۇشتاستىرىپ، ەكى جاعىن دا يگەرىپ، ەكى جاعىن دا جەبەپ، ۇيرەنۋ ناتيجەسىن شىحىزىنىڭ قوعام ورنىقتىلىعى مەن باياندى تىنىشتىعىن، ەكونوميكا مەن قوعامنىڭ باياندى، اقاۋسىز دامۋىن ىلگەرىلەتۋدىڭ شاراسى مەن قوزعاۋشى كۇشىنە، قىزمەتشىلەر مەن بۇقارانىڭ ءوندىرىس، تۇرمىستاعى كوكەي تەستى ماسەلەلەرىن شەشۋدىڭ تىڭ جەتىستىگىنە، جۇمىس ستيلىنە بۇرىلىس جاساۋدىڭ جاڭا ناتيجەلەرىنە اينالدىرىپ، پارتيا 91 - قۇرىلتايىنىڭ اشىلۋىن ۇزدىك تابىستارمەن قارسى الامىز.

جاۋاپتى رەداكتور:سايراش تۇرارجان قىزى