اۆتونوميالى رايوننىڭ ۇگىت - لەكسيا ۇيىرمەسى تۇرپان قالاسىندا، اقتاۋ اۋدانىندا ۇگىت - لەكسيا جاسادى

    اۆتونوميالى رايوننىڭ «پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، دايەكتىلەندىرۋ» جونىندەگى ۇلگى كورسەتۋ ۇگىت - لەكسيا ۇيىرمەسىنىڭ مۇشەلەرى تۇرپان قالاسىندا جانە اقتاۋ اۋدانىندا نەگىزگى تاقىرىپتا ۇگىت - لەكسيا جاسادى.

    اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى حى پيڭ، اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار ءتوراعاسى ابدىرەيىم حالىق جەكە - جەكە حانزۋ، ۇيعۇر تىلدەرىندە تۇرپان قالاسىندا ۇگىت - لەكسيا جاسادى. اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى مۇشەسى ءادىل ءالي، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، شينجياڭ اكىمشىلىك ينستيتۋتىنىڭ ورىنباسار باستىعى ديڭ شوۋچيڭ جەكە - جەكە ۇيعۇر جانە حانزۋ تىلدەرىندە اقتاۋ اۋدانىندا نەگىزگى تاقىرىپتا ۇگىت - لەكسيا جاسادى.

    ۇگىت - لەكسيا ۇيىرمەسىنىڭ مۇشەلەرى پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ كەلەلى ءمانى، پارتيانى جاپپاي، قاتاڭ جونگە سالۋدى بۇلجىماي ىلگەرىلەتۋ، پارتيانىڭ ىشكى ساياسي تۇرمىسىن جاپپاي كۇشەيتۋ جانە جۇيەگە ءتۇسىرۋ، «ولشەمنىڭ»، «ەرەجەنىڭ» نەگىزگى تالابىن دايەكتى تياناقتاندىرۋ جونىندە تەرەڭ تۇسىنىك جاسادى؛ ج ك پ اۆتونوميالى رايوندىق 9 - قۇرىلتايىندا العا قويىلعان الداعى 5 جىلداعى جەتەكشى يدەياعا، قىزمەت تالابىنا، كۇرەس نىساناسىنا تەرەڭ تالداۋ جاسادى.

    ۇگىت - لەكسيانى تىڭداعاننان كەيىن جۇرت قىزۋ اڭىس ءبىلدىردى. كوپشىلىك ەكى ءماجىلىس رۋحىن ۇيرەنۋدى، دايەكتىلەندىرۋدى شينجياڭنىڭ قۇرىلىسىن جەبەۋدىڭ قۇدىرەتتى قوزعاۋشى كۇشىنە اينالدىرىپ، قىزمەت تاسىلىنە ۇزبەي ىزدەنىس جاساپ جانە وعان جاڭالىق ەنگىزىپ، قىزمەتتەردى اناعۇرلىم ويداعىداي تياناقتاندىراتىنىن ءبىلدىردى.

    تۇرپان قالالىق ءتارتىپ تەكسەرۋ كوميتەتىنىڭ ورىنباسار باستىعى بان شياۋفىڭ بىلاي دەدى: لەكسيانى تىڭداۋ ارقىلى «ولشەم»، «ەرەجە»، سونداي - اق ج ك پ اۆتونوميالى رايوندىق 9 - قۇرىلتايىنىڭ رۋحى جونىندە ءتىپتى دە جان - جاقتى، جۇيەلى تانىمعا يە بولدىم. ەكى ءماجىلىس رۋحىن ساناعا ۇيالاتىپ، نازاريامەن قارۋلانىپ، امالياتقا جەتەكشىلىك ەتۋ ارقىلى قىزمەتتى ىلگەرىلەتەمىز.

    «لەكسيانى تىڭداپ زور شابىت الدىم.ءماجىلىس رۋحى جونىندە تانىمىم تەرەڭدەي ءتۇستى. الدا قىستاقتا تۇرۋ قىزمەتىندە ءتىپتى دە يكەمدى ءتاسىلدى قولدانىپ، ءار ۇلت بۇقاراسىنا ەكى ءماجىلىس رۋحىن جانە پارتيانىڭ حالىققا تيىمدىلىك ساياساتتارىن ۇگىتتەيمىن»، - دەدى اقتاۋ اۋدانى اقتاۋ قالاشىعى مۇزتاۋ جولى الەۋمەتتىك اۋماعى قىزمەت اترەتىنىڭ مۇشەسى جوۋ جۇن.

جاۋاپتى رەداكتور:سايراش تۇرارجان قىزى