اۆتونوميالى رايوننىڭ ۇگىت - لەكسيا ۇيىرمەسى نيە اۋدانىندا ۇگىت - لەكسيا جاسادى

    اۆتونوميالى رايوننىڭ «پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، ۇگىتتەۋ» جونىندەگى ۇلگى كورسەتۋ ۇگىت - لەكسيا ۇيىرمەسىنىڭ مۇشەلەرى 27 - قاراشادا نيە اۋدانىندا ۇگىت - لەكسيا قيمىلىن ورىستەتتى. شينجياڭ قوعامدىق عىلىمدار اكادەمياسىنىڭ باستىعى گاۋ جيانلۇڭ مەن اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى جەلىل ناسىر جەكە - جەكە حانزۋ، ۇيعۇر تىلدەرىندە ۇگىت - لەكسيا جاسادى.

    ۇگىت - لەكسيا ۇيىرمەسىنىڭ مۇشەلەرى پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ كەلەلى ءمانى، پارتيانى جاپپاي، قاتاڭ جونگە سالۋ سىندى جاقتاردان پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ءتۇسىندىردى؛ ورتالىقتىڭ شينجياڭدى جونگە سالۋ جالپى جوباسى مەن شينجياڭ قىزمەتىنىڭ باس نىساناسىن ارقاۋ ەتە وتىرىپ، ج ك پ اۆتونوميالى رايوندىق 9 - قۇرىلتايىنىڭ نەگىزگى تاقىرىبىن، شينجياڭ قىزمەتىنىڭ الداعى 5 جىلداعى جەتەكشى يدەياسىن، نەگىزگى تالابىن، باستى نىساناسى مەن كەلەلى شاراسىن ىشكەرىلەي ءتۇسىندىردى، سونداي - اق الداعى جەردە پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايىنىڭ رۋحىن ويداعىداي ۇيرەنۋ، ۇگىتتەۋ، تياناقتاندىرۋ جونىندە تەرەڭ بايىم جاسادى.

    ۇگىت - لەكسيا ۇيىرمەسىنىڭ مۇشەلەرى قاراپايىم، ۇعىنىقتى ءتىل جانە كوپ مىسالدار كەلتىرۋ ارقىلى كوپشىلىككە پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايىنىڭ رۋحىن جاندى دا وبرازدى تۇردە جەتكىزگەندە، لەكسيانى تىڭداپ وتىرعان كورەرمەندەر ءالسىن - ءالى شاپالاق سوقتى؛ قالىڭ پارتيا مۇشەلەرى مەن كادرلار لەكسيانى دەن قويا تىڭداپ، تارتىمدى مازمۇندارىن ەستەلىككە الدى.

    نەگىزگى ساتىدا 17 جىل بويى ۇگىت - لەكسيا جاساعان نيە اۋدانى نيە اۋىلى حالچە قىستاعى ايەلدەر بىرلەستىگىنىڭ مەڭگەرۋشىسى تۇحان سىراجدىن: ج ك پ اۆتونوميالى رايوندىق 9 - قۇرىلتايىندا بەلگىلەنگەن 9 ءتۇرلى حالىققا تيىمدىلىك جاساۋ ينجەنەرياسىن قىستاق تۇرعىندارىنا تىڭعىلىقتى ۇگىتتەپ، قىستاق تۇرعىندارىنىڭ پارتيانىڭ قامقورلىعىن شىنايى سەزىنۋىنە مۇمكىندىك جاسايمىن، - دەدى.

جاۋاپتى رەداكتور:نۇرجان مينۋار قىزى