اۆتونوميالى رايوننىڭ ۇگىت - لەكسيا ۇيىرمەسى رايونىمىزدىڭ جەر - جەرىندە لەكسيا جاسادى

    ماقسات قيزات ۇلى حابارلايدى. اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا اۆتونوميالى رايوننىڭ پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايى رۋحىن ۇيرەنۋ، دايەكتىلەندىرۋ ۇگىت - لەكسيا ۇيىرمەسى 22 - قاراشا ءدوربىلجىن اۋدانىندا حانزۋشا، قازاقشا ەكى تىلدە لەكسيا جاسادى.

    ۇگىت - لەكسيا ۇيىرمەسىنىڭ جاۋاپتىسى، اۆتونوميالى رايوندىق پارتيا مەكتەبىنىڭ ورىنباسار باستىعى، پروفەسسور حى پيڭ، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى قىزىركەلدى ءابدىراحمان ۇلى جەكە - جەكە لەكسيا جاسادى.

    ۇگىت - لەكسيا جيىنىنا اۋداننىڭ ءتورت باسشىلىق القاسىنىڭ باسشىلارى، اۋىل - قالاشىق، فەرمالاردىڭ جاۋاپتىلارى، نەگىزگى ساتى قىزمەت گرۋپپاسىنىڭ كادرلارى بولىپ، جيىنى 850 ادام قاتىناستى.

    پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايى رۋحىن ۇيرەنۋ، دايەكتىلەندىرۋ تۋراسىندا قىزىركەلدى جان - جاقتى، جۇيەلى، تەرەڭ بايىمداۋ جاسادى. ول پارتيانىڭ ىشكى ساياسي تۇرمىسىن كۇشەيتۋ مەن ارناعا ءتۇسىرۋدىڭ نەگىزگى تالاپتارى جونىندە ءسوز قوزعاعاندا مىناداي بىرنەشە جاقتى مىقتى يگەرۋدى دارىپتەدى: ءبىرىنشى، يدەيالىق تاربيە سىندى ءتۇپ تياناقتى مىقتى يگەرۋ. ەكىنشى، ءتارتىپ سىندى شەشۋشى تەتىكتى مىقتى يگەرۋ. ءۇشىنشى، كادر تاڭداۋ، كادر ىستەتۋ سىندى جەتەكشى باعىتتى مىقتى يگەرۋ. ءتورتىنشى، ۇيىمدىق تۇرمىس سىندى ۇدايىلىق ءتاسىلدى ويداعىداي پايدالانۋ. بەسىنشى، مۇراگەرلىك ەتۋ مەن جاڭالىق اشۋ سىندى ەكى شەشۋشى بۋىندى مىقتى يگەرۋ.

    لەكسيانىڭ تاقىرىبى ايقىن، مازمۇنى باي، جان - جاقتى بولىپ، پارتيا 18 - كەزەكتى ورتالىق كوميتەتى التىنشى جالپى ءماجىلىسى مەن ج ك پ اۆتونوميالى رايوندىق 9 - قۇرىلتايى رۋحىن تەرەڭدەي ءتۇسىنۋ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن، پارتيانىڭ ىشكى ساياسي تۇرمىس ولشەمدەرى مەن پارتيا ىشىندەگى باقىلاۋ ەرەجەسىن ۇيرەنۋ جونىنەن ماڭىزدى ءبىر پىسىقتاۋ ساباعى بولدى. لەكسيا تىڭداۋشىلار بۇل لەكسيادان وراسان زور تاربيە، شابىت الدى.

    «پارتيا ىشىندەگى باقىلاۋدى كۇشەيتۋ − ماركستىك ساياسي پارتيانىڭ دايەكتى تالابى، پارتيانىڭ اقاۋسىزدىعىن ساقتاۋدىڭ تىرشىلىك كوزى. پارتيا ىشىندەگى باقىلاۋدىڭ ءونىمى بولماسا، باسقا باقىلاۋ دا تابيعي ونىمدىلىگىن جويادى. پارتيا ىشىندەگى باقىلاۋ ارقىلى باسقا باقىلاۋدى جەتەكتەگەندە، باقىلاۋ جۇيەسىن كەمەلدەندىرگەندە عانا، پارتيانى جاپپاي قاتاڭ جونگە سالۋعا ءتۇزىم جاعىنان پارمەندى كەپىلدىك ەتۋگە بولادى»، - دەدى قىزىركەلدى ءابدىراحمان ۇلى لەكسيا سوڭىندا.

جاۋاپتى رەداكتور:سايراش تۇرارجان قىزى