ءتارتىپتى قاتاڭ اتقارىپ، ونى پارتيانى باسقارۋ، جونگە سالۋدىڭ ولشەمى ەتەيىك

    − ج ك پ اۆتونوميالى رايوندىق 9 - قۇرىلتايىنىڭ رۋحىن ناقتاپ تياناقتاندىرۋعا تەمىردەي تارتىپپەن كەپىلدىك ەتۋ جونىندە (2)

    ج ك پ اۆتونوميالى رايوندىق 9 - قۇرىلتايىنىڭ جەڭىسپەن اشىلۋى قوعام ورنىقتىلىعى مەن باياندى تىنىشتىق باس نىساناسىن ارقاۋ ەتكەن شينجياڭ قىزمەتىنىڭ جاڭا تاريحي بەلەسكە كوتەرىلگەنىن كورسەتەدى. جاڭا ساپار، جاڭا مىندەتتەر پارتيا قۇرىلىسىن كۇشەيتىپ جانە جاقسارتىپ، پارتيانى جاپپاي، قاتاڭ جونگە سالۋدى تاباندىلىقپەن ىلگەرىلەتىپ، باقىلاۋدى، ءتارتىپتىڭ اتقارىلۋىن جانە جاۋاپقا تارتۋدى كۇشەيتىپ، پارتيانىڭ شينجياڭداعى بيلىك نەگىزىن بەكەمدەپ، ج ك پ اۆتونوميالى رايوندىق 9 - قۇرىلتايىندا جاسالعان ماڭىزدى شەشىم مەن ستراتەگيالىق ورنالاستىرۋدىڭ جاپپاي تياناقتانۋىنا مىزعىماس ساياسي كەپىل ازىرلەۋدى قاجەت ەتەدى.

    جۇڭگونىڭ ىستەرىن جاقسى ىستەۋدىڭ كىلتى − پارتيادا، پارتيانى پارتيا باسقارىپ، پارتيانى قاتاڭ جونگە سالۋدا. پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە «ءتارتىپتىڭ قاتاڭدىعى − بۇكىل پارتيانىڭ ەرىك - جىگەر مەن ءىس - ارەكەتتى بىرلىككە كەلتىرىپ، ءبىرىڭعاي قاداممەن العا باسۋىنىڭ ماڭىزدى كەپىلى» دەپ باسا دارىپتەلىپ، «پارتيانى تەمىردەي تارتىپپەن قاتاڭ جونگە سالۋ»، «بارلىق ادامنىڭ ءتارتىپ الدىنداعى تەڭدىگىنە تاباندى بولۋ» قايتالاي قاداپ ايتىلىپ، «پارتيانىڭ ءار دارەجەلى ۇيىمدارى ساياسي ءتارتىپ پەن ساياسي قاعيدالاردى اتقارۋ، قورعاۋ جاۋاپكەرشىلىگىن، ءسوز جوق، ارقالاۋى كەرەك» دەپ اتاپ كورسەتىلدى، بۇل اۆتونوميالى رايونداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارىنان ءتارتىپتى، ءسوز جوق، قاتاڭ اتقارىپ، ونى پارتيانى باسقارۋ، پارتيانى جونگە سالۋدىڭ ولشەمى، اتتاۋعا بولماس «الا ءجىبى» ەتىپ، پارتيانىڭ شينجياڭدى جونگە سالۋ جالپى جوباسى مەن اۆتونوميالى رايوندىق پارتكومنىڭ شەشىم - ورنالاستىرۋلارىنىڭ تامىر تارتىپ، جەمىس بەرۋىنە تەمىردەي قاتاڭ تارتىپپەن كەپىلدىك ەتۋدى تالاپ ەتەدى.

    ءتارتىپتى قاتاڭ اتقارىپ، پارتيانىڭ ەرەجە - تارتىپتەرىنىڭ مارتەبەسىن كوتەرۋ كەرەك. پارتيا ۋستاۆى، پارتيا ەرەجەسى، پارتيا ءتارتىبى تۋرالى ۇنەمى تاربيە جۇرگىزىپ، پارتيالى كادرلاردى مۇرات - سەنىمدى بەكەمدەپ، پارتيا ۋستاۆىن ۇلىقتاپ، پارتيانىڭ ەرەجەسى مەن تارتىپتەرىنە بۇلجىتپاي بويسۇناتىن يدەيالىق سانالىلىق پەن ارەكەت سانالىلىعىن قالىپتاستىرۋعا بەلسەندى تۇردە جەتەكتەۋ كەرەك. ءتارتىپتى قاتاڭ اتقارۋدى ءتىپتى كورنەكتى ورىنعا قويىپ، پارتيالى كادرلاردىڭ ءىس - ارەكەتىن ءتارتىپتىڭ تەزىنە سالىپ، تارتىپكە قايشى ارەكەتتەردى باتىل تۇزەتىپ، تەكسەرىپ، ءبىر جاقتى ەتۋ قاجەت. باقىلاۋ مەن ءتارتىپتى اتقارۋدىڭ «4 ءتۇرلى فورماتسياسىن» بەلسەندى تۇردە امالياتتان وتكىزىپ، ارىز - ارمان مەن اشكەرەلەۋ ماتەريالدارىنا ەلەۋسىز قاراماۋعا، ءتارتىپتى قاداعالاۋدا سولقىلداقتىق ىستەمەۋگە، شاعىمداردى قايتا قاراۋدا بۇلتاققا سالماۋعا تاباندى بولىپ، جۇمساقتىق پەن قاتالدىقتى ۇشتاستىرۋ، جاقسىنى وبالدى ەتپەۋ، جاماندى ىرقىنا جىبەرمەۋ كەرەك.

    ءتارتىپتى قاتاڭ اتقارىپ، ساياسي ءتارتىپ پەن ساياسي قاعيدالاردى قاتايتۋ كەرەك. «4 تانىمدى»، وتە - موتە، ۇيتقى تانىمى مەن ساپ تۇزەۋ تانىمىن بەرىك ورناتۋ، قاي - قاشان دا پارتيا ورتالىق كوميتەتىنە، پارتيانىڭ نازارياسى مەن لۋشيان، باعىت - ساياساتتارىنا، پارتيا ورتالىق كوميتەتىنىڭ شەشىم - ورنالاستىرۋلارىنا قاراپ ساپ تۇزەپ، يدەيادا، ساياسيدا، ارەكەتتە پارتيا ورتالىق كوميتەتىمەن ايرىقشا ءبىر اۋىزدى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن تاباندى، باتىل قورعاۋ كەرەك. بولشەكتەۋشىلىككە قارسى كۇرەستىڭ ءتارتىبىن قاتايتىپ، بولشەكتەۋشىلىككە قارسى كۇرەستە ەكى جاقتىلىق جاساعان، «ەكىبەتكەيلىك» ىستەگەن، ءتىپتى، بولشەكتەۋشىلەرمەن اۋىز جالاسىپ، ىمى - جىمى ءبىر بولعانداردى بايقالعان ساتتە قاتاڭ جازاعا تارتۋ، ولارعا ەش اياۋشىلىق جاساماۋ كەرەك. پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىنىڭ تياناقتانۋ جاعدايىنا باقىلاۋ - تەكسەرۋدى ءتۇيىندى تۇردە كۇشەيتىپ، ج ك پ اۆتونوميالى رايوندىق 9 - قۇرىلتايىنىڭ رۋحى مەن اۆتونوميالى رايوندىق پارتكومنىڭ ءبىر قاتار ورنالاستىرۋىنىڭ تياناقتانۋ جاعدايىنا باقىلاۋ - تەكسەرۋدى كۇشەيتىپ، الا جىپتەن اتتاعانداردى ەرەجە - ءتارتىپ بويىنشا قاتاڭ تەكسەرىپ، جازالاۋ كەرەك.

    ءتارتىپتى قاتاڭ اتقارىپ، ستيل دۇرىستاۋ، جەمقورلىققا قارسى تۇرۋ ءىسىن ۇزدىكسىز ورىستەتۋ كەرەك. شينجياڭ بولشەكتەۋشىلىككە قارسى كۇرەستىڭ ءبىرىنشى شەبىندە تۇرعانىمەن، لاڭكەستىككە قارسى تۇرىپ، ورنىقتىلىقتى قورعاۋ مىندەتى توتەنشە اۋىر بولعانىمەن، پارتيانى جاپپاي، قاتاڭ جونگە سالۋ جانە جەمقورلىققا قارسى كۇرەسۋ ماسەلەسىندە ەشقانداي وزگەشەلىگى جوق دەگەن يدەيانى بەرىك ورناتىپ، جەمقورلىققا قارسى كۇرەستىڭ جاعدايى ءالى اۋىر، كۇردەلى ەكەندىگىن جىعا تانىپ، باتىل بايلام، پارمەندى شارالار ارقىلى جەمقورلىقتا «ەرەكشە ءوڭىر»، جەمقورلىقپەن كۇرەستە «تيىم سالىنعان ءوڭىر» جوق ەكەندىگىنە تاباندى بولىپ، تەگەۋرىندى كۇيدى بوساڭسىتپاي، «جولبارىس» پەن «شىبىندى» قاتار سوعىپ، قورعاۋعا الماۋ، تولىق قامتۋ، «نولدىك توزىمدىلىك» كورسەتۋ تالاپتارىن ورىنداپ، جەمقورلىقتىڭ ەتەك جايۋىنا باتىل شەكتەۋ قويۋ كەرەك. «ءتورت ءتۇرلى بۇرىس ستيلدى» تاباندىلىقپەن جونگە سالىپ، كادرلار ستيلىنىڭ تۇرلاۋلى بولماۋى، ساياساتتاردىڭ قۇر ساۋلەتكە اينالۋى، قىزمەتتەردىڭ ناقتى تياناقتانباۋى سياقتى ماسەلەلەرگە نازار اۋدارىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، كەشەندى شارا قولدانىپ، جاقسى ستيل، جاقسى ءۇردىس قالىپتاستىرۋ قاجەت. ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى بەلگىلەمەسىنىڭ» تياناقتانۋىن ۇزدىكسىز تۇردە ويداعىداي يگەرىپ، ولشەمدى تومەندەتپەۋگە، تالاپتى جەڭىلدەتپەۋگە، شارانى بوساڭسىتپاۋعا، اۋقىمدى السىرەتپەۋگە تاباندى بولىپ، «ءتورت ءتۇرلى بۇرىس ستيل» ماسەلەسىنىڭ باس كوتەرۋىنەن، قۇبىلۋىنان، قايتالانۋىنان باتىل ساقتانۋ كەرەك.

    ءتارتىپتىڭ جانى − ونىڭ ورىندالۋىندا. ءتارتىپ قانشا قاتاڭ بولعانىمەن، ورىندالماسا قۇر ءسوز بولماق؛ جۇيە قانشا كەمەلدى بولعانىمەن، اتقارىلماسا قۇر ساۋلەت بولماق. ورتالىق كوميتەت پەن اۆتونوميالى رايوندىق پارتكومنىڭ تالاپتارى بويىنشا، پارتيانى جاپپاي، قاتاڭ جونگە سالۋدى بۇلجىماستان ىلگەرىلەتىپ، پارتيا ستيلى، پاكتىك قۇرىلىسىن جانە جەمقورلىققا قارسى تۇرۋ كۇرەسىن تۋىمىز ايقىن تۇردە كۇشەيتىپ، پارتيانىڭ ءتۇرلى ءتارتىبى مەن قاعيدالارىن قاتاڭ اتقارىپ، تارتىپكە، ەرەجەگە قايشى ارەكەتتەر مەن جايتتەردى قاتاڭ تەكسەرىپ، ءبىر جاقتى ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا بەلسەندى ۇلەس قوسايىق!

جاۋاپتى رەداكتور:سايراش تۇرارجان قىزى