پارتيا قۇرىلىسىن شىن مانىندە كۇشەيتىپ جانە جاقسارتىپ، قۇدىرەتتى ساياسي كەپىلمەن قامداۋعا قۇلشىنايىق

    − ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (11)

    شينجياڭ قىزمەتىن جاقسى ىستەۋدىڭ تەتىگى − پارتيادا. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، پارتيا قۇرىلىسىن كۇشەيتۋ جانە جاقسارتۋ − ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ، ورتاق تانىمدى شوعىرلاندىرىپ، بىرىككەن كۇش قالىپتاستىرۋدىڭ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ءتۇيىنى.

    جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليزم ءتۇزىمىنىڭ ەڭ ۇلكەن ابزالدىلىعى − جۇڭگو كوممۋنيستىك پارتياسىنىڭ باسشىلىعى. پارتيانىڭ باسشىلىعىنا تاباندى بولۋ جانە ونى كەمەلدەندىرۋ − پارتيا مەن مەملەكەتتىڭ ءتۇبىرلى نەگىزىنە، جان تامىرىنا، بۇكىل ەلدەگى ءار ۇلت حالقىنىڭ مۇددەسىنە، باقىت - بايلىعىنا بارىپ سايادى. شينجياڭ ءدوپ كەلىپ وتىرعان كورنەكتى ماسەلەلەردى شەشۋدە، ءسوز جوق، پارتيانىڭ جالپى جاعدايدى تەگىس مەڭگەرۋ، ءار جاقتى سايكەستىرۋ باسشىلىق، ۇيتقىلىق رولىن تولىق ساۋلەلەندىرۋ كەرەك. پارتيا قۇرىلىسىن تىڭعىلىقتى يگەرۋ ەڭ ۇلكەن ساياسي ناتيجە دەيتىن يدەيانى ورناتىپ، پارتيانى پارتيا باسقارۋعا، پارتيانى جاپپاي، قاتاڭ جونگە سالۋعا تاباندى بولىپ، پارتيانىڭ شينجياڭداعى بيلىك نەگىزىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنا قۋاتتى ساياسي كەپىل ازىرلەۋ كەرەك.

    پارتيا قۇرىلىسىن تىڭعىلىقتى يگەرۋدى ەڭ ۇلكەن ساياسي ناتيجەگە بالاۋدان جازباي، پارتيانى پارتيا باسقارۋعا، پارتيانى جاپپاي، قاتاڭ جونگە سالۋعا تاباندى بولۋ كەرەك. پارتيانىڭ ىشكى ساياسي تۇرمىسىن قاتايتۋ − پارتيامىزدىڭ تاڭداۋلى ءداستۇرى جانە ساياسي ابزالدىلىعى، سونداي - اق پارتيانى جاپپاي، قاتاڭ جونگە سالۋدىڭ نەگىزى، پارتيا ىشىندەگى باقىلاۋ − پارتيا قۇرىلىسىنىڭ ماڭىزدى مازمۇنى، سونداي - اق پارتيانى جاپپاي، قاتاڭ جونگە سالۋدىڭ ماڭىزدى كەپىلى؛ پارتيانىڭ ىشكى ساياسي تۇرمىسىن شىن مانىندە كۇشەيتۋ جانە ارناعا ءتۇسىرۋ، پارتيا ىشىندەگى باقىلاۋدى شىن مانىندە كۇشەيتۋ − جاڭا جاعدايداعى پارتيا قۇرىلىسىن كۇشەيتۋدىڭ ماڭىزدى تاقىرىبى، ءبىز ونى، ءسوز جوق، پارتيانى جاپپاي، قاتاڭ جونگە سالۋدى العا ىلگەرىلەتۋدىڭ ماڭىزدى ءتۇيىنى رەتىندە تياناقتاندىرۋىمىز كەرەك. سونىمەن بىرگە، بولشەكتەۋشىلىككە قارسى تۇرۋ كۇرەسىنە بولعان ءتارتىپتى شىنايى قاتايتۋ، بولشەكتەۋشىلىككە قارسى تۇرۋ كۇرەسى سىندى كەلەلى پرينسيپتىك ماسەلەدە وي - سانانى باستان - اياق سەرگەك ۇستاپ، قاي - قاشان دا تۋى ايقىن، مايدانى بەرىك، تانىمى بىرلىككە كەلگەن، ءىشى - سىرتى بىردەي، پوزيتسياسى باتىل، قادامى تەگىس بولۋ كەرەك؛ پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن شىن مانىندە كۇشەيتىپ، جەمقورلىققا باتىلدىق ەتە المايتىن، جەمقورلىققا سۇقتانبايتىن، جەمقورلىق ىستەۋدى ويلامايتىن ءتۇزىلىس - مەحانيزمىن كۇش سالا قۇرۋ كەرەك؛ ستيل قۇرىلىسىن شىن مانىندە كۇشەيتۋ، قىزمەت ورنىن شەپ، قىزمەتتى كاسىپ، ۇلەس قوسۋدى بورىش دەپ ءبىلىپ، بۇكىل ىنتا - پەيىلىمەن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ سىندى ۇلى امالياتقا ارالاسۋى كەرەك.

    باسشىلىق القاسى مەن كادرلار قوسىنى قۇرىلىسىن شىن مانىندە كۇشەيتۋ، كادرلار قوسىنىنىڭ ساپاسىن ۇزدىكسىز جوعارىلاتۋ كەرەك. قالىڭ كادرلاردىڭ، پارتيا مۇشەلەرىنىڭ ساياسي، كاسىپتىك ساپاسىنىڭ، پارتيالىلىق تاربيەسىنىڭ قانداي بولۋى ج ك پ اۆتونوميالى رايوندىق 9 - قۇرىلتايى بەلگىلەگەن ءتۇرلى نىسانالاردىڭ، مىندەتتەردىڭ دەر كەزىندە ورىندالۋ - ورىندالماۋىنا تىكەلەي ىقپال جاسايدى، قوعام ورنىقتىلىعى مەن باياندى تىنىشتىقتىڭ اياق الىسىنا تىكەلەي بارىپ سايادى. ولشەمدى قاتايتىپ، باعداردى ويداعىداي بەلگىلەپ، سەنىمى مىزعىماس، ۇستانىمىنان جازبايتىن، ءتارتىبى تەمىردەي قاتاڭ، جاۋاپكەرلىكتى باتىلدىقپەن ارقالايتىن كادرلار قوسىنىن قۇلشىنا تاربيەلەۋ جانە تۇلعالاۋ كەرەك. پارتيانىڭ كادرلار ساياساتىن جاپپاي تياناقتاندىرىپ، كادرلار قوسىنى قۇرىلىمىن ساپالىلاندىرىپ، ءار دارەجەلى باسشىلىق القا قۇرىلىمىنىڭ ۇيلەسىمدى سەپتەلۋىن جۇزەگە اسىرۋ كەرەك. دارىندىلارعا ءمان بەرىپ، ءتۇيىندى دارىندىلار ينجەنەرياسىن اتقارىپ، ءتۇرلى دارىندىلاردىڭ ناقتى ءىس ىستەپ، شارۋاشىلىق قۇرۋىنا تەكشە ازىرلەپ، قامتاماسىز ەتىپ، دارىندىلاردى تاني بىلەتىن، دارىندىلاردى ايالايتىن، اركىم ءوز دارىنىن تولىق تانىتاتىن، اركىم ءوز دارىنىن تولىق، دەر كەزىندە ايگىلەيتىن جاندى دا جالىندى جاعداي قالىپتاستىرۋ كەرەك.

    نەگىزگى ساتى ۇيىمدارى مەن نەگىزگى ساتىنىڭ بيلىك قۇرىلىسىن شىنايى كۇشەيتۋ، پارتيانىڭ نەگىزگى ساتىداعى جاۋىنگەر قامالىن بەكەمدەۋ كەرەك. نەگىزگى ساتى پارتيا ۇيىمى − پارتيانىڭ بارلىق قىزمەتى مەن جاۋىنگەرلىك قۋاتىنىڭ نەگىزى، پارتيانىڭ لۋشيانىن، باعىتىن، ساياساتىن دايەكتى تياناقتاندىرۋدىڭ، شينجياڭنىڭ قوعام ورنىقتىلىعى مەن باياندى تىنىشتىعىن العا ىلگەرىلەتۋدىڭ ماڭىزدى جاۋىنگەر قامالى. قازىر شينجياڭنىڭ ورنىقتىلىق پەن دامۋداعى ەكى «ءۇش مەزگىلى قاباتتاسقان» ەرەكشە جاعداي جانە قوعام ورنىقتىلىعى مەن باياندى تىنىشتىقتى جۇزەگە اسىرۋ باس نىساناسى الدىندا ءبىز، ءسوز جوق، نەگىزگى ساتىنى مىقتى يگەرىپ، بەرىك نەگىز قالاۋدى ۇزاق بولاشاقتىق جوسپارعا جانە نەگىزدى بەكەمدەۋ شاراسىنا بالاۋىمىز، تيتتەي دە بوساڭسىتپاۋىمىز كەرەك. اۋىل مەن قالاشىقتىڭ پارتيا، ۇكىمەت باسشىلىق القاسىن جانە قىستاق دارەجەلى ۇيىمداردىڭ باستاماشىلارىن جاقسى تاڭداۋ، كۇشەيتۋ، نەگىزگى ساتى پارتيا ۇيىمىنىڭ بۇقارامەن بايلانىس ورناتۋ، بۇقاراعا قىزمەت وتەۋ جاعىنداعى رولىن شىن مانىندە ويداعىداي ساۋلەلەندىرۋ كەرەك. نەگىزگى ساتى ۇيىمىنىڭ قامتۋ اياسىن كەڭەيتۋ، پارتيا مۇشەلەرىنىڭ قوسىنىن دامىتۋ، زورايتۋ، پارتيا ۇيىمىن ءاربىر قوعامدىق باسقارۋ كلەتكاسىندا قۇرىپ، پارتيا قىزمەتىمەن جالپى بەتتىك قامتۋدى جۇزەگە اسىرىپ، پارتيانىڭ نەگىزگى ساتى ۇيىمى مەن پارتيا مۇشەلەرى قوسىنىنىڭ ومىرشەڭدىك كۇشى مەن جاندى كۇشىن نىعايتۋىنا مۇمكىندىك جاساۋ كەرەك.

    بۇگىن ءبىزدىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ سەنىمىمىز ءارقانداي كەزدەگىدەن دە بەكەم، بۇكىل اۆتونوميالى رايونداعى ءار ۇلت حالقىن باستاپ اناعۇرلىم باقىتتى تۇرمىسقا كەنەلدىرۋ قابىلەت - قارىمىمىز دا اناعۇرلىم قاپتال. بۇكىل اۆتونوميالى رايونداعى ءار دارەجەلى پارتيا ۇيىمى مەن قالىڭ پارتيا مۇشەلەرى، كادرلار اۋەلگى ماقساتتى ۇمىتپاي، ۇزدىكسىز العا تارتۋى، «4 تانىمدى» بەرىك ورناتىپ، پارتيا قۇرىلىسىن تىنباي كۇشەيتىپ جانە جاقسارتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالىق الاڭسىز تىرشىلىك ەتەتىن سوتسياليستىك شينجياڭ قۇرۋ ءۇشىن قاجىماي - تالماي كۇرەس جۇرگىزۋى كەرەك.

جاۋاپتى رەداكتور:سايراش تۇرارجان قىزى