دەموكراتيا، زاڭمەن جونگە سالۋ قۇرىلىسىن شىنايى كۇشەيتىپ، ءار ۇلت حالقىنىڭ ۇقىعىن تولىق قامتاماسىز ەتەيىك

    − ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (8)

    «قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، دەموكراتيا، زاڭمەن جونگە سالۋ قۇرىلىسىن كۇشەيتۋ كەرەك». ج ك پ اۆتونوميالى رايوندىق 9 - قۇرىلتايىنىڭ وسى تالاپتى العا قويۋى اۆتونوميالى رايوندىق پارتكومنىڭ دەموكراتيا، زاڭمەن جونگە سالۋ قۇرىلىسىن كۇشەيتۋ جونىندەگى بەكىمى مەن سەنىمىن ايگىلەپ، حالىق جۇرتشىلىعىنىڭ ورتاق تىلەگىن بەينەلەدى، بۇل تالاپ ءبىزدىڭ شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋعا بەرىك نەگىز قالاپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتىپ، جاپپاي دوڭگەلەك داۋلەتتى قوعام قۇرۋداعى شەكسىز كومەسكى قۋاتىمىزدى تاسقىنداتادى.

    حالىق دەموكراتياسى − پارتيامىزدىڭ باستان - اياق بيىك ۇستاپ كەلگەن شۇعىلالى تۋى، زاڭمەن جونگە سالۋ − ەل باسقارىپ، بيلىك جۇرگىزۋدىڭ نەگىزگى جولى. حالىق دەموكراتياسىن دامىتۋدا، ءسوز جوق، مەملەكەتتى زاڭمەن جونگە سالۋعا، نەگىزگى زاڭ مەن زاڭداردىڭ بەدەلىن قورعاۋعا تاباندى بولىپ، دەموكراتيانىڭ تۇزىمدەنۋىنە، زاڭدانۋىنا مۇمكىندىك جاساۋ كەرەك. پارتيا 18 - قۇرىلتايىنان بەرى، باس شۋجي شي جينپيڭ سوتسياليستىك دەموكراتيالىق ساياسي جانە مەملەكەتتى زاڭمەن جونگە سالۋ قىزمەتىن توڭىرەكتەي وتىرىپ، باي مازمۇندى، ويى تەرەڭ ءبىر قىدىرۋ ماڭىزدى سوزدەر سويلەدى. شينجياڭنىڭ ستراتەگيالىق ورنى ەرەكشە، ءدوپ كەلگەن ماسەلەلەرى دە ەرەكشە، شينجياڭ قىزمەتىن ويداعىداي ىستەۋدىڭ ءمانى ەرەكشە بولعاندىقتان، دەموكراتيا، زاڭمەن جونگە سالۋ قۇرىلىسى كوكەي تەستى ءارى ماڭىزدى قىزمەت سانالادى. بۇگىنگى شينجياڭ تاريحتىڭ تىڭ بەلەسىندە جىبەك جولى ەكونوميكالىق بەلدەۋىنىڭ وزەكتى رايون قۇرىلىسى سىندى ماڭىزدى ورايعا ءدوپ كەلىپ ءارى قوعام ورنىقتىلىعى مەن باياندى تىنىشتىقتى ىسكە اسىرۋ سىندى اۋىر مىندەتتى ارقالاپ وتىر. شينجياڭنىڭ كوپ ۇلتتى، كوپ ءدىندى، كوپ مادەنيەتتى بولۋ ەرەكشەلىگى، سونداي - اق بولشەكتەۋشىلىككە، لاڭكەستىككە قارسى كۇرەس جاعدايىنىڭ قيىن بولۋى، ءدىني ۇشقارى يدەيانىڭ كەۋلەپ كىرۋىنىڭ اۋىر بولۋى، وڭىرلىك دامۋداعى پارىقتىڭ زور بولۋى، وقۋ - اعارتۋ، كاسىپتەندىرۋ ماسەلەلەرىنىڭ كورنەكتى بولۋى سياقتى كۇردەلى رايون جاعدايى زاڭمەن جونگە سالۋ قىزمەتىنىڭ ارناعا ءتۇسىرۋ جانە قامتاماسىز ەتۋ رولىن ساۋلەلەندىرۋگە ءتىپتى دە باسا ءمان بەرۋىمىزدى تالاپ ەتەدى. سوندىقتان ءبىز پارتيا باسشىلىعىنداعى سوتسياليستىك دەموكراتيالىق ساياسيدى دامىتۋعا تاباندى بولىپ، مەملەكەتتى زاڭمەن جونگە سالۋدى تياناقتاندىرىپ، شينجياڭدى زاڭمەن جونگە سالۋدى ىلگەرىلەتىپ، ءار ۇلت حالقىنىڭ دەموكراتيالىق ۇقىعىن قامتاماسىز ەتىپ، ءار ۇلت، ءار سالا نيەتتەس، جۇرەكتەس، قادامداس بولعان مىعىم بىرىككەن كۇش قالىپتاستىرۋىمىز كەرەك.

    شينجياڭدى زاڭمەن جونگە سالۋ قۇرىلىسىن ىشكەرىلەي ىلگەرىلەتۋ كەرەك. شينجياڭدى زاڭمەن جونگە سالۋ − شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋدىڭ ءتۇبىرلى تالابى، شينجياڭداعى ءار ۇلت حالقىنىڭ ءتۇبىرلى مۇددەسىن ىسكە اسىرۋدىڭ ءىس جۇزىندىك قاجەتى، شينجياڭنىڭ ەكونوميكالىق، قوعامدىق دامۋىنىڭ ماڭىزدى كەپىلى. ءبىز پارتيا باسشىلىعىنىڭ، حالىقتىڭ ءوز - وزىنە قوجا بولۋىنىڭ، مەملەكەتتى زاڭمەن جونگە سالۋدىڭ تىعىز بىرلىگىنە باستان - اياق تاباندى بولۋىمىز، نەگىزگى زاڭ مەن زاڭداردىڭ بەدەلىن باتىل قورعاۋىمىز كەرەك، زاڭ الدىندا بارلىق ادام تەڭ بولۋدان جازباي، مەيلى قايسى ۇلت بولسىن، قايسى دىنگە سەنسىن، زاڭعا، ءسوز جوق، بويسۇنۋى، ءارقانداي تىلەگى مەن ارمانىن، ءسوز جوق، زاڭدى جولمەن بەينەلەۋى جانە شەشۋى، زاڭعا قايشىلىق جاساعانداردى، ءسوز جوق، قۋزاستىرۋ، قىلمىس وتكىزگەندەرىن، ءسوزسىز، جازالاۋ كەرەك. زاڭ بويىنشا اكىمشىلىك جۇرگىزۋدى ىلگەرىلەتىپ، زاڭمەن باسقارىلاتىن ۇكىمەت قۇرۋدى جەدەلدەتۋ كەرەك. زاڭمەن جونگە سالۋ ۇگىت - تاربيەسىن كۇشەيتىپ، ءار ۇلت بۇقاراسىنا نەنىڭ زاڭدى، نەنىڭ زاڭسىز ەكەنىن، نەنى ىستەۋگە بولاتىنىن، نەنى ىستەۋگە بولمايتىنىن ۇعىندىرىپ، زاڭدى قادىرلەپ، ىزگىلىككە تالپىنۋدى، زاڭعا بويسۇنىپ، جۇمىس جۇرگىزۋدى تۇتاس قوعامنىڭ سانالى ارەكەتىنە اينالدىرۋ كەرەك. ۇلت، ءدىن فاكتورىنا ساياتىن ماسەلەلەردى زاڭ بويىنشا لايىقتى ءبىر جايلى ەتۋ كەرەك، ءدىننىڭ ساياسيعا، ۇكىمەت ىستەرىنىڭ قىزىل سىزىعىنا كيلىگۋىنە بولمايدى دەگەننەن بۇلجىماي، ءارقانداي ادامنىڭ دىننەن پايدالانىپ اكىمشىلىككە، ءادىلياعا، وقۋ - اعارتۋعا، نەكەگە، جوسپارلى تۋىتقا كيلىگۋىنە، دىننەن پايدالانىپ قوعام تارتىبىنە، قىزمەت تارتىبىنە، تۇرمىس تارتىبىنە كەدەرگىلىك جاساۋىنا، دىننەن پايدالانىپ جۇڭگو كوممۋنيستىك پارتياسىنىڭ باسشىلىعى مەن سوتسياليستىك تۇزىمگە قارسى شىعۋىنا، ۇلتتار ىنتىماعى مەن وتاننىڭ تۇتاستىعىن بۇلدىرۋىنە استە جول بەرمەۋ كەرەك.

    دەموكراتيالىق ساياسي قۇرىلىستى بەلسەندى ىلگەرىلەتىپ، حالىق قۇرىلتايى قىزمەتىن كۇشەيتۋ، كەڭەستىك دەموكراتيا ءتۇزىمىن كەمەلدەندىرۋ، پارتيانىڭ بۇقارالىق ۇيىمدارعا بولعان قىزمەتىن كۇشەيتۋ، وتانشىلدىق بىرلىكساپتى زورايتۋ، مەملەكەت قورعانىسى، اسكەري قوسىن قۇرىلىسىن قولداۋ كەرەك. سوتسياليستىك دەموكراتيالىق ساياسي قۇرىلىس − حالىق بۇقاراسىنىڭ ورتاق تانىم سەزىمىن كۇشەيتۋ مەن پارتيانىڭ بيلىك جۇرگىزۋ بەدەلىن قورعاۋدىڭ ماڭىزدى ارناسى جانە جولى. دەموكراتيالى جولمەن ازاماتتاردىڭ ارمان - تىلەگىنە ساي جاسالعان تۇتاس قوعام مويىندايتىن جانە قۇرمەت ەتەتىن قاعيدانى، جۇيەنى ۇزدىكسىز كەمەلدەندىرىپ، ازاماتتاردىڭ ءوز ارمان - تىلەگىن ەركىن بەينەلەۋىنە، ءوزىنىڭ ۇقىق - مۇددەسىن ءادىل دارىپتەۋىنە تەكشە ازىرلەپ، ارناسىن ىركىلىسسىزدەندىرۋ كەرەك. وتە - موتە، زاڭ شىعارۋ، شەشىم جاساۋ، اتقارۋ، باسقارۋ، باقىلاۋ سياقتى جاقتاردا، ءتىل تابىسۋ، اۋىس - كۇيىس جاساۋ، اقىلداسۋ، سەلبەسۋ سياقتى جولداردى بارىنشا كوبىرەك پايدالانىپ، ءارقايسى قوعامدىق توپتار اراسىنداعى تەڭ تۇرعىدا تىلدەسۋ مەن اكىمشىلىك ۇقىعى جانە ازاماتتىق ۇقىعىنىڭ ءونىمدى ءوزارا ىقپالداستىق مەحانيزمىن ۇزدىكسىز كەمەلدەندىرىپ، ءار ۇلت حالقىنىڭ دەموكراتيالىق ۇقىعىنىڭ تولىق قۇرمەتكە يە بولۋىنا جانە قامتاماسىز ەتىلۋىنە كەپىلدىك ەتۋ كەرەك.

    دەموكراتيا مەن زاڭمەن جونگە سالۋ − ەل باسقارىپ، بيلىك جۇرگىزۋدىڭ وزەكتى قۇنى. وسى تۋدى باتىل تۇردە بيىك ۇستاپ، ۇزدىكسىز ۇدەرە العا تارتىپ، حالىقتىڭ اقىل - پاراساتى مەن كۇش - قۋاتىن كەڭ كولەمدە توپتاساق، رايونىمىزدىڭ دەموكراتيا، زاڭمەن جونگە سالۋ قۇرىلىسىندا، ءسوز جوق، تىڭ جانە بۇدان دا زور ناتيجەلەرگە قول جەتكىزە الامىز، قوعام ورنىقتىلىعى مەن باياندى تىنىشتىقتى ىسكە اسىرۋدىڭ داڭعىل جولىندا بۇدان دا جالىندى ومىرشەڭدىك كۇش قالىپتاستىرا الامىز.

جاۋاپتى رەداكتور:سايراش تۇرارجان قىزى