ءدىن قىزمەتىن دەن قويا جاقسى ىستەپ، ءدىننىڭ تاتۋلىعىن، جاراسىمدىلىعىن جەبەيىك

    − ج ك پ اۆتونوميالى رايوندىق 9 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (6)

    شينجياڭداعى ەڭ ۇلكەن بۇقارالىق قىزمەت − ۇلتتار ىنتىماعى جانە ءدىن جاراسىمدىلىعى. ج ك پ اۆتونوميالى رايوندىق 9 - قۇرىلتايى قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءدىننىڭ تاتۋلىعىن، جاراسىمدىلىعىن جەبەۋ كەرەك دەپ اتاپ كورسەتتى. بۇل ماڭىزدى شارا اۆتونوميالى رايوندىق پارتكومنىڭ ءدىن قىزمەتىن دەن قويا ورنالاستىرۋداعى باتىل بەكىمىن تولىق ايگىلەدى.

    پارتيامىز ءدىن قىزمەتى جونىندەگى نەگىزگى باعىتىن ماركستىك ءدىن كوزقاراسىندا تاباندى بولىپ، ەلىمىزدىڭ مەملەكەت جاعدايى مەن ءدىننىڭ ناقتى جاعدايىن شىعار ءتۇيىن ەتىپ، ۇنامدى - ۇنامسىز جاقتاعى تاجىريبەلەردى جيناقتاي كەلە بەلگىلەگەن، اماليات ونىڭ بۇكىلدەي دۇرىس ەكەنىن دالەلدەپ وتىر. ءدىن قىزمەتىن جاقسى ىستەۋ، پارتيانىڭ ءدىن قىزمەتى جونىندەگى نەگىزگى باعىتىنان جازباۋ ءۇشىن، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ءدىن ىستەرىن زاڭ بويىنشا باسقارىپ، ءدىننىڭ دەربەس، ءوزىن - ءوزى باسقارۋ، ءوز جۇمىسىن ءوزى ىستەۋ پرينسيبىندە تاباندى بولىپ، ءدىندى سوتسياليستىك قوعامعا سايكەسۋگە بەلسەنە جەتەكتەۋ كەرەك. ءبىراز ۋاقىتتان بەرى، «3 ءتۇرلى كۇش» ءدىن تونىن جامىلىپ، ءدىندى جەلەۋ ەتىپ، بولشەكتەۋشىلىك، ءبۇلدىرۋ ارەكەتتەرىمەن قۇتىرىنا شۇعىلدانىپ، ءدىني ۇشقارى يدەيا ءسىڭىپ كىردى، ءورشىدى، بۇل ءدىن جاراسىمدىلىعىنىڭ ەڭ ۇلكەن قاتەرى، قوعامعا زالالدى مەرەز. جاڭا جاعداي بىزدەن ماسەلەنى نىشان ەتۋدەن جازباي، ءتۇيىندى ماسەلەلەردى كورنەكتىلەندىرىپ، زاڭدىلارىن قورعاۋ، زاڭسىزدارىن تەجەۋ، ۇشقارىلىقتى اۋىزدىقتاۋ، ءسىڭىپ كىرۋگە قارسى تۇرۋ سىندى نەگىزگى پرينسيپكە تاباندى بولىپ، پارتيانىڭ ءدىن قىزمەتى جونىندەگى نەگىزگى باعىتتارىنا مىزعىماي تاباندى بولىپ، ونى جاپپاي، ويداعىداي دايەكتىلەندىرىپ، ءدىن جاراسىمدىلىعىن قۇلشىنا جۇزەگە اسىرۋدى شۇعىل تالاپ ەتىپ وتىر.

    ءدىننىڭ تاتۋلىعىن، جاراسىمدىلىعىن جەبەۋدە ءدىن ىستەرىن زاڭ بويىنشا باسقارۋ كەرەك. ءدىن قىزمەتىن زاڭمەن جونگە سالۋ − مەملەكەتتى جاپپاي زاڭمەن جونگە سالۋدىڭ تابيعي تالابى، سونداي - اق ءدىن سالاسىنداعى قايشىلىقتار مەن ماسەلەلەردى دۇرىس ءبىر جاقتى ەتۋدىڭ ءتۇبىرلى جولى. قالىپتى، زاڭدى ءدىني قيمىلداردى قورعاپ، دىنگە سەنەتىن بۇقارانىڭ ءدىني سۇيىسپەنشىلىگىن تولىق ءتۇسىنىپ، بۇقارانىڭ ءدىني سەنىم ەركىندىگىن زاڭ بويىنشا قورعاپ، دىنگە سەنەتىن بۇقارانىڭ قالىپتى ءدىني سۇرانىسىن زاڭ بويىنشا قاناعاتتاندىرىپ، دىنگە سەنەتىن بۇقارانىڭ ءدىني ساۋاتتاردى يگەرەتىن زاڭدى ارنالارىن ورنىقتى تۇردە كەڭەيتىپ، ۇنامدى نارسە ارقىلى ۇنامسىز نارسەگە تويتارىس بەرىپ، دۇرىس سەنىم ارقىلى ۇشقارىلىقتى اۋىزدىقتاۋ كەرەك. زاڭسىز ءدىني قيمىلداردى زاڭ بويىنشا جونگە سالىپ، «ۇشقارىلىقتى الاستاۋدى» ۇزدىكسىز ىشكەرىلەي ورىستەتىپ، «ۇشقارىلىق» قۇبىلىسىن باتىل وڭاۋ، ءدىندى جەلەۋ ەتىپ، ءدىن تونىن جامىلىپ، ءدىني ۇشقارى يدەيا ۋاعىزداپ، بولشەكتەۋشىلىك، ءسىڭىپ كىرۋ قيمىلدارىمەن جانە زورلىقتى كۇش لاڭكەستىك قيمىلدارمەن شۇعىلداناتىن قىلمىستىق ەلەمەنتتەرگە، زاڭسىز ۇيىمدارعا باتىل سوققى بەرۋ كەرەك.

    ءدىننىڭ تاتۋلىعىن، جاراسىمدىلىعىن جەبەۋدە ءدىندى سوتسياليستىك قوعامعا سايكەسۋگە بەلسەنە جەتەكتەۋ كەرەك. ءدىن قىزمەتى − تۇپتەپ كەلگەندە، بۇقارالىق قىزمەت، ۇنامدى جاعىنان جەتەكتەۋدى كۇشەيتۋگە شەبەر بولۋ − ءدىن قىزمەتىن جاقسى ىستەۋدىڭ ماڭىزدى ءتاسىلى، مۇنىڭ شەشۋشى ءتۇيىنى «جەتەكشىلىك ەتۋ» جاعىنان تەرەڭ وي جۇگىرتىپ، بۇگە - شىگەسىنە دەيىن ءبىلىپ، ءداپ باسىپ مىقتى يگەرۋدە. ەلىمىزدەگى دىندەردى جۇڭگولاندىرۋعا تاباندى بولىپ، بەلسەندى، اقاۋسىز دىندىك قاتىناستى ورناتىپ، سوتسياليستىك وزەكتى قۇن كوزقاراسى ارقىلى ءدىن سالاسىنداعى قايراتكەرلەر مەن دىنگە سەنەتىن بۇقارانى جەتەكتەپ جانە تاربيەلەپ، قالىڭ ءدىني قايراتكەرلەردى وتاندى، ءدىندى سۇيەتىن تاماشا داستۇرلەرىن اسقاقتاتۋعا باستاپ، ۋاعىز ايتۋ، تاپسىرلەۋ قىزمەتىن ويداعىداي ىستەپ، زاڭ رۇقسات ەتكەن، ءدىن اقيداسىنا ساي، قوعامنىڭ دامۋىنا ۇيلەسەتىن ءدىني يدەيالاردى كادەگە جاراتىپ، ءىسلام ءدىنىنىڭ وتاندى، بەيبىتشىلىكتى، ىنتىماقتى، ورتا جولدى، باۋىرمالدىقتى، ىزگى ارەكەتتەردى دارىپتەيتىن اقيدالارىن ءتۇسىندىرىپ، ونىڭ قوعامنىڭ جاراسىمدىلىعىنا، ءداۋىردىڭ العا باسۋىنا، وركەنيەتتىڭ اقاۋسىزدىعىنا پايدالى بەلسەندى فاكتورلارىن قۇلشىنا ساۋلەلەندىرىپ، ۇشقارىلىققا باتىل قارسى تۇرىپ، كەرەناۋ مازمۇنداردى قاتاردان شىعارىپ، «جەتەكشىلىكتىڭ» ۇتىمدى بولۋىنا، «جەتەكشىلىكتىڭ» پارمەندى بولۋىنا، «جەتەكشىلىكتىڭ» ءونىمدى بولۋىنا كەپىلدىك ەتىپ، سول ارقىلى ءدىننىڭ سوتسياليستىك قوعامعا سايكەسۋىنە مۇمكىندىك جاساۋ كەرەك.

    ءدىننىڭ تاتۋلىعىن، جاراسىمدىلىعىن جەبەۋدە وتانشىل ءدىني قايراتكەرلەردىڭ بەلسەندى رولىن تولىق كورنەكتىلەندىرۋ كەرەك. وتانشىل ءدىني قايراتكەرلەردىڭ رولىن جاقسى ساۋلەلەندىرۋ دىنگە سەنەتىن بۇقارانى تاربيەلەۋدە، جەتەكتەۋدە، ءدىن قىزمەتىن جاقسى ىستەۋدە ايرىقشا كەلەلى رولعا يە. وتانشىل ءدىني قايراتكەرلەردى قورعاۋدى جانە ولارعا قامقورلىق جاساۋدى كۇشەيتىپ، قورعاۋدىڭ، قامقورلىق جاساۋدىڭ ءونىمدى، ۇتىمدى مەحانيزمىن ورناتىپ، ولاردىڭ ساياسيدا بەدەلى، قوعامدا ورنى، حاۋىپسىزدىكتە كەپىلى بولۋىنا، تۇرمىسى قامتاماسىز ەتىلۋىنە مۇمكىندىك جاساۋ؛ وتانشىل ءدىني قايراتكەرلەردى باۋلۋ، تاربيەلەۋ سەرپىنىن كۇشەيتىپ، ساياسي جاقتا سەنىمدى، ءدىن جاعىندا بىلىكتى، ءمورال جاعىندا جۇرتتى يلاندىرا الاتىن، شەشۋشى ساتتە رول كورسەتە الاتىن وتانشىل ءدىني قايراتكەرلەر قوسىنىن جەتىلدىرۋ؛ مەشىتتەر مەن ءدىني قيمىلدارعا باعىتتالعان الەۋمەتتىك قىزمەتتەردى كەمەلدەندىرىپ جانە كۇشەيتىپ، وتانشىل ءدىني قايراتكەرلەر مەن دىنگە سەنەتىن بۇقارانى جاقىنعا، دوسقا بالاپ، قالىڭ ءدىن قىزمەتكەرلەرى مەن دىنگە سەنەتىن بۇقارانىڭ پارتيا مەن ۇكىمەتتىڭ قامقورلىعى مەن مەيىرىن شىنايى سەزىنۋىنە مۇمكىندىك جاساۋ؛ جاراسىمدى مەشىت قۇرۋ جانە العاباسار وتانشىل ءدىني قايراتكەر بولۋ، ونى باعالاۋ قيمىلىن كەڭىنەن ورىستەتىپ، دابىرالى تۇردە ماراپاتتاپ، سيلاپ، وتاندى، ءدىندى سۇيەتىن جاقسى بەتالىس قالىپتاستىرۋعا جەتەكتەپ، مەشىتتەر مەن قالىڭ وتانشىل ءدىني قايراتكەرلەردىڭ وتاندى، ءدىندى سۇيۋدەگى، ەرەجەگە، زاڭعا بويسۇنۋداعى بەلسەندىلىگىن، ىرىقتىلىعىن تولىق اتتانىسقا كەلتىرىپ، دۇرىس سەنىم ورناتىپ، ۇشقارىلىققا قارسى تۇرىپ، ءدىننىڭ تاتۋلىعىن، جاراسىمدىلىعىن جەبەۋ ءۇشىن بەلسەندى رول كورسەتۋ كەرەك.

    سەنىمنىڭ ءتۇبىرلى ءمانى − دۇرىس ارەكەت. سوندىقتان ءبىز، ءسوز جوق، ءدىن قىزمەتىن دەن قويا جاقسى ىستەپ، دۇرىس سەنىم، دۇرىس ارەكەتكە كەپىلدىك ەتىپ، سول ارقىلى ءدىننىڭ تاتۋلىعىن، جاراسىمدىلىعىن جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن ماڭىزدى كۇش قالىپتاستىرۋىمىز كەرەك.

جاۋاپتى رەداكتور:سايراش تۇرارجان قىزى