قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، وڭتۇستىك شينجياڭ قىزمەتىن كۇشەيتۋگە اناعۇرلىم ءمان بەرۋ

    − چىن چۋانگو جولداستىڭ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 8 - كەزەكتى كوميتەتى اتىنان قۇرىلتايعا جاساعان بايانداماسىنان ءۇزىندى (13)

    وڭتۇستىك شينجياڭنىڭ ورنىقتىلىعىن شىن مانىندە قورعاۋ كەرەك. قىزمەت تەبىنىن ارتتىرىپ، ءدوپ كەلگەن كورنەكتى ماسەلەلەردى كۇشتى شوعىرلاندىرا وتىرىپ شەشىپ، زورلىقتى كۇش لاڭكەستەرى مەن زاڭسىز ۇيىمدارعا قاتاڭ سوققى بەرۋ تەگەۋرىندى كۇيىن ساقتاپ، زورلىقتى كۇش لاڭكەستىك دەلولارىنىڭ كوپ، قايتا - قايتا تۋىلۋ جاعدايىن باتىل اۋىزدىقتاۋ كەرەك. ەرەكشە ساياساتتى جاپپاي تياناقتاندىرۋ كەرەك. پارتيا ورتالىق كوميتەتىنىڭ وڭتۇستىك شينجياڭعا ارنايى بەلگىلەگەن قازىنا، قارجى، فينانس، دارىندى، كاسىپ، كادرلار مەن جۇمىسشى - قىزمەتكەرلەر مامىلەسى سياقتى جاقتارداعى ءتيىمدى ساياساتتاردى مۇقيات تياناقتاندىرىپ، اۆتونوميالى رايون قازىنا كۇشىن ءبولۋ، كەلەلى نەگىزدىك قۇرىلعىلار قۇرىلىسىن تۇلعالاندىرۋ قارجىسىن ورنالاستىرۋ جانە ماڭىزدى حالىق تۇرمىسى نىساندارىنا قارجى قوسۋ جاقتارىندا وڭتۇستىك شينجياڭعا بەيىمدەلۋ كەرەك. حالىق تۇرمىسىنداعى قيىن ماسەلەلەردى شوعىرلى شەشۋ كەرەك. قيىنشىلىقتاعى بۇقارانى ءتۇيىن ەتكەن حالىق تۇرمىسىن جاقسارتۋ تەبىنىن ارتتىرىپ، وڭتۇستىك شينجياڭدا كەدەيلىكتەن قۇتىلدىرۋ سىندى وسى ءبىر ءتىس باتپايتىن قيىن ءتۇيىندى باتىل شەشىپ، كاسىپتەندىرۋ، وقۋ-اعارتۋ، نەگىزگى ساتى ۇيىمى سياقتى ءالسىز بۋىنداردى مىقتى يگەرىپ، تەز ءونىم بەرەتىن نىسانداردى ويداعىداي اتقارىپ، سۋ، توك، جول، تابيعي گاز، تۇرعىن ءۇي سياقتى كورنەكتى ماسەلەلەردى شەشىپ، بۇقاراىنىڭ ءوندىرىس-تۇرمىس ورەسىن جوعارىلاتۋ كەرەك. ەكونوميكا مەن قوعامنىڭ دامۋىن جەدەلدەتۋ كەرەك. ەرەكشە كاسىپتەردىڭ دامۋىن مۇمكىندىكتىڭ بارىنشا ىلگەرىلەتىپ، جاڭاشا قالا-قالاشىقتاندىرۋ مەن جاڭاشا اۋىل-قىستاق قۇرىلىسى اياق الىسىن جەدەلدەتىپ، نەگىزدىك قۇرىلعىلار قۇرىلىسى مەن ەكولوگيالىق ورتانى قورعاۋدى كۇشەيتىپ، اۋىل-قىستاق ۇيىمدارى مەن نەگىزگى ساتىنىڭ نەگىزدىك قىزمەتتەرىن كۇشەيتىپ، ءار ۇلت بۇقاراسىنا وتاننىڭ ۇلى شاڭىراعىنىڭ مەيىرىن شىنايى سەزىندىرۋ كەرەك.

جاۋاپتى رەداكتور:سايراش تۇرارجان قىزى