شينجياڭ ەگىن، مال شارۋاشىلىعىنداعى ءىرى رايوننان قۋاتتى رايونعا قادام باستى

    − ج ك پ اۆتونوميالى رايوندىق 8 - قۇرىلتايىنان بەرگى ەكونوميكا مەن قوعام دامۋىنىڭ جەتىستىكتەرى جونىندەگى جەلىلەس حابار (2)

    بيىل رايونىمىز ءبيدايدان تاعى دا مول ءونىم الىپ، جازعى استىق وندىرىسىندە «ءۇرتىس 9 جىل ارتۋدى» ىسكە اسىردى. بيىل رايونىمىزداعى مەملەكەت يەلىگىندەگى استىق ساتىپ الۋشى، ساتىپ بەرۋشى كاسىپورىندار ساتىپ العان ءبيدايدىڭ مولشەرى 4 ميلليون تونناعا جۋىقتاپ، جاڭا تاريحي ورە جاراتتى.

    جۋىردا عانا اشىلعان رايونىمىزدىڭ 2016 - جىلعى دۇمبە ءبيداي ءوندىرىسىنىڭ قىزمەت جينالىسىندا، رايونىمىز ءبيدايدىڭ كەلەر جىلعى جەتەكشى جوسپارىنداعى ەگىس اۋدانىن تاعى ارتتىرىپ، رايونىمىز ەكونوميكاسىنىڭ دامۋى مەن قوعام ورنىقتىلىعىن پارمەندى كەپىلمەن قامدادى.

    ج ك پ اۆتونوميالى رايوندىق 8 - قۇرىلتايى اشىلعاننان بەرى، رايونىمىز استىق ءوندىرىسىن ورنىقتىرىپ ءونىمدى ارتتىرۋ، ساپانى جوعارىلاتىپ ونىمدىلىكتى كۇشەيتۋ، جاڭالىق جاراتا ىلگەرىلەتۋ سىندى باس تالاپ بويىنشا، شارۋالاردىڭ كىرىسىن باياندى، ءبىرشاما تەز ارتتىرۋدى ءتۇيىن ەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن كۇش سالا ىلگەرىلەتىپ، اۋىل شارۋاشىلىعىنىڭ دامۋ ءتاسىلىن كۇش سالا وزگەرتىپ، وسى زامانعى اۋىل شارۋاشىلىعىنىڭ كاسىپ سالاسى جۇيەسىن، ءوندىرىس جۇيەسىن، ساۋدا جۇيەسىن كۇش سالا قالىپتاستىرىپ، شينجياڭ ەرەكشەلىگىنە يە وسى زامانعى ەگىن، مال شارۋاشىلىق كاسىپ سالاسى جۇيەسىن جەدەل قۇرىپ، شينجياڭنىڭ ەگىن، مال شارۋاشىلىعىنداعى ءىرى رايوننان قۋاتتى رايونعا اينالۋىن ىلگەرىلەتتى.

    ەگىن شارۋاشىلىعى ەكى نەگىزدى قۇرىلىمنان ءۇش نەگىزدى قۇرىلىمعا بەت الدى

    جۋىق جىلداردان بەرى رايونىمىز اۋىل شارۋاشىلىعىنىڭ دامۋى ەلىمىزدىڭ باسقا جەرلەرى سياقتى اۋىل شارۋاشىلىق ونىمدەرى باعاسىنىڭ قوس قابات قىسىمى، اۋىل شارۋاشىلىق ونىمدەرىنىڭ پايداسى جوعارى بولماۋ، شارۋالار مول ءونىم السا دا، كىرىسى قوماقتى بولماۋداي قيىن جاعدايعا ءدوپ كەلدى. سوندىقتان رايونىمىز اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن زور كۇشپەن اتقارىپ، بازاردىڭ جاڭا قاجەتىنە قاراي قۇرىلىمعا رەتتەۋ جۇرگىزىپ، شينجياڭ ەرەكشەلىگىنە يە اۋىل شارۋاشىلىعىندا عىلىم - تەحنيكا ارقىلى جاڭالىق جاراتۋ جولىنا ءتۇستى.

    «مەملەكەتىمىز شينجياڭدا ماقتانىڭ نىسانالى باعا رەفورماسىنىڭ سىناق ءتۇيىنى قىزمەتىن جۇرگىزگەننەن بەرى، اۆتونوميالى رايونىمىز ەگىس قۇرىلىمىن دەر كەزىندە رەتتەپ، ماقتا ەگەتىن شارۋالاردى ءسابىر ماقتا وڭىرلەرىنەن، حاۋىپ - قاتەرلى ماقتا وڭىرلەرى مەن تومەن ءتۇسىمدى ماقتا وڭىرلەرىنەن شەگىنىپ، جازدىق ءبيداي، جۇگەرى، قارا استىق سياقتى استىق داقىلدارىن وندىرۋگە بەلسەندى جەتەكتەپ، استىق ءوندىرىسىنىڭ ءونىمى مەن مولشەرىن جوعارىلاتۋعا كەپىلدىك ەتتى»، - دەدى اۆتونوميالى رايوندىق ەگىن شارۋاشىلىق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ. اۆتونوميالى رايوندىق ەگىن شارۋاشىلىق تاراۋلارى جاڭا جاعدايعا مەڭزەس، «استىق ءوندىرىسىن ورنىقتىرىپ، ماقتا ءوندىرىسىن رەتتەۋ، قۇرىلعىلى ءوندىرىس مولشەرىن جوعارىلاتىپ، ەرەكشە ءوندىرىس كولەمىن ارتتىرۋ» سىندى كاسىپ سالاسى قۇرىلىمىن رەتتەۋ وي جەلىسىن ورتاعا قويىپ، نەگىزدى بەكەمدەۋ، ءوندىرىس فورماسىن وزگەرتۋ، ساپانى ارتتىرۋدى كورنەكتىلەندىرىپ، استىق، ماقتا، ەرەكشە اۋىل شارۋاشىلىعى، قۇرىلعىلى اۋىل شارۋاشىلىعى سياقتى 4 ءىرى كاسىپ سالاسىن ءۇرتىس وركەندەتتى.

    استىق ءوندىرىسى جاعىندا، رايونىمىز «رايون كولەمىندە تەپە - تەڭ بولۋ، ازداپ اسىپ قالۋ» سىندى استىق ءوندىرىس نىساناسى بويىنشا، ءبيداي ەگىنشىلىگىنىڭ نۇسقاۋشىلىق جوسپارىن اتقارىپ، كىرىستىرىپ ەگۋ سياقتى جاڭا ەگىس ۇلگىلەرىن كۇش سالا جالپىلاستىرىپ، ءبيدايدىڭ ءبىر ميلليون 90 مىڭ مۋلىق جوعارى ءونىمدى اتىزى جانە جۇگەرىنىڭ ءبىر ميلليون 60 مىڭ مۋلىق جوعارى ءونىمدى اتىزى قۇرىلىس مىندەتىن ورىنداپ، بازار شارۋاشىلىعىنىڭ زاڭدىلىعىنا باعىنا وتىرىپ، قارا استىق، بۇرشاق تەكتەستەر، ءداندى داقىلدار سياقتى ساتۋعا يكەمدى، بازارى جاقسى تولىقتامالى داقىلدار ەگىنشىلىگى جاعىندا ىزدەنىس جاساپ، استىق ءتۇرىنىڭ كوپ قاينارلى نەگىزىن بايىتىپ، جاسىل، كوپ نەگىزدى استىق ماركاسىن جاراتۋدى جەدەلدەتىپ، استىقتىڭ كاسىپ سالاسى تىزبەگىن ۇزارتا ءتۇستى. كەزەكتە رايونىمىزدىڭ ماقتا ەگىنشىلىگى ابزالدىققا يە ءوندىرىس وڭىرىنە ۇزدىكسىز شوعىرلانۋمەن بىرگە، ماقتانىڭ قامداۋ جاعىنداعى قۇرىلىمدىق رەفورماسىنىڭ سىناق ءتۇيىنى قىزمەتى دە زور كۇشپەن ىلگەرىلەتىلىپ، 5 قالا، اۋدان سىناق ءتۇيىنى رەتىندە تۇراقتاندىرىلىپ، سىناق ءتۇيىنى قىزمەت مىندەتى ءوندىرۋ، مانەرلەۋ، ساتۋ بۋىندارى بويىنشا باستالىپ، ماقتا وندىرىسىندە ساپانى جوعارىلاتىپ، ونىمدىلىكتى ارتتىرۋ جەبەلىپ، نەگىزگى ءوندىرىس ءوڭىرى سانالاتىن اۋدان، قالالارعا باعىتتاعان نىساندىق جانە ساياساتتىق قولداۋ كۇشەمەلىگى ارتتىرىلىپ، ماقتا وندىرىسىندە ابزالدىققا يە ءوندىرىس وڭىرلەرىندەگى ەگىنشىلىكتىڭ جالپىلىق ونىمدىلىگى ايقىن جوعارىلاتىلدى.

    مۇنان سىرت، رايونىمىز تاپسىرىستى اۋىل شارۋاشىلىعى ارقىلى قىزىل بۇرىش، قىزاناق سياقتى ەرەكشە ەكونوميكالىق داقىلداردى مانەرلەۋ كاسىبىن بەلسەنە جەبەۋمەن بىرگە، مال شارۋاشىلىعىنىڭ دامۋىنا بىرلەستىرىپ، ماقتا ەگىلەتىن جەردى ازايتىپ، ول جەرلەرگە ءشوپ ءوسىرۋ، جوڭىشقا، جاستاي ساقتالاتىن جۇگەرى ەگۋ سياقتى جەم - ءشوپ ءوندىرىسىن دە دامىتتى.

    رايونىمىزدىڭ بيىلعى ەگىنشىلىك كاسىپ سالاسى قۇرىلىمىنىڭ جاعدايىنان بۇل وزگەرىستى اناعۇرلىم ايقىن بايقاۋعا بولادى: استىق ءوندىرىسى ورنىقتى ىلگەرىلەپ، ەگىس اۋدانى بىلتىرعىدان 385 مىڭ 900 مۋ ارتتى؛ ماقتانىڭ ەگىس اۋدانى ونان ارمان كەمەيىپ، ەگىس باعىتى ابزالدىققا يە وڭىرلەرگە قاراي شوعىرلانىپ، ەگىس اۋدانى بىلتىرعىدان ءبىر ميلليون 954 مىڭ مۋ ازايدى؛ قانت ماتەريالدارى، ماي ماتەريالدارى، كوكونىس، جەمىس - جيدەك ءوندىرىسى انتەك جوعارىلاپ، ەگىس اۋدانى بىلتىرعىدان 275 مىڭ مۋ ارتتى؛ ەرەكشە ەكونوميكالىق داقىلدار ءوندىرىسى شاپشاڭ دامىپ، ەگىس اۋدانى بىلتىرعىدان ءبىر ميلليون 17 مىڭ مۋ ارتتى.

    مۇنان، «استىق ءوندىرىسىن ورنىقتىرۋ، ماقتا ءوندىرىسىن رەتتەۋ، جەمىس - جيدەك ءوندىرىسىن ساپالىلاندىرۋ، مال شارۋاشىلىعىن وركەندەتۋ» سىندى باس تالاپقا نەگىزدەلگەن رايونىمىزدىڭ اۋىل شارۋاشىلىق كاسىپ سالاسى قۇرىلىمى ىشكەرىلەي كەمەلدەنىپ جانە ساپالىلانىپ، ەگىنشىلىك قۇرىلىمى استىق - ەكونوميكالىق داقىلداردىڭ ەكى نەگىزدى قۇرىلىمىنان استىق - ەكونوميكالىق داقىلدار - ءشوپ سىندى ءۇش نەگىزدى قۇرىلىمعا بەت العانىن ءارى كوپ ءتۇرلى جولدار ارقىلى شارۋالاردىڭ كىرىسىن ارتتىرۋعا كۇش سالىنعانىن بايقاۋعا بولادى.

جاۋاپتى رەداكتور:سايراش تۇرارجان قىزى