نىلقى اۋدانى كەدەيلىك قالپاعىن الىپ تاستاۋعا قۇلشىنۋدا

    ءٴتىلشىمىز ٴبيسارا قۋانبەك قىزى حابارلايدى:

    بارشا جۇرتتىڭ نازارىن اۋدارىپ وتىرعان كەسىمدى پىكىر، ابزال ساياسات، الىمدى اقىلدان باستاۋ العان مارەلى ماجىلىسكە رايونىمىزداعى ءار ۇلت حالقىنىڭ سەنىمى مەن ارمانىن ارقالاپ، اقىل ـ پاراساتى مەن كۇش-قۋاتىن ۇيىستىرعان، ەكى ءٴماجىلىس ەل قامى دەپ ەلەڭدەگەن مۇشەلەرىمىزدىڭ، ارىندى دا جالىندى قادامى وزگەشە ٴسان قوسىپ تۇرعانداي.

    ءٴتورت كۇنگە جالعاسقان ٴماجىلىستە ورتاعا قويىلعان تولعاقتى تۇيىندەردىڭ ءبارى –ءبارى دە جاماعاتقا قاتىستى جۇيەلى ويلار بولدى.

    ءبىز حالىق قامىنا قاتىستى قولامتالى تاقىرىپتار قىزا تۇسكەن وسىنداي ءساليقالى ساتتەردە گرۋپپاعا ءٴبولىنىپ وتكىزىلىپ جاتقان تالقى جينالىس باسىنان ساياسي كەڭەس مۇشەسى، نىلقى اۋدانى ايەلدەر بىرلەستىگىنىڭ بۇرىنعى ءٴتوراعاسى، زەينەتكەر ءماۋجيدا ينايات قىزىنىڭ الا كەلگەن وي- پىكىرلەرىمەن ورتاقتاستىق: «وسى جولعى ساياسي كەڭەستىڭ ماجىلىسىنە قاتىناسپ، نۇرلان ءٴتوراعانىڭ ۇكىمەت قىزمەتىنەن جاساعان بايانداماسىن تىڭدادىق، وتكەن جىلداعى قىزمەتتەردى جاقسى قورىتىندىلادى. ارينە، ٴبىز دە سول قۇت بەرەكە دارىعان مەشىن جىلىن ارتقا تاستاپ، ۇمىتكە تولى تاۋىق جىلىن جاڭا قادامدارمەن قارسى الىپ جاتىرمىز. نىلقى اۋدانىن جاقسى بىلەسىزدەر، ۇزاق جىلدىق كەدەي اۋدان، ٴءدال وسى 2017-جىلى وسى كەدەيلىك قالپاعىن الىپ تاستاۋدى باستى نىساناعا الىپ وتىرمىز، ال ەندى وسى رەتكى ماجىلىسكە الا كەلگەن ۇسىنس – پىكىرلەرىمىز دە سول حالىقتىڭ تۇرمىسىن اڭىس ەتۋ بولماق. ىشكەرىلەي ايتساق، اۋدانىمىزداعى قاراسۋ، سۇپتاي، جاعالاستاي سياقتى اۋىلداردا سۋ تاپشى بولعاندىقتان، جەر قۇرعاق، ەگىس ونىمدەرى جاقسى شىقپايدى، ديقانداردىڭ تۇرمىسى توتەنشە ناشار. ءٴتىپتى اۋىز سۋىنىڭ وزىنەن تارىعىپ، جاپا شەگىپ وتىر. سوندىقتان، سۋ بايلىعىمەن قامداۋ جاعىنان كومەك كورسەتسە دەگەن ۇسىنىسىمدى الا كەلدىم. مەن ەندى ۇزاق جىل بويى ايەلدەر بىرلەستىگىندە جۇمىس ىستەپ كەلەمىن. وتكەن جىلداردا دا ايەلدەردىڭ رولىن ساۋلەلەندىرۋ جونىندەگى ۇسىنىس - پىكىرلەرىمدى ورتاعا قويعامىن، مىنە وسى رەتكى ماجىلىستە بايانداما ىشىندە ايەلدەردىڭ سەمياداعى ەرەكشە رولىن ساۋلەلەندىرۋ دەپ ايتىپ كەتتى. سوندىقتان دا ويلايمىن بارلىق ۇسىنىستارىمىز تياناقتانىپ ناتيجەسىن حالىق كورىپ جاتىر. اۋدانىمىز كولەمىندە دە ۇلتتار ىنتىماعىن دامىتۋدا ايەلدەردىڭ رولى توتەنشە زور دەپ ويلايمىن. اسىرەسە بىلتىرعى ءٴبىر جىل ىشىندە مەيىربان انالاردىڭ قوسىنى دا كورنەكتى كوبەيىپ، ۇلتتار ىنتىماعى، بالا تاربيەسى جاعىندا دا جاقسى ۇگىت جۇرگىزىلىپ جاتىر. قولونەر جاعىنان نىلقى اۋدانىنىڭ قىزاي كەستەشىلىگىندە داڭقى بار. وسى كاسىپپەن شۇعىلدانىپ وتىرعان ايەلدەردىڭ سانى دا كورنەكتى. اۋداندا كەستەشىلىك قوعامدارى دا قۇرىلىپ، شارت-جاعدايلارى دا جاقسارىپ كەلەدى. دەسە دە، ولاردى كاسىپتىك جاقتان، قارجى جاقتان دەمەپ، قولداۋ كورسەتسە، ۇلكەن نىسانداردى ءتۇسىرىپ، تۇرمىستىق شارت-جاعدايىن جاقسارتسا دەگەن تىلەگىمدى جەرگە تاستاماس دەگەن ۇمىتتەمىن».

    ٴيا، ءبىر ەلدىڭ وركەن جايۋى مەن ءبىر ۇلتتىڭ ەڭسە كوتەرۋى ابزال ساياسات پەن الىمدى اقىل-پاراساتتان ايرىلا المايدى. ساياسات — سارا جول دەگەندەي، ءارقانداي شۇعىلالى بەلەس شۋاقتى كەڭەستەن باستاۋ الادى. ساياسات – شارالاردىڭ تياناقتاندىرىلۋىءارقايسى رايون، ءارقايسى جەردىڭ ءىس-جۇزىندىگىنە ساي ۇتىمدى ۇيلەسكەندە عانا ۇلى جەڭىستەرگە جول الادى. ەندەشە ەكى ماجىلىستەن شابىت العان ەل اعالارىنىڭ كەمەڭگەر باسشىلىعىنداعى ءاربىر ايماق، وبلىستاردىڭ ىستەرىنىڭ ءونىمدى، كۇندەرىنىڭ كوڭىلدى، ادىمدارىنىڭ ارىندى، جىگەرلەرىنىڭ جالىندى، بولۋىنا شىن جۇرەكتەن تىلەكتەستىك بىلدىرەمىز.

جاۋاپتى رەداكتور:سايراش تۇرارجان قىزى