ارىندى رەفورما ارقىلى قوعامدىق ومىرشەڭدىك كۇشكە شابىت بەردى

    − پارتيا 18 - قۇرىلتايىنان بەرى ءىسورىندارى رەفورماسىنىڭ ىلگەرىلەتىلگەنى جونىندە

    شينحۋا اگەنتتىگىنىڭ ءتىلشىسى لو جىڭگۋاڭ

    حالىقتىڭ اناعۇرلىم جاقسى وقۋ - اعارتۋعا، اناعۇرلىم ورنىقتى قىزمەتكە، اناعۇرلىم ريزا بولارلىق كىرىسكە، اناعۇرلىم سەنىمدى قوعامدىق قامتاماسىزداندىرۋعا، اناعۇرلىم جوعارى دەڭگەيدەگى ەمدەۋ - دەنساۋلىق ساقتاۋ قىزمەت كورسەتۋىنە، اناعۇرلىم جايلى قونىستانۋ شارت - جاعدايىنا، اناعۇرلىم تاماشا ورتاعا يە بولۋىنا مۇمكىندىك جاساۋ كەرەك. وسى ماڭىزدى بورىشتاردى ءتۇرلى ءىسورىندارى ارقالاپ وتىر.

    پارتيا 18 - قۇرىلتايىنان بەرى، «ج ك پ ورتالىق كوميتەتىنىڭ، مەملەكەتتىك كەڭەستىڭ ءىسورىندارى رەفورماسىن تۇرلەر بويىنشا ىلگەرىلەتۋ جونىندەگى جەتەكشى پىكىرىنىڭ» جوباسى مەن تالابىنا ساي، ورتالىق ءىسورىندارى رەفورماسىن ءبىر تۇتاس جوسپارلاپ، ورنالاستىرىپ، كۇش سالا ىلگەرىلەتتى، جەر - جەر، تاراۋلار بەلسەندى، ورنىقتى، تىڭعىلىقتى تۇردە جەبەدى، سونىڭ ناتيجەسىندە، ءىسورىندارىن اداقتاۋ، ارناعا ءتۇسىرۋ جانە تۇرلەرگە ءبولۋ قىزمەتى نەگىزىنەن ورىندالىپ، رەفورمادا كورنەكتى ونىمدىلىككە قول جەتتى.

    جۇيەلى تۇردە جوبالادى، ناقتاپ تۇرلەرگە ءبولدى

    جوسپارلى شارۋاشىلىق شارت - جاعدايىنداعى تۋىندى رەتىندە، كەيبىر ءىسورىنداردىڭ مىندەتى الدەقاشان تۇرالاعان، كەيبىرەۋىنىڭ ورنالاسۋى بىتىراڭقى، كولەمى وتە كىشكەنە، كەيبىرەۋى قات - قابات ورنالاستىرىلعان، كەيبىرەۋىندە ۇزاق ۋاقىتتان بەرى قىرۋار شتات بوس قالعان، كەيبىرەۋىنىڭ اتى بولعانىمەن، زاتى جوق.

    رەفورمانىڭ ءبىرىنشى قادامى − اداقتاۋ، ارناعا ءتۇسىرۋ. ءار دارەجەلى قۇرىلىم شتاتى تاراۋى ءبىر جىل قامال الۋدىڭ ناتيجەسىندە، بۇكىل ەل كولەمىندە «زومبي ورىنداردان» ءبىر توبىن اداقتادى، قايتالانعان قۇرىلىمداردان ءبىر توبىن بىرىكتىردى، بوس، ىسىراپ بولعان شتاتتى تەكسەرىپ قىسقارتتى.

    وسى نەگىزدە ءار دارەجەلى قۇرىلىم شتاتى تاراۋلارى رەفورمانى دالمە - ءدال اتقارىپ، اكىمشىلىك شەشىم جاساۋ، اكىمشىلىك اتقارۋ، اكىمشىلىك باقىلاۋ فۋنكتسياسىن جۇرگىزىپ وتىرعان ءىسورىنداردى اكىمشىلىك تۇرگە ەنگىزدى، بۇكىلدەي بازار جاعىنان بايلىعى جايعاستىرىلاتىن، ءوندىرىس، شارۋاشىلىق قيمىلدارىمەن اينالىساتىندارىن شارۋاشىلىق تۇرىنە ەنگىزدى، الەۋمەتتىك يگىلىك قىزمەتىمەن اينالىساتىندارىن الەۋمەتتىك يگىلىك تۇرىنە ەنگىزدى، مۇنىڭ ىشىندە، نەگىزگى الەۋمەتتىك يگىلىك قىزمەتىن ۇستىنە العانداردى الەۋمەتتىك يگىلىك 1 - تۇرىنە، ادەتتەگى الەۋمەتتىك يگىلىك قىزمەتىن ۇستىنە العانداردى الەۋمەتتىك يگىلىك 2 - تۇرىنە ەنگىزدى.

    بۇدان سىرت، ءىسورىنداردى تۇرگە بولۋمەن ۇشتاستىرىپ، ءار دارەجەلى قۇرىلىم شتاتى تاراۋلارى كوپ ءتۇرلى شتات قىسقارتۋ، شتاتتى تىزگىندەۋ شارالارىن قولدانىپ، قۇرىلىم شتاتىنىڭ جالپى مولشەرىن 2012 - جىلدىڭ اياعىنداعى نەگىزگى سان ىشىندە تىزگىندەۋمەن بىرگە، قۇرىلىمداردى كۇشىنەن قالدىرۋ، بىرىكتىرۋ، شتاتتى ىقشامداۋ جۇمىسىن اناعۇرلىم ىلگەرىلەتتى.

جاۋاپتى رەداكتور:سايراش تۇرارجان قىزى