ۇلى ءىستى گۇلدەندىرۋگە سەرپىن بەرىپ، قۇدىرەتتى ەل قۇرۋ ارمانىن اسقاقتاتتى

    − پارتيانىڭ 18 - قۇرىلتايىنان بەرگى ماركسيزمدىك نازاريا زەرتتەۋ جانە قۇرىلىسى ينجەنەرياسىن ىلگەرىلەتۋ جونىندە

    شينحۋا اگەنتتىگىنىڭ تىلشىلەرى حۋاڭ شياۋشي، شى يۇيسىن، رۇڭ چيحان

    ءبىر يزم بار، وعان ادامدار ايرىقشا سەنەدى: ماركسيزم ادامزات قوعامىنىڭ دامۋ زاڭدىلىعىن اشىپ، اقيقات پەن ءمورالدىڭ بيىك تۇرعىسىن يەلەدى؛

    ءبىر تۋ بار، ول باعىت سىلتەدى: جۇڭگوشا سوتسياليزم − بۇرىنعىلار ىستەپ كورمەگەن ۇلى ءىس، جۇڭگو سىندى الىپ كەمەنى تولقىن جارا العا ىلگەرىلەتۋگە باستايتىن ۇلى تۋ؛

    ءبىر ينجەنەريا بار، ول نەگىزدى نىعايتىپ، ءتۇپ تاعاندى بەكەمدەدى: ماركسيزمدىك نازاريانى زەرتتەۋ جانە قۇرىلىسى ينجەنەرياسى ماركسيزمدى، وتە - موتە، جۇڭگوشالانعان ماركسيزمدى ىشكەرىلەي زەرتتەۋدى ءتۇبىرلى مىندەت ەتىپ، پارتيانىڭ نازاريادا جاڭالىق اشۋىنىڭ ەڭ جاڭا جەتىستىكتەرىمەن بۇكىل پارتيانى قارۋلاندىرۋدى، حالىقتى تاربيەلەۋدى، امالياتقا جەتەكشىلىك ەتۋدى ۇزدىكسىز ىلگەرىلەتتى.

    پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تاريحتىڭ ۇتىلامالى تاياقشاسىن وتكىزىپ الىپ، پارتيا مەن مەملەكەتكە باسشىلىق ەتىپ، تاريحي وزگەرىستەردى جارىققا شىعارىپ، جۇڭگوشا سوتسياليزمنىڭ جاڭا دامۋ ساتىسىنا قادام تاستاۋىن جەبەپ، جۇڭگوشا سوتسياليزم نازارياسىنىڭ جاڭا ءورىسىن اشۋدى ىلگەرىلەتتى. ماركسيزمدىك نازاريانى زەرتتەۋ جانە قۇرىلىسى ينجەنەرياسى ءداۋىردىڭ الدىڭعى لەگىنەن بوي كورسەتىپ، جاۋاپكەرشىلىك پەن بورىشتى باتىلدىقپەن ارقالاپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ۇيرەنۋ، زەرتتەۋ، ۇگىتتەۋ، پايىمداۋ توڭىرەگىندە اسا ونىمدىلىكپەن قىزمەت ورىستەتىپ، ۇلى امالياتقا رۋحاني قوزعاۋشى كۇش قوسىپ، مەملەكەتتى قۇدىرەتتەندىرۋ ارمانى ءۇشىن العا ۇمتىلۋ كۇشىن توپتادى.

    تامىر تارتقىزىپ، ءتۇپ تاعاندى بەكەمدەدى: باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىمەن جانە ەل باسقارۋداعى جاڭا ۇستانىمدارىمەن، جاڭا يدەيالارىمەن، جاڭا ستراتەگيالارىمەن بۇلجىماستان وي - سانانى قارۋلاندىردى

    56 ميلليون دانادان استى!

    بۇل «باس شۋجي شي جينپيڭنىڭ جەلىلەس ماڭىزدى سوزدەرى وقۋلىعىنىڭ (2016 - جىلعى باسىلىمى)» تارالىم رەكوردى. ارمان تۋرالى، جول تۋرالى، رەفورما تۋرالى، دامۋ تۋرالى... ماركسيزمدىك نازاريانى زەرتتەۋ جانە قۇرىلىسى ينجەنەرياسى جاعىنداعى ماماندار مەن وقىمىستىلار دەن قويا قۇراستىرعان وسى وقۋلىقتى وقىعان ادامدار باس شۋجي شي جينپيڭنىڭ جەلىلەس ماڭىزدى سوزدەرىنىڭ نازاريالىق كەرەمەتى مەن يدەيالىق ۇلى كۇشىن تەرەڭ سەزىندى.

    ۇلى ارمانعا ۇلى يدەيا جەتەكشىلىك ەتەدى.

    پارتيانىڭ 18 - قۇرىلتايىنان بەرى، باس شۋجي شي جينپيڭ بۇكىل پارتيانى، بۇكىل ەل حالقىن باستاپ ەلدى كوركەيتۋ جولىندا ەرلىكپەن العا ۇمتىلىپ، ۇلى امالياتتى ىلگەرىلەتۋ بارىسىندا حالىقتى اۋقاتتاندىرۋ، مەملەكەتتى قۇدىرەتتەندىرۋ، پارتيانى الۋەتتەندىرۋ سياقتى ەل باسقارۋداعى كەلەلى ماسەلەلەر توڭىرەگىندە ءبىرقاتار ماڭىزدى سوزدەرىن جاريالاپ، عىلمي جۇيەلى نازاريا جۇيەسىن قالىپتاستىرىپ، ايقىن ساياسي ۇستانىم، زور نازاريالىق ەرلىك، تەرەڭ تاريحي تۇرعى، دۇنيە جۇزىلىك كەڭ كوز ايا، كەمەلدى يدەيالىق كوزقاراس، وزگەشە تىلدىك كەرەمەت ارقىلى ۇلى جۇڭحۋا توپىراعىندا لاۋلاپ جانعان يدەيا الاۋىن كوتەرىپ، «جۇڭگو» اتتى كەمەنى ۇلتتىڭ گۇلدەنۋىنىڭ ارايلى جاعاسىنا قاراي جەلكەن جايا ەرلىكپەن ىلگەرىلەۋگە باستادى.

    «قاي جەردە يدەيا بولسا، سول جەردە قۇدىرەت بولادى». ارمانعا قانشا تاياعان سايىن، مۇراتتىڭ «تىرەگىن» سولعۇرلىم بەكەمدەپ، سەنىمنىڭ «ورنىقتىرعىشىن» سولعۇرلىم مىقتاپ ورناتۋ، ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىمەن سولعۇرلىم بۇلجىماستان وي - سانانى قارۋلاندىرۋ، باعىت - باعداردى ايقىنداۋ كەرەك.

    باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىنىڭ جانە ەل باسقارۋداعى جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ ساناعا، جۇرەككە ۇيالاۋىن ىلگەرىلەتۋ ماركسيزمدىك نازاريانى زەرتتەۋ جانە قۇرىلىسى ينجەنەرياسىنىڭ باس تارتۋعا بولمايتىن بورىشى. 5 جىلدان بەرى، باسشى كادرلارعا، نەگىزگى ساتىداعى پارتيا مۇشەلەرى مەن بۇقاراعا، جوعارى مەكتەپ وقۋشىلارىنا باعىتتاي وتىرىپ، نازاريامەن قارۋلاندىرۋ قىزمەتى ۇزدىكسىز تەرەڭدەي ورىستەتىلدى.

    − «شەشۋشى ازشىلىققا» نازار اۋدارىپ، باسشى كادرلاردىڭ «قۇرىش تۇلعانى» شىڭداۋىنا كومەكتەستى.

    «جۇڭگو كوممۋنيستەرى ۇيرەنۋگە سۇيەنىپ وسى كۇنگە جەتتى ءارى، ءسوزسىز، ۇيرەنۋگە سۇيەنىپ بولاشاققا بەت الادى». باس شۋجي شي جينپيڭنىڭ جان سۇيىنتەر ءسوزى جۇرەكتەرگە ۇيالادى.

    2017 - جىلى ناۋرىزدا ينجەنەرياداعىلار جازۋعا ات سالىسقان «جۇڭگو كوممۋنيستىك پارتياسىنىڭ پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋ ەرەجەسى» رەسمي باسىلىپ تاراتىلدى. بۇل ۇيرەنۋ سىندى «جۇمساق مىندەتتىڭ» تۇڭعىش رەت پارتيانىڭ ىشكى زاڭ - ەرەجەسى فورماسىندا «تەگەۋرىندى تەجەمگە» اينالدىرىلۋى ەسەپتەلەدى. «ەرەجەدە» پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ساياسي ۇيرەنۋدى ءتۇپ تياناق، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ءتۇيىن ەتۋ كەرەكتىگى ايقىندالدى، ءار دارەجەلى پارتكومداردىڭ (پارتيا باسشىلىق گرۋپپاسى) ءوز دارەجەسىندەگى وزەكتى گرۋپپانىڭ ۇيرەنۋىندە باسشىلىق جاۋاپكەرلىك ارقالايتىندىعى، پارتكوم (پارتيا باسشىلىق گرۋپپاسى) شۋجيىنىڭ وزەكتى گرۋپپا ۇيرەنۋىندەگى ءبىرىنشى جاۋاپتى ادام ەكەندىگى ايقىندالدى.

    نازاريا ۇيرەنۋدەگى ماڭىزدى، قيىن ءتۇيىندى ماسەلەلەرمەن ۇشتاستىرا وتىرىپ، ينجەنەرياداعىلار ۇيرەنۋگە پايدالانۋ ماتەريالىن قۇراستىرىپ، ولكە، مينيسترلىك دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ پايدالانىلۋىنا بەردى. ورتالىقتاعى قاتىستى تاراۋلاردىڭ پارتيالى كادرلارعا ۇيرەنۋ كىتاپتارىن سۇرىپتاپ كورسەتىپ بەرۋگە تاباندى بولۋىمەن سايكەسىپ، «شەشۋشى ازشىلىقتىڭ» بۇكىل پارتيانىڭ، بۇكىل قوعامنىڭ ۇيرەنۋىنىڭ «باعىتتاۋىشىنا»، «كوشباسشىسىنا» اينالۋىن ىلگەرىلەتىپ، ۇيرەنۋدىڭ كۇش - قۇدىرەتى ۇلتتىڭ گۇلدەنۋىنىڭ ۇلى جورىعىندا نۇرلى شۇعىلاسىن شاشتى. − ۇگىت - لەكسيا قيمىلى جاپپاي قامتىپ، پارتيانىڭ جاڭالىق اشۋ نازارياسى بۇقاراعا تولىق جەتتى.

    پارتيانىڭ 18 - قۇرىلتايىنىڭ جانە 18 - قۇرىلتايدان بەرگى ورتالىق كوميتەتتىڭ جالپى ماجىلىستەرىنىڭ رۋحىن ۇيرەنۋ، دايەكتىلەندىرۋ توڭىرەگىندە، ورتالىق ۇگىت - لەكسيا ۇيىرمەسى حالىق بۇقاراسى اراسىنا بارىپ، ورتالىقتىڭ رۋحىن تەرەڭ ماعىنامەن ۇگىتتەدى. ينجەنەريا ماماندارى ورتالىقتىڭ ۇگىت - لەكسيا ۇيىرمەسىنىڭ قىزمەتىنە بەلسەنە ات سالىسىپ، نازاريا قولعاناتى بولىپ، اقىل - پاراسات جاعىنان قولداۋ كورسەتتى. 5 جىلدا 141 رەتكى بايانداما جينالىسى، 220دان استام رەتكى ءوزارا ىقپالداستىق قيمىلى ءبىر ميلليون 410 مىڭ تىكە تىڭدارماندى، 74 ميلليوننان استام جاناما تىڭدارماندى قامتىدى.

    قالادان اۋىل - قىستاقتارعا، ورگان، كاسىپورىنداردان الەۋمەتتىك اۋماقتارعا، مەكتەپتەرگە دەيىن، ينجەنەريا ماماندارى جەر - جەردەگى، تاراۋلارداعى باسشىلارمەن، ماماندارمەن جانە ۇگىت - لەكسيا تىرەكتىلەرىمەن بىرگە نەگىزگى ساتىعا بەت العان ءاربىر ۇگىت - لەكسيا اترەتتەرىنە قوسىلىپ، وبيەكتىلەندىرىلگەن، تۇرگە بولىنگەن، ءوزارا ىقپالداسقان ۇگىت لەكسيا قيمىلى ارقىلى ورتالىقتىڭ رۋحىن جان - جاقتى، ءدال جەتكىزە، ءمان - ماعىنالى ءتۇسىندىردى، نەگىزگى ساتىدا نازاريا ۇگىت لەكسياسىن جاساۋشى ءبىر توپ وزات كوللەكتيۆ، وزات جانە تاڭداۋلى ۇگىت لەكسيا بايانداماسى ماداقتالىپ سيلاندى، جۇرتشىلىقتىڭ ۇگىت لەكسياسىنداعى «قالتقىلى كولىك»، «كىشكەنە ورىندىق» نازاريا ۇگىت لەكسياسىنداعى «ەڭ سوڭعى شاقىرىمدى» باستى...

    − «ءۇشتى ەنگىزۋ» قىزمەتى جاسامپازدىقپەن ورىستەتىلىپ، جاس دارىندىلاردى باۋلۋدىڭ «قىزىل دومنا پەشى» جاسالدى.

    باس شۋجي شي جينپيڭنىڭ جوعارى مەكتەپتەردىڭ يدەيالىق - ساياسي قىزمەتى جونىندەگى مەملەكەتتىك ماجىلىستەگى ءسوزى كوكتەم سامالىنداي، باعىت سىلتەر ماياكتاي جوعارى مەكتەپتىڭ سوتسياليستىك مەكتەپ باسقارۋ بەتالىسىن اناعۇرلىم ايقىنداپ، ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىن وقۋلىققا، ساباقحاناعا كىرگىزۋگە، وقۋشىلار ساناسىنا ۇيالاتۋعا جەتەكتەۋدە تىڭ قادام تاستادى. ينجەنەريا ماماندارى جوعارى مەكتەپتەردىڭ يدەيا - ساياسي نازاريا ساباعى سىندى ستۋدەنتتەردى نازاريامەن قارۋلاندىرۋداعى «مۇرىندىقتى» مىقتى ۇستاپ، ءبىرقاتار باعىتتامالى، جاسامپاز قىزمەتتەردى ورىستەتتى.

    2013 - جىلى، 2015 - جىلى ينجەنەريا ماماندارى جوعارى مەكتەپتەردىڭ يدەيا - ساياسي ساباعى وقۋلىعىنا جانە وقىتۋ پروگرامماسىنا جاپپاي وزگەرىس ەنگىزىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىنىڭ جانە ەل باسقارۋداعى جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ وقىتۋشىلار مەن وقۋشىلاردىڭ كوڭىلىنە تەرەڭ ۇيالاۋىنا مۇمكىندىك جاسادى. جوعارى مەكتەپتەردىڭ يدەيا - ساياسي ساباعىن وتەتىن تىرەكتى وقىتۋشىلاردىڭ زەرتتەۋ كلاسىن ءۇرتىس 42 كەزەك اشىپ، 5000عا جۋىق كۋرسانتتى تاربيەلەدى، مەملەكەت بويىنشا 21 ءتۇيىندى ماركسيزم ينستيتۋتىن قۇرىپ، «ەڭ ارداقتى يدەيا - ساياسي ساباعى وقىتۋشىسىنان» ءبىر توبىن سارالاپ شىقتى... 5 جىلدان بەرى، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن جاپپاي بەينەلەيتىن جوعارى مەكتەپ يدەيا - ساياسي وقۋلىعى جۇيەسى ۇزدىكسىز كەمەلدەنىپ، سالاۋاتتى دا ساپالى يدەيا - ساياسي وقۋلىعى كوركەم مەكتەپ اۋلاسىندا كوز تارتىپ، جاس شاكىرتتەردىڭ سەنىم الاۋى كوكتەم سامالىمەن لاۋلاي ءتۇستى.

جاۋاپتى رەداكتور:سايراش تۇرارجان قىزى