مالداردى ۆانناعا توعىتۋ قىزمەتتى ءساتتى جۇرىلۋدە

    ايجان جەكەن قىزى، دۋ حاييەن حابارلايدى. قازان ايىنىڭ باسىندا كۇزگى كوشى-قون جۇمىستارىنان تىس، مالشىلار تاعى مالداردى ۆانناعا سالۋعا قاربالاس بولىپ جاتتى.

    ۆانناننىڭ ماڭىندا، قويلار مەن ۇساق مالدار ۇيىرىلىپ جاتىر. ال، ۆانناعا مالدى توعىتۋ جۇمىسىن مالشىلار مال شيپاحاناسىنداعى قىزمەتكەرلەرمەن بىرلىكتە قاربالاس جۇرگىزۋدە.

    قازىرگى كەز ەل قىستاۋلىققا قايتۋعا دايىندىق كورىپ جاتقان مەزگىل. التاي قالاسى الاعاق قالاشىق ۇكىمەت، مال شيپاحاناسى، قىستاق كوميتەتى جانە قىزمەت اترەتىندەگى جولداستار اقىلداسۋ ارقىلى ەل قىستاۋلىققا قايتاردان بۇرىن مالداردى ۆانناعا سالۋدى ٴءجون كوردى.

    سىرتقى پارازيت قۇرت ىندەتى كونتەك، قىشىما، سۇيەل، قوتىر قاتارلى سىرتقى اۋرۋلاردى قامتىپ، جۇعىمتالدىعى كۇشتى ىندەتكە جاتادى. جۇعىمدالۋ قاينارى كوپ بولىپ، كوبىنەسە مالداردىڭ ءجۇنى قىرقىلماۋ، كوشى-قون كەزىندە مالدى ۇزاق ۋاقىت دەمالتپاي ايداۋ قاتارلى سەبەپتەردەن پايدا بولادى. دەركەزىندە الدىن الىپ ەمدەمەسە مالشىلارعا وتە زور زيان جەتكىزەدى. ال، ۆانناعا سالۋ بولسا، وسى سىرتقى پارازيت قۇرتىنا جۇعىمدالعان مالداردىڭ پارازيت قۇرتىن جويۋمەن بىرگە، جۇعىمدالۋىنىڭ الدىن الاتىن جاقسى ٴءونىمدى شارانىڭ ٴءبىرى بولىپ ەسەپتەلەدى.

    ۇعىسۋعا قاراعاندا، الاعاق قالاشىق ۇكىمەت جىلىنا مالداردى ەكى رەت ۆانناعا سالۋدى ەرتە باستان ۇيعارىپتى. قازىر كۇنىنە 6000 باس مال ۆانناعا سالىنىپ، مولشەرمەن جالپى 100 مىڭ تۇياق مالدى ۆانناعا توعىتۋ جوسپارلانىپ وتىرىلىپتى.

    مالدى ۆانناعا توعىتۋ جۇمىسىنا جاۋاپتى مال شيپاگەر، بىتەۋتال قىستاعىنا تۇسكەن كادر كاليمات تىلشىگە مالداردى ۆانناعا سالۋ قىزمەتىنىڭ جۇرىلگەندىگىنە ونشاقتى كۇندەي بولعانىن، كۇنى-ءتۇنى دەمەي جۇمىس جۇرگىزىپ جاتقاندىعىن، بۇل جۇمىستى تاباندى دا تىڭعىلىقتى بىتىرەتىندىگىن ايتىپ ٴءوتتى.

تىلشىلەردىڭ قىزمەت ورنى: شينجياڭ التاي كوكسۋ سازدىق رايون قورعاۋ مەكەمەسى

 التاي قالالىق مەملەكەتتىك باجى مەكەمەسى

جاۋاپتى رەداكتور:سايراش تۇرارجان قىزى