اۆتونوميالى رايونىمىزداعى جوعارى ونىمدىلىكپەن ۇنەمدەپ سۋارىلاتىن جەر اۋدانى 5 جىلدا 15 ميلليون 880 مىڭ مۋ ارتتى

    جاقىندا عانا اشىلعان سۋ يگىلىگى بويىنشا شينجياڭعا باعىتتامالى كومەكتەسۋ ماجىلىسىندە، ءبىر توپ سان - سيفر جۇرتتىڭ ەسىندە قالىپ قويدى: قازىرگە دەيىن، بۇكىل شينجياڭداعى (بيڭتۋاندى قامتيدى) جوعارى ونىمدىلىكپەن ۇنەمدەپ سۋارىلاتىن جالپى جەر اۋدانى 50 ميلليون 400 مىڭ مۋعا جەتكەن. 2012 - جىلدان 2016 - جىلعا دەيىن، رايونىمىزداعى جوعارى ونىمدىلىكپەن ۇنەمدەپ سۋارىلاتىن جەر اۋدانى 15 ميلليون 880 مىڭ مۋ ارتقان.

    پارتيا 18 - قۇرىلتايىنان بەرى، اۆتونوميالى رايون اۋىل شارۋاشىلىعىنداعى سۋ ۇنەمدەۋدى باعىتتامالى ستراتەگيالىق ءىرى ءىس رەتىندە قاراپ، سۋ قاجەتتىلىگى جاعىنداعى باسقارۋدى كۇشەيتىپ، سۋ بايلىعىن جايعاستىرۋ مەن ۇيلەسىمدى پايدالانىلۋدى جاقسارتتى؛ عىلىم - تەحنيكا ارقىلى سۋ ىستەرىن كوركەيتۋگە، ءبىر تۇتاس جوسپارلاپ، تەگىس ءمان بەرۋگە، ۇستىنەن وڭاۋ مەن تۇبىرىنەن وڭاۋعا تاباندى بولىپ، عىلىم - تەحنيكانىڭ تىرەكتىك رولىن تولىق ساۋلەلەندىرىپ، سۋ يگىلىگىن وڭاۋ جۇيەسى مەن وڭاۋ قابىلەتىن وسىزامانداندىرۋ اياق الىسىن ۇزدىكسىز ىلگەرىلەتتى.

    5 جىلدان بەرى، رايونىمىزداعى جوعارى ونىمدىلىكپەن ۇنەمدەپ سۋارىلاتىن جەر اۋدانى 15 ميلليون 880 مىڭ مۋ ارتتى، جوعارى ونىمدىلىكپەن ۇنەمدەپ سۋارىلاتىن جەر اۋدانى جالپى سۋارمالى جەر اۋدانىنىڭ %54ىن يەلەدى؛ سۋدى سۋارۋعا پايدالانىلۋ كوەففيتسەنتى 2012 - جىلعى 0.49دان 2016 - جىلعى 0.527گە جەتىپ، جالپى سۋارۋ مولشەرى 2012 - جىلعى مۋىنا 680 تەكشەمەتردەن 2016 - جىلعى مۋىنا 610 تەكشەمەترگە تومەندەدى، 3 ميلليون 800 مىڭ مۋ جەردىڭ سۋارىلۋ شارت - جاعدايى جاقساردى. 2017 - جىلدىڭ وزىندە، رايونىمىز ورتا تيپتى سۋارمالى وڭىردەگى سۋ ۇنەمدەۋ قۇرىلعىلارىن وزگەرتۋگە 3 ميلليارد 372 ميلليون يۋان قارجى ءبولدى. وسىنداي شارالار اۋىل شارۋاشىلىعىنىڭ جالپىلىق ءوندىرىس قۋاتىن ءونىمدى جوعارىلاتىپ، شارۋالاردىڭ كىرىسىن ارتتىرىپ، باقىت سەزىمىن كورنەكتى جوعارىلاتتى.

    بۇدان تىس، اۆتونوميالى رايون سۋ ۇقىعى مەن سۋدى ساۋدالاۋ تۇعىرىن قۇرىپ، سۋ بايلىعىن بىركەلكى جايعاستىرۋدى بىرتىندەپ تەرەڭدەتتى. جوعارى ونىمدىلىكپەن ۇنەمدەپ سۋارۋ ينجەنەرياسى ارقىلى ۇنەمدەلگەن سۋدى تاۋار تۇرىندە ساۋدالاپ، سۋ بايلىعى تاپشى رايونداردىڭ سۋ پايدالانۋىنا جاڭا جول اشىپ، سۋدى اۋىل شارۋاشىلىعىنا پايدالانۋدىڭ ونىمدىلىگىن اناعۇرلىم جوعارىلاتتى.

    اۆتونوميالى رايون تۇرپان، قۇمىل سياقتى جەرلەردەگى سۋ ۇقىعى، سۋ باعاسى رەفورماسى سىناق تۇيىندەرىنىڭ ءساتتى تاجىريبەلەرى نەگىزىندە، سۋ باعاسىن تۇرگە ءبولۋ، نورمادان اسسا باعا قوسۋ، بايلىق سۋ اقىسى سياقتى پارىقتى سۋ باعاسى ساياساتىن جاپپاي اتقارىپ، سۋ بازارى قۇرىلىسى جۇيەسىن كەمەلدەندىردى.

    بۇل كۇندەرى، رايونىمىز اۋىل شارۋاشىلىعىنا پايدالانىلاتىن جالپى سۋ مولشەرىن مەڭگەرۋ مەن نورمالى باسقارۋدى جاپپاي اتقارىپ، دالمە - ءدال قوسىمشا قاراجات بەرۋ مەن سۋ ۇنەمدەگەندەردى سيلاۋدىڭ باياندى مەحانيزمىن نەگىزىنەن ورناتىپ، اۋىل شارۋاشىلىعىنا سۋ پايدالانۋدىڭ وزىق تا ۇيلەسىمدى تەحنيكاسىن، شارالارىن جاپپاي قولدانىپ، ەگىنشىلىك قۇرىلىمىن ساپالىلاندىرۋعا قاراي رەتتەپ، سۋدى اۋىل شارۋاشىلىعىنا پايدالانۋ ءتاسىلىن بىتىراندىلىقتان شوعىرلىلىققا قاراي ويىستىردى.

    اۋىل شارۋاشىلىعىنا پايدالانىلاتىن سۋ بايلىعىن بىركەلكى ورنالاستىرۋمەن بىرگە، كولەمدى سۋارمالى وڭىرلەردى جوعارى ونىمدىلىكپەن ۇنەمدەپ سۋارۋ ارقىلى ۇنەمدەلگەن سۋدىڭ ءبىر ءبولىمىن ەكولوگياعا قايتاردى. ەكولوگيالىق سۋ مولشەرىنىڭ بىرتىندەپ كوبەيۋى، سونداي - اق سۋ اعارىن باسقارۋ ءتۇزىلىسىنىڭ جاقسارۋى تارىم وزەنى سۋ جۇيەسىنىڭ بۇرىنعى بەينەسىن بىرتىندەپ قالپىنا كەلتىرە باستادى، تارىم وزەنى جاعالاۋىنداعى توراڭعى ورمانى دا تىڭ تىرشىلىككە يە بولدى.

جاۋاپتى رەداكتور:سايراش تۇرارجان قىزى