شي جينپيڭ رەسەي - جۇڭگو دوستىق قوعامى قۇرىلعاندىعىنىڭ 60 جىلدىعىنا ارناپ قۇتتىقتاۋ حاتىن جولدادى

    شينحۋا اگەنتتىگىنىڭ 9 - قازاندا بەيجيڭنەن بەرگەن حابارى. 9 - قازاندا رەسەي - جۇڭگو دوستىق قوعامى قۇرىلعاندىعىنىڭ 60 جىلدىعىن قۇتتىقتاۋ جينالىسى ماسكەۋدە وتكىزىلدى. مەملەكەت ءتوراعاسى شي جينپيڭ رەسەي - جۇڭگو دوستىق قوعامىنا قۇتتىقتاۋ حاتىن جولدادى.

    شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 60 جىلدان بەرى، رەسەي - جۇڭگو دوستىق قوعامى جۇڭگوعا دوستىق ۇستانىمىن ۇستاپ، ەكى ەلدىڭ حالىقتار ارا بارىس - كەلىسىن بەلسەنە ورىستەتىپ، ەكى ەل حالىقتارىنىڭ ءوزارا ءتۇسىنىسۋى مەن دوستىعىن ىلگەرىلەتۋگە بەلسەندى ۇلەستەر قوستى، ول − جۇڭگو - رەسەي قاتىناسىن نىعايتۋ جانە دامىتۋداعى ماڭىزدى كۇش.

    شي جينپيڭ بىلاي دەپ باسا دارىپتەدى: «ەلدەر اراسىنداعى قارىم - قاتىناس حالىقتاردىڭ تۋىسقاندىعىندا». قازىر جۇڭگو - رەسەي قاتىناسى جاڭا تاريحي باستامادا تۇر. رەسەي - جۇڭگو دوستىق قوعامىنىڭ 60 جىلدىق مەرەي تويدى عانيمەت وراي ءبىلىپ، ەكى ەل حالىقتارى اراسىنداعى بارىس - كەلىستىڭ جاڭا جاعدايىن اشىپ، ەكى ەل حالىقتارى تىلەگىنىڭ جالعاسىپ، جۇرەكتەرىنىڭ توعىسۋىن جەبەۋگە ءتىپتى زور ۇلەستەر قوسىپ، جۇڭگو مەن رەسەيدىڭ جاپپاي ستراتەگيالىق سەلبەستىك سەرىكتەستىك قاتىناسىنىڭ جوعارى ورەدە دامۋىنا دەم بەرۋىن ءۇمىت ەتەمىن.

    رەسەيدىڭ زۇڭتۇڭى پۋتين دە رەسەي - جۇڭگو دوستىق قوعامى قۇرىلعاندىعىنىڭ 60 جىلدىعىنا ارناپ قۇتتىقتاۋ حاتىن جولدادى.

جاۋاپتى رەداكتور:سايراش تۇرارجان قىزى