بالاۋسا بالدىرعانداردىڭ ساناسىنا جارىق شاشتى

 

    سەرىك يمانقان ۇلى حابارلايدى. ۇرپاق — ۇلتتىڭ كەلەشەگى، وتاننىڭ ءۇمىتى. قازىرگى كۇنى پارتيانىڭ دانا ساياساتىنىڭ ارقاسىندا جاڭاشا اۋىل-قىستاق تۇيىندەرىندە جاڭبىردان كەيىنگى جاۋقازىنداي ءدۇر ەتىپ كوتەرىلگەن اۋىل-قىستاق قوس ءتىلدى بالالار باقشاسى بارلىققا كەلىپ، اۋىلداستاردىڭ بالاۋسا بالعىندارىن جاقىن ماڭىنان الىپپەلىك تاربيە الۋىنا مۇمكىندىك تۋدىرىپ، ولاردىڭ كوڭىلىنە شاتتىق باعىشتادى.

    «بولار بالانىڭ بەتىن قاقپاي، بەلىن بۋ» دەمەكشى جاقىندا ياعني ورتا كۇز مەرەكەسى قارساڭىندا، بۋرىلتوعاي اۋداندىق حاۋىپسىزدىكتى باقىلاۋ مەكەمەسىنەن شىعانجيدە اۋىلى قىزىل كەرىش قىستاعىنا تۇسكەن قىزمەت اترەتى 4200 يۋان قارجى اجىراتىپ، قىستاق قاراماعىنداعى قوس ءتىل بالالار باقشاسىنا بالالار كىتابى، زات سالۋ قوبديشاسى سياقتى كەرەك-جاراقتاردى ساتىپ الىپ بەردى.

    «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتى كەلگەننەن بەرى، قوس ءتىل بالالار باقشاسىنىڭ ءتۇرلى جۇمىسىن بەلسەنە قولداپ، قۋاتتاپ وتىردى. سونداي-اق، قىستاق كادرلارىن شينجياڭنىڭ قوعام ورنىقتىلىعى مەن باياندى تىنىشتىعىن ساقتاپ، ۇلتتار ىنتىماعىن كۇشەيتۋدە بالا تاربيەسىنەن باستاپ قول سالۋ قىزمەت وي جەلىسىن تىكتەۋگە كۇش سالىپ، ارناۋلى اۋداندىق شينحۋا كىتاپ دۇكەندەرىنە بارىپ، وتانشىلدىق تاربيە، ۇلتتار ىنتىماعى ءتالىم-تاربيەسى، بالدىرعانداردىڭ پاراساتىن اشىپ، ساناسىنا جارىق بەرەتىن ءبىرقىدىرۋ بالالار كىتابىن ەكشەلەپ الىپ، بالالارعا تارتۋ ەتىپ، ولاردىڭ وتاندى، شينجياڭدى ءسۇيۋ، ۇلتتار ىنتىماعىنداعى بەرەكەلىگىن جانە ءار ۇلتتتىڭ ۋىزداي ۇيىعان جاراسىمدىلىعىن قاستەرلەۋگە باۋلىپ، بالالار باقشاسىنىڭ بولاشاق ۇرپاقتاردىڭ ءمورالىنا اقىلى ساي، الىمدى ءبىلىمدى بەسىگىنە اينالۋعا مۇمكىندىك تۋدىرىپ، جاس جەتكىنشەكتەردىڭ اقاۋسىز ەسەيىپ-ەرەجەتۋىنە بەرىك نەگىز قالادى.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:سايراش تۇرارجان قىزى