حىجيڭ اۋدانىنداعى قاعىر تاۋ نۋ ورمانعا اينالدى

    4-قىركۇيەكتە، تۇستەن كەيىن اۋەدەن فوتوعا تۇسىرىلگەن حىجيڭ اۋدانىنىڭ شىعىسىنداعى ەكولوگيالىق باقشانىڭ كورىنىسى

    كۇز مەزگىلىندە، حىجيڭ اۋدانىنىڭ شىعىسى ەكولوگيالىق باقشا، سولتۇستىگى ەكولوگيالىق تاۋلى قورعاۋ رايونى، مەملەكەتتىك تاس جولى 218-لەنياسىنىڭ ەكى جاعالاۋى جاپ-جاسىل بولىپ، كوركەم كورىنىس قالىپتاستىردى.

    جاقىنعى جىلداردان بەرى، حىجيڭ اۋدانى جاسىلداندىرۋ قۇرىلىسىنا بارىنشا كۇش سالىپ، ەكولوگيالىق باقشا، كوشە ورتالىق باقشاسى، حالىق باقشاسى، ءٴجۇزىم باقشاسى جانە دەنەتاربيە مادەنيەت الاڭىن سالدى. اۋداننىڭ سولتۇستىگىندە ەكولوگيالىق قورعاۋ كورىنىس رايونى، سونداي-اق، قوس قورعاۋ الاڭى سالىنىپ، ەكولوگيالىق ورتاسى شىت-جاڭا كورىكتى اۋدانعا اينالدى. تۇرعىنداردىڭ تۇرمىس شارت-جاعدايى مەن تۇرمىس ساپاسىندا زور وزگەرىس بولدى. بۇل اۋدان قۇم-تاس ماتەريالدارىنىڭ قاينارى ەدى. 2013-جىلى 14 قۇم-تاس ماتەريالدار الاڭىن جاپتىرىپ، قىركۇيەكتەن باستاپ تەرىستىك رايوندى جاسىلداندىرۋدى جوسپارلاعان، جوسپارداعى جەر اۋدانى 50 شارشى كيلومەتر، جاسىلداندىرعان اۋماعى 30 شارشى كيلومەتر. نىسان اتقارىلعاننان باستاپ، ءار ۇلت كادرلارى مەن بۇقاراسى ىلگەرىندى-كەيىندى 7 رەت زور كولەمدە اعاش ەگۋ قيمىلىن ورىستەتتى، 9 كيلومەتر سۋمەن قامداۋ نەگىزگى قۇبىر جولى ارقىلى سۋدى سولتۇستىك تاۋعا شىعارعان. قىسىممەن تامشىلاتىپ سۋارۋ ءادىسىن جۇزەگە اسىرىپ، سۋدى ۇنەمدەپ، جاسىلداندىرۋ نىسانىن ىسكە قوسقان. قازىرگە دەيىن 30 شارشى كيلومەتر اۋماق ورمانمەن كومكەرىلىپ، اعاش ەگۋ كولەمى 14 مىڭ 600 مۋعا جەتكەن. ەگىلگەن قالامشا سانى 3 ميلليون 500 مىڭعا جەتىپ، اۋدانداعى قۇمدى بوراندى ءونىمدى تەجەدى.

جاۋاپتى رەداكتور:سايراش تۇرارجان قىزى