مەكتەپ اۋلاسىندا قۇلتەمىر كورمەسى ۇيىمداستىرىلدى

    داڭق ءاشىمحان ۇلى حابارلايدى. 28 -قىركۇيەك، فۋكاڭ قالالىق 3-ورتا مەكتەبى 11-كەزەكتى دەنەتاربيە، عىلىم-تەحنيكا، كوركەمونەر مەرەكەسىن دابىرالى وتكىزدى. مەكتەپتىڭ عىلمي تەحنيكالىق بىلىمدەردى تارقاتۋداي ۇيتقىلىق رولىن كورنەكتىلەندىرۋ، ساباقحانا وقىتۋىن ىشكەرلەي بەكەمدەۋ، وقۋشىلاردىڭ اۋەسىنە دەم بەرۋ ماقساتىمەن وسى رەت وقۋشىلاردىڭ شاعىن تەحنيكالىق قوندىرعىلاردى جاساۋ جارىسىن ۇيىمداستىرۋمەن بىرگە سانجى وبلىستىق قۇلتەمىر قيمىل ورتالىعىمەن سەلبەسىپ، مەكتەپ اۋلاسىندا قۇلتەمىر كورمەسىن ۇيىمداستىردى.

    كورمەگە ونداعان ءتۇرلى قۇلتەمىر، ميشىقتى قوندىرعىلار قويىلدى. ورتالىق قىزمەتكەرلەرى ءار تۇرلى قۇلتەمىردىڭ قۇرىلىمى مەن يقۋاتىن تانىستىردى. وقۋشىلار توتەنشە قىزىعۋشىلىق تانىتىپ، عىلىم-تەحنيكانىڭ ۇشقان ۇستاي دامىعان وزىق جەتىستىكتەرىن ەت كوزىمەن كورىپ، كوز ايالارى كەڭەيدى.

ءتىلشىنىڭ قىزمەت ورنى: فۋكاڭ قالالىق 3-ورتا مەكتەپ

جاۋاپتى رەداكتور:نۇرجان مينۋار قىزى