مي ليدا ساۋىتى اتىنداعى جەتى ادامدىق قىزدار فۋتبول جارىسى وتكىزىلدى

    ىنتىماق داۋلەتباي ۇلى حابارلايدى. پارتيا 19-قۇرىلتايىنىڭ ءساتتى اشىلۋىنا باعالى تارتۋ دايىنداپ، 1-قازان مەملەكەت مەرەكەسىن مادەني قيمىلدار ارقىلى قۇتتىقتاپ، وقۋشىلاردىڭ فۋتبولعا بولعان اۋەستىكتەرىنە دەم بەرىپ، مەكتەبىمىزدى فۋتبول ەرەكشەلىگىنە يە مەكتەپ ەتىپ قۇرىپ شىعۋدىڭ مىعىم نەگىزىن قالاۋدى كوزدە ۇستاعان بۋرىلتوعاي اۋداندىق 1-تولىق ورتا مەكتەبى 27-قىركۇيەكتەن باستاپ تولىق ورتا 1-،2-جىلدىق كلاستارىنىڭ 7 ادامدىق مي ليدا ساۋىتى اتىنداعى قىزدار فۋتبول جارىسىن وتكىزدى.

    بۇل مەكتەپتىڭ قىزدار فۋتبول كومانداسى تۇتاس شينجياڭ كولەمىنە تانىلعان جەڭىمپاز كوماندا بولىپ، وتكەن جازدا شينجياڭ بويىنشا وتكىزىلگەن ورتا مەكتەپ وقۋشىلارىنىڭ قىزدار فۋتبول جارىسىندا اعا جۇلدەگەرلىكتى جەڭىپ العان بولاتىن.

    ۇعىسۋعا قاراعاندا، مەكتەپ الدا وسى كوماندانىڭ رۋحىن جالعاستى ساۋلەلەندىرىپ، بارلىق وقۋشى فۋتبول تەبە الاتىن، بارلىق وقۋشى فۋتبولعا قىزىعاتىن تاماشا جاعدايدى قولعا كەلتىرۋ ٴءۇشىن اۋدان قالاشىعىنداعى مي ليدا ساۋدا سارايىنىڭ قارجىلاي كومەكتەسۋىندە وسى رەتكى جارىستى ۇيىمداستىرىپ وتىر ەكەن.

    جارىسقا جيىنى 21 كوماندا قاتىناسىپ، ٴار كۇنگى دەنەتاربيە ساعاتتارى مەن ەرىكتى قيمىل ساعاتتارىندا كورەرمەن بولىپ بارعان وقۋشىلار مەن وقىتۋشىلاردىڭ فۋتبولشىلارعا مەدەت بەرە داۋىستاپ، شاتىرلاتا سوققان شاپالاق ۇنىنە ۇلاسقان شاتتىق ۇندەر فۋتبول مايدانىن قىزۋ دۋمانعا بولەدى.

    اۆتونوميالى رايون دارەجەلى ۇزدىك فۋتبول تاربيەشىسى جەڭىس اقىمەت ۇلى: مەكتەبىمىزدىڭ قىزدار فۋتبول كومانداسىنىڭ تەبىنى تەنتەك، تەحنيكالارى تەتىك، ٴبىز كەلەسى قادامدا رايوندىق كوماندا اتىنان مەملەكەتتىك جارىسقا قاتىناسۋعا يدەيالىق دايىندىق كورىپ بولدىق. الدا، تۇتاس شينجياڭ حالقىنا ابىروي اپەرۋدىڭ اۋىلى الىس ەمەس،- دەيدى سەنىممەن.

جاۋاپتى رەداكتور:نۇرجان مينۋار قىزى