شينجياڭ باعراش اۋدانىنداعى ورگانيكالىق قىسقىشتار

    كۇز مەزگىلى باعراش كولىندەگى ورگانيكالىق قىسقىشتاردىڭ ءدامىن تاتاتىن تاپتىرماس مەزگىل. 27-قىركۇيەك، باعراش اۋدانى لاۋحوۋتاننان تيانشان جولبارىس قىسقىشىن ساتىپ العان ساياحاتشىلاردىڭ اياعى ۇزىلمەدى. تيانشان جولبارىس قىسقىشىنىڭ ەتى ءدامدى بولىپ، قاريدارلاردىڭ ەڭ كوپ الاتىن ءتۇرى بولىپ سانالادى.

    باعراش اۋدانى تيانشان جولبارىس قىسقىش باعىمشىلىق بازاسىنىڭ جاۋاپتىسى ۋاڭ جىگاڭ بىلاي دەپ تانىستىردى: «بۇل ارادا ‹تابيعي باعۋ› ءادىسىن قولدانىپ، ادەتتە قىسقىشتار ءبىر جارىم جىلدا جەتىلىپ شىعادى. بۇل بارىستا 20 رەت تۇلەيتىن بولىپ، ەڭ سوڭعى رەت تۇلەگەندە ارناۋلى باعىمشىلىق الاڭىنا اپارىپ 20 كۇن سارى بۇرشاق، ۇساق بالىق، جۇگەرى سياقتى  جەمەكتىكتەردى بەرىپ ارناۋلى باعىلادى»،-دەدى.

    باعراش اۋدانى تيانشان جولبارىس قىسقىشىن باعاتىن باعىمشىلىق الاڭىنىڭ جىلدىق ءونىمى 20 توننادان اسىپ، نەگىزىنەن جىجياڭ، شاڭحاي، بەيجيڭ قاتارلى جەرلەرگە ساتىلادى. ادەتتە بىرەۋىنىڭ سالماعى 200 گرامنان اسىپ، ءار كيلوگرامى  200 دە 300 يۋانعا دەيىن ساتىلسا، كىشكەنە قىسقىشتىڭ ءار كيلوگرامىنىڭ ءوزى 80 دە 150 يۋانعا دەيىن ساتىلادى. ەكونوميكالىق ونىمدىلىگى ايتارلىقتاي جوعارى. 

جاۋاپتى رەداكتور:نۇرجان مينۋار قىزى