ورتالىق وپەرا تەاترحاناسى ۇلتتىق سارا تۋىندىسى «ماناستى» مەملەكەت مەرەكەسىندە ورىندايدى

    ەلىمىزدىڭ كوركەمونەر ۇيىرمەسىنىڭ ويىن نومىرلەرىنىڭ ءبىرى، ورتالىق وپەرا تەاترحاناسى 30-قىركۇيەكتە 1-قازان كۇندەرى بەيجيڭ تيانچياۋ تەاترحاناسىندا ءىرى كولەمدى ۇلتتىق وپەرا «ماناستى» ورىندايدى.

    «ماناس» قىرعىز ۇلتىنىڭ باتىرلىق داستانى، جۇڭگوداعى ءۇش ۇلكەن باتىرلىق داستاندارىنىڭ ءبىرى، بەيزاتتىق مادەني مۇرا، دۇنيە ءجۇزى كولەمىندە، اسىرەسە، «ءبىر بەلدەۋ ءبىر جول» بويىنداعى ورتا ازيا وڭىرلەرىندە كەڭىنەن تارالعان، قازىر ورىس ءتىلى، قازاق ءتىلى، نەمىس ءتىلى، اعىلشىن ءتىلى، تۇرك ءتىلى، جاپون ءتىلى قاتارلى كوپ تىلدەرگە اۋدارىلعان.

    ەڭ العاشقى ۇلتتىق وپەرا «ماناس» ماناس باتىردىڭ جەڭىسىنەن باستاپ، اۋەلگى داستاننىڭ ءبىرىنشى بولىمىندەگى «ماناس» پەن ەكىنشى بولىمىندەگى «سامەتايدىڭ» نەگىزگى ۋاقيعا جەلىسى، اكەسىنەن بالاسىنا دەيىن، قيال-عاجايىپ پەن رەالدىقتى ۇشتاستىرىپ، كەڭ، ايبىندى ورىستەتىلگەن.

    ۇلتتىق وپەرا «ماناستىڭ» جاسامپازدىعى كۇشتى، جازۋشى ۋاڭ شاۋليڭ سەنارياسىن، كومپوزيتور شۇي شۋيا مۋزىكاسىن جازىپ، ۋاڭ يانسۇڭ رەجيسسەر بولعان. 19-قىركۇيەك وتكىزىلگەن اقپار جاريالاۋ ماجىلىسىندە سەناريست ۋاڭ شاۋليڭنىڭ تانىستىرۋىنشا، «ماناستى» ورىنداۋ تاريحي داستاندى قۇرمەتتەۋ نەگىزىندە ساۋلەلەندىرىلگەن.

    مۋزىكادا «ماناس» وپەراسى مۋزىكامەن سايكەسىپ، ايبىندى بولىپ قانا قالماي، قىرعىز ۇلتىنىڭ مۋزىكالىق ەرەكشەلىگىن دە ايگىلەدى، سىبىزعى، قومۇز قاتارلى مۋزىكا اسپاپتارى مەن تەاترداعى سوعىس، مەرەكە، ءولىم، نەكە سالتى قاتارلى كورىنىستەردى مۋزىكامەن ايبىندى بەينەلەيدى.

    بۇل وپەرانىڭ قويىلۋى الدىڭعى قاتاردا، ورتالىق وپەرا تەاترحاناسىنىڭ مۋزىكالىق باس باقىلاۋشىسى، تۇڭعىش جەتەكشىسى ياڭ ياڭنىڭ جەتەكشىلىگىندە، ءانشى يۋان چىنيە، ۋاڭ چۋان يۋە، ليۋشان جيامىڭ،جانە ورتالىق وپەرا تەاترحاناسىنىڭ ماڭداي الدى انشىلەرى يۇي جيڭرىن، لي شۋاڭ، يۋان يۇيچۋن قاتارلى انشىلەر ەرەكشە ۇسىنىس ەتىلدى.

جاۋاپتى رەداكتور:سايراش تۇرارجان قىزى