ەڭ جوعارى حالىق سوت مەكەمەسى: ازاماتتاردىڭ زاڭ بويىنشا اكىمشىلىك ارىز بەرۋىنە ۇقىعىن شىنايى قامتاماسىزداندىرۋ كەرەك

    ءتىلشىنىڭ 14 – قىركۇيەكتە ەڭ جوعارى حالىق سوت مەكەمەسىنەن ۇعىسۋىنشا، ەڭ جوعارى حالىق سوت مەكەمەسى جۋىردا «ءىستى ادامنىڭ اكىمشىلىك ارىزدانۋ ۇقىعىن زاڭ بويىنشا جۇرگىزۋىن اناعۇرلىم قورعاۋ جانە ارناعا ءتۇسىرۋ جونىندەگى ءبىرقانشا پىكىردى» جاريالادى، وسىلايشا ءىستى ادامنىڭ اكىمشىلىك ارىزدانۋ ۇقىعىن زاڭ بويىنشا جۇرگىزۋى اناعۇرلىم قورعالىپ جانە ارناعا ءتۇسىرىلىپ، ءىستى ادامنىڭ ارىز تالابىن ۇيلەسىمدى بىلدىرۋىنە جەتەكشىلىك ەتىلىپ، اكىمشىلىك تالاستى ماندىك جاقتان شەشۋ جەبەلمەك.

    «پىكىردە» مىنالار دارىپتەلدى: زاڭدا بەلگىلەنگەننەن تىس جاعدايدا دەلونىڭ قيىن، كۇردەلى بولۋى، تاراۋلاردىڭ مۇددەسىن سالماقتاپ كورۋ، جىل سوڭىنا دەيىن دەلونى اياقتاتۋعا ىقپال جەتۋ سياقتىلاردى سىلتاۋ ەتىپ ارىز – شاعىمدى قابىلداماي قويۋعا نەمەسە ارىز – شاعىمدى قابىلداعان سوڭ جازباشا انىقتاما بەرمەي قويۋعا بولمايدى. ءىستى ادامنىڭ ارىزدانۋ ۇقىعىن شەكتەيتىن «جەرگىلىكتى ساياساتتى» باتىلدىقپەن اداقتاپ، دەلو تۇرعىزۋ بۋىندارىن قالىپتان تىس تەكسەرۋدەن، زاڭعا قايشى كەلىپ ءىستى ادام بەرگەن ارىز – شاعىمنىڭ نەگىزى تولىق پا، جوق پا، ناقتى جاعدايى انىق پا، ەمەس پە، دالەل – ىسپاتى تولىق پا، جوق پا، زاڭدىق قاتىناسى ايقىن با، جوق پا دەگەندەردى دەلو تۇرعىزۋدىڭ شارتى ەتۋدەن ساقتانىپ، ناق مايداندا دەلو تۇرعىزۋ شەشىمىن قابىلداۋعا بولمايتىن جاعدايدا قاتىستى بەلگىلەمەلەردى قاتاڭ باسشىلىققا الىپ، دەلو تۇرعىزۋعا بولاتىن، بولمايتىنى جونىندە 7 كۇن ىشىندە ۇيعارىم جاساۋ كەرەك.

    «پىكىردە» مىنالار ايقىن بەلگىلەندى: قايتا قاراۋدى الدىعا قويۋعا جاتپايتىن دەلولار جونىنەن حالىق سوت مەكەمەسىنىڭ ءىستى ادامنىڭ ارىز – شاعىمى اكىمشىلىك ورگانداردىڭ قايتا قاراۋىنان وتپەگەنىن سىلتاۋ ەتىپ دەلو تۇرعىزباۋىنا نەمەسە ارىز – شاعىم ماتەريالىن قابىلداماۋىنا بولمايدى. ءىستى ادامنىڭ ارىز – شاعىمى ارىزدانۋ مەرزىمىنەن اسىپ كەتۋى مۇمكىن بولعان جاعدايدا حالىق سوت مەكەمەسى مۇقيات تەكسەرۋى كەرەك، شىنىندا ىرىق بەرمەيتىن كۇشتىڭ سالدارىنان نەمەسە ءىستى ادامنىڭ ءوز سەبەبىنە جاتپايتىن سالداردان ارىز – شاعىم مەرزىمىنە ىقپال جەتەتىن بولسا، حالىق سوت مەكەمەسىنىڭ ارىزدانۋ مەرزىمىنەن اسىپ كەتۋدى سىلتاۋ ەتىپ دەلو تۇرعىزباۋىنا بولمايدى.

جاۋاپتى رەداكتور:نۇرجان مينۋار قىزى