اۆتونوميالى رايوندىق حالىق ۇكىمەتىنىڭ كەڭسەسى «اۆتونوميالى رايوننىڭ ەكولوگيالىق ورتانى قورعاۋدىڭ باياندى مەحانيزمىن ونان سايىن كەمەلدەندىرۋ جونىندەگى پىكىرىن» شىعاردى

    20 تاراۋ، 14 ايماق، وبلىس، قالا قورشاعان ورتانى قورعاۋدىڭ 189 باياندى مەحانيزمىن ورناتادى

    ورتالىقتىڭ قورشاعان ورتانى قورعاۋدى باقىلاۋ - تەكسەرۋىن عانيبەت وراي ەتىپ، ەكولوگيالىق ورتانى قورعاۋدىڭ باياندى مەحانيزمىن ورناتۋدى كۇش سالا ىلگەرىلەتۋ ءۇشىن، اۆتونوميالى رايوندىق حالىق ۇكىمەتىنىڭ كەڭسەسى 11 - قىركۇيەكتە «اۆتونوميالى رايوننىڭ ەكولوگيالىق ورتانى قورعاۋدىڭ باياندى مەحانيزمىن ونان سايىن كەمەلدەندىرۋ جونىندەگى پىكىرىن» شىعاردى.

    «پىكىردە» مىنالار اتاپ كورسەتىلدى: ەكولوگيالىق ورتانى قورعاۋدىڭ باياندى مەحانيزمىن كۇش سالا ورناتۋ − باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ رۋحىن مۇقيات دايەكتىلەندىرىپ، تياناقتاندىرىپ، اۆتونوميالى رايونىمىزدىڭ قورشاعان ورتانى قورعاۋ قىزمەتى مەن ەكولوگيالىق وركەنيەت قۇرىلىسىنىڭ دەڭگەيىن كوتەرىپ، كورىكتى شينجياڭ قۇرىلىسىن جەدەلدەتۋدەگى ماڭىزدى شارا. جەر - جەر، تاراۋلار ۇزاق بولاشاقتى كوزدەۋ مەن ءتۇزىلىستى كەمەلدەندىرۋدىڭ ماڭىزدى ءمانىن جىعا تانىپ، شىن مانىندە يدەيالىق جاقتا باسا ءمان بەرىپ، تانىمدىق جاقتان مەيلىنشە بىرلىككە كەلىپ، ارەكەت جاعىندا بارىنشا سانالى بولىپ، پارتيا مەن حالىق ىستەرىنە مەيلىنشە جاۋاپتى بولۋ پوزيتسياسىمەن، ۇقىپتىلىقپەن ۇيىمداستىرىپ، تىڭعىلىقتى ورنالاستىرۋ جاساپ، وتكەلدى قاتاڭ يگەرىپ، يدەيا مەن ارەكەتتى شىن مانىندە ورتالىقتىڭ تالاپتارىمەن جانە اۆتونوميالى رايوندىق پارتكومنىڭ، ۇكىمەتتىڭ شەشىم - ورنالاستىرۋىمەن بىرلىككە كەلتىرۋى؛ ءتۇزىم قۇرىلىسىن كۇشەيتىپ، ءبىردىڭ تاجىريبەسىن مىڭعا ساباق ەتىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، تۇبەگەيلى تۇردە ءتۇزىمدى كەمەلدەندىرىپ جانە كەمشىلىكتەردى بۇتىندەپ، ەكولوگيالىق ورتانى قورعاۋدىڭ «جوعارى كەرنەۋلى جەلىسىن» ورناتۋى، قاتايتۋى قاجەت.

    «پىكىردە» مىنالار تالاپ ەتىلدى: جەر - جەر، تاراۋلار ءوز جۇمىسىنا ۇقىپتى بولىپ، ءوز جاۋاپكەرشىلىكتەرىن وتەۋى كەرەك. «كىم باسقارسا، سول جاۋاپتى بولۋ»، «كىم شەشىم قابىلداسا، سول جاۋاپتى بولۋ» پرينسيبى بويىنشا، «پارتيا مەن ۇكىمەت جاۋاپكەرلىكتى تەڭ ۇستىنە الۋعا، ءبىر قىزمەت ورنىندا قوس جاۋاپكەرلىك ارقالاۋعا»، «تاۋەلدى جەر بويىنشا باسقارۋعا»، «دامۋدى باسقارعاندا، ءسوز جوق، قورشاعان ورتانى قورعاۋدى باسقارۋعا، شارۋاشىلىق سالالارىن باسقارعاندا، ءسوز جوق، قورشاعان ورتانى قورعاۋدى باسقارۋعا، ءوندىرىس - شارۋاشىلىقتى باسقارعاندا، ءسوز جوق، قورشاعان ورتانى قورعاۋدى باسقارۋعا» تاباندى بولىپ، ەكولوگيالىق ورتانى قورعاۋدىڭ جاۋاپكەرشىلىك جۇيەسىن كەمەلدەندىرۋى؛ جان - جاقتى تەكسەرىپ، جالقى ارقىلى جالپىعا تۇرتكى بولىپ، ءوز جەرىنىڭ، ءوز تاراۋىنىڭ جاسىل دامۋىنا ىقپال ەتەتىن، بۇقارانىڭ دەنساۋلىعىنا زيان سالاتىن كاسىبي، وڭىرلىك، كۇرمەۋلى جانە قوردالانعان، جالپىلىق سيپاتى كۇشتى قورشاعان ورتا ماسەلەلەرىن مۇقيات سارالاۋى؛ قاراپ وتىرماي، ارقا سۇيەمەي، قورشاعان ورتانى قورعاۋدىڭ، وڭاۋدىڭ، وركەندەتۋدىڭ باياندى مەحانيزمىن بىرتىندەپ ورناتۋى؛ جەدەل شارا بەلگىلەپ، دەر كەزىندە تاراۋلاردان پىكىر الىپ جانە مامانداردى عىلمي نەگىزدەمە ازىرلەۋگە ۇيىمداستىرىپ، ءبىر - بىردەن سىعايلاپ، ورتاعا قويىپ، اتقارىپ وتىرۋى كەرەك.

    ۇعىسۋعا قاراعاندا، «ورتالىقتىڭ قورشاعان ورتانى قورعاۋدى باقىلاۋ - تەكسەرۋىن ۇتىمدى وراي ەتىپ، قورشاعان ورتانى قورعاۋدىڭ باياندى مەحانيزمىن ورناتۋ، كەمەلدەندىرۋ تىزىمدەمەسىن ورتاعا قويۋ جونىندەگى ۇقتىرۋداعى» تالاپتارعا سايكەس، اۆتونوميالى رايوننىڭ 20 تاراۋى قورشاعان ورتانى قورعاۋدا 8 ۇلكەن ءتۇر بويىنشا 77 باياندى مەحانيزم ورناتۋعا كىرىسكەن. اتاپ ايتقاندا، تابيعات ەكولوگياسىن قورعاۋ ءتۇرى 21، قورشاعان ورتانى قورعاۋ بويىنشا باقىلاۋ - باسقارۋ، زاڭ اتقارۋ ءتۇرى 18، سۋدىڭ لاستانۋىنان ساقتانۋ جانە ونى وڭاۋ ءتۇرى 10، توپىراقتىڭ لاستانۋىنان ساقتانۋ جانە ونى وڭاۋ ءتۇرى 9، شارۋاشىلىق قۇرىلىمىن رەتتەۋ جانە ەنەرگيا ۇنەمدەپ، جاراقسىز زاتتىڭ ىعىستىرىلۋىن ازايتۋ ءتۇرى 8، اتموسفەرانىڭ لاستانۋىنان ساقتانۋ جانە ونى وڭاۋ ءتۇرى 6، قورشاعان ورتانى قورعاۋ زاڭ - ەرەجە، ساياساتتار ءتۇرى 4، نىسانالار مەن مىندەتتەردى كەشەندى باعالاۋ ءتۇرى ءبىر. بۇدان سىرت، 14 ايماق، وبلىس، قالا قورشاعان ورتانى قورعاۋدىڭ 112 باياندى مەحانيزمىن ورتاعا قويماقشى. اتاپ ايتقاندا، قۇمىل قالاسى 18، قارامايلى قالاسى 17، ءۇرىمجى قالاسى 13، بايىنعولين موڭعۇل اۆتونوميالى وبلىسى 12، سانجى حۇيزۋ اۆتونوميالى وبلىسى 9، بۇراتالا موڭعۇل اۆتونوميالى وبلىسى 8، اقسۋ ايماعى 8، قىزىلسۋ قىرعىز اۆتونوميالى وبلىسى 5، تۇرپان قالاسى 5، حوتان ايماعى 5، تارباعاتاي ايماعى 4، ىلە قازاق اۆتونوميالى وبلىسى 3، التاي ايماعى 3، قاشقار ايماعى 2 باياندى مەحانيزم ورناتادى.

جاۋاپتى رەداكتور:سايراش تۇرارجان قىزى