ج ك پ ورتالىق كوميتەتى، مەملەكەتتىك كەڭەس ساپانىڭ جالپى دەڭگەيىن كوتەرۋ جونىندە پىكىر شىعاردى

    شينحۋا اگەنتتىگىنىڭ 12 - قىركۇيەكتە بەيجيڭنەن بەرگەن حابارى. شينحۋا اگەنتتىگى 12 - قىركۇيەك كۇنى وزىنە بەرىلگەن وكىلەتتىك بويىنشا «ج ك پ ورتالىق كوميتەتى مەن مەملەكەتتىك كەڭەستىڭ ساپانى كوتەرۋ ارەكەتىن ورىستەتۋ جونىندەگى جەتەكشى پىكىرىن» تاراتتى. پىكىردە 2020 - جىلعا دەيىن، ەلىمىزدىڭ قامداۋ ساپاسىن ايتارلىقتاي جاقسارتىپ، قامداۋ جۇيەسىنىڭ تيىمدىلىگىن ارتتىرىپ، ساپاداعى قۋاتتى ەل قۇرۋدا كورنەكتى تابىستارعا قول جەتكىزىپ، ساپانىڭ جالپى دەڭگەيىن ايتارلىقتاي كوتەرۋ ورتاعا قويىلدى.

    جەتەكشى پىكىردە مىنالار باسا دارىپتەلدى: قامداۋ ساپاسىن كوتەرۋ − قامداۋ جاعىنداعى قۇرىلىمدىق رەفورمانىڭ باستى باعىتى، ونىمدەر مەن كورسەتىلەتىن قىزمەتتىڭ ساپاسىن جاپپاي جوعارىلاتۋ − قامداۋ جۇيەسىن جوعارى كوتەرۋدىڭ وزەكتى مىندەتى. ساپا ءبىرىنشى دەيتىن قۇندىق بەتالىسقا تاباندى بولىپ، حالىق جۇرتشىلىعىنىڭ سۇرانىسىن قاناعاتتاندىرۋ مەن مەملەكەتتىڭ كەشەندى قۋاتىن نىعايتۋدى ءتۇبىرلى ماقسات ەتۋدەن جازباۋ كەرەك.

    − ءونىم، قۇرىلىس جانە كورسەتىلەتىن قىزمەت ساپاسىن ايتارلىقتاي كوتەرۋ. ساپاعا بايلانىستى كورنەۋ ماسەلەلەردى ءونىمدى تۇردە جونگە سالىپ، ينتەللەكتۋالدى، تۇتىنۋشىعا ىڭعايلى ورتا، جوعارى ساپالى ونىمدەرمەن قامداۋدى قاۋىرت ارتتىرىپ، ۇستەمە قۇنى جوعارى جانە ساپالى قىزمەتتەر كورسەتۋدىڭ ۇلەس سالماعىن ونان سايىن كوتەرىپ، جۇڭگولىق ونىمدەردىڭ، قۇرىلىستاردىڭ، كورسەتىلگەن قىزمەتتەردىڭ جانە برەندتەردىڭ حالىقارالىق باسەكەگە قابىلەتتىلىگىن ايتارلىقتاي نىعايتۋ كەرەك.

    − سالالىق دامۋدىڭ ساپاسىن ورنىقتى تۇردە جوعارىلاتۋ. كاسىپورىنداردىڭ ساپا باسقارۋ دەڭگەيىن قاۋىرت كوتەرىپ، ءداستۇرلى باسىمدىققا يە شارۋاشىلىق سالالارىنىڭ قۇن تىزبەگىن جاڭعىرتىپ، ستراتەگيالىق ماڭىزى بار جاڭا شارۋاشىلىق سالالارىنىڭ ساپالىق تيىمدىلىك ەرەكشەلىگىن ونان سايىن كورنەكتىلەندىرىپ، قىزمەت كورسەتۋ سالاسىنىڭ ساپاسىن كوتەرۋ مەن تيىمدىلىگىن ارتتىرۋدى ونان سايىن جەدەلدەتىپ، تەحنيكا، شەبەرلىك، ءبىلىم، ت.ب نى باستى فاكتور ەتكەن ساپالىق باسەكەلەستىككە نەگىزدەلگەن شارۋاشىلىق سالالارىنىڭ كولەمىن ايتارلىقتاي ۇلعايتىپ، ساپالىق تيىمدىلىگى ءبىرىنشى ساناتقا كوتەرىلگەن الەمدىك دەڭگەيدەگى ونەركاسىپ كلاستەرلەرىن قالىپتاستىرۋ كەرەك.

    − وڭىرلەردىڭ ساپالىق دەڭگەيىن جاپپاي كوتەرۋ. وڭىرلەردىڭ نەگىزگى فۋنكتسيالىق ورنى مەن شارۋاشىلىق سالالارىنىڭ جايعاسىمىن ونان سايىن ۇيلەستىرىپ، وڭىرلىك ەرەكشە بايلىقتار، قورشاعان ورتا سيىمدىلىعى جانە ونەركاسىپ نەگىزى سياقتى بايلىق ارتىقشىلىقتارىن تولىق كادەگە جاراتىپ، ونەركاسىپتىڭ ساتىلى ورىن اۋىسۋى مەن ساپاسىنىڭ كوتەرىلۋىن قادامداس ىلگەرىلەتىپ، وڭىرلىك ەكونوميكانىڭ ءوزارا تۇتاس جانە سارالانعان دامۋ جۇيەسىن قالىپتاستىرۋ كەرەك.

    − مەملەكەتتىڭ ساپا نەگىزدىك قۇرىلعىلارىنىڭ تيىمدىلىگىن تولىق اشىققا شىعارۋ. مەملەكەتتىڭ ولشەۋ، ولشەم، تەكسەرۋ، سىناۋ، تانۋ، رەسميلەندىرۋ سياقتى ساپالىق نەگىزدىك قۇرىلعىلارى جۇيەسىن كەمەلدەندىرىپ جانە ءتيىمدى تۇردە جولعا قويىپ، تەحنيكالىق دەڭگەي مەن قىزمەت كورسەتۋ قابىلەتىن ونان سايىن نىعايتىپ، حالىقارالىق باسەكەگە قابىلەتتىلىگىن ايتارلىقتاي جوعارىلاتىپ، عىلىم - تەحنيكالىق ۇدەرىسكە، شارۋاشىلىقتىڭ جاڭعىرۋىنا، قوعامدىق باسقارۋعا، شەتەلدەرمەن بايلانىسقا جاسايتىن تىرەكتىك قابىلەتىن پارمەندى ەتە ءتۇسۋ كەرەك.

جاۋاپتى رەداكتور:سايراش تۇرارجان قىزى